🍁قيد العراقي 🍁 (طور التنزيل )

part62

مريام : انا ماتنكدبش عليك دابا ان شاء الله تشوفي راسك كي غتولي زوينة ...و دابا النعاس غدا ان شاء الله الاحد راحة نوضو على خاطرنا و نخرجو انا و ياك نديرو شوبينغ مع البنات ...

حنين ( بقات ساكتة شحال عاد قالت ) شكون البنات ..

مريام : ختي سلوى و خالتي فاطمة الزهرا ماغتكونيش عاقلة عليهم غدا ان شاء الله و تشوفيهم و تشوفي سليمان الصغيور حتى هو غيعجبك الحال معاه ...

حنين ( تتحماق على الدراري الصغار ) وخا ...تصبحي على خير..

مريام ( طفات الضو الخافت لي كان مشعول ) بون دودو مابيل ...

بقاو شحال ساكتين مريام متكية تتفكر فعبد الهادي و مرة تفكر العادة الشهرية لي تتنقط عليها كل صباح و تغبر  اما حنين جاها العطش و مابغاتش تقولها ليها ماعرفات شنو تعيط ليها حيت باباها منع عليها تعيط ليها بسميتها حافية و فنفس الوقت خافت مريام مايعجبهاش الحال فاش تعيط ليها ماما بقات ساكتة صابرة حتى عيات و نغزات مريام من كتافها وخا أصيلة تتغوت عليها و تنبهها على هاد التصرف ماشي مزيان و ماتيليقش بيها و حتى فاش تتشير على شي حاجة بصبعها و تقوليها هاهو ولا هاهي تتعطيها درس فالتعامل و اللباقة و تتبغي دخل ليها شي تصرفات كبار على عقلها و عمرها المهم باغية حفيدتها تكون أميرة بكلشي ديالها  ..

شافت فيها مريام بالزربة
_ حنين مالكي ؟

حنين : بغيت نشرب....

ناضت مريام تتقلب نسات ماطلعات الماء ناضت من الفراش عجزانة بعد ماسخنات بلاصتها ، طلعات ليها الما و عطاتها تشرب قالت ليها شكرا و تبسمات ليها مريام ...نعسو حتى فاقت حنين   فالصباح على صوت لطيفة لي تصدمات فاش دخلات و شافت شعر زعر  ..
_ مرييام بنتي ...

خرجات مريام من الحمام على صوتها و ردات عليها بصوت هامس لاتفيق حنين ..
_ حنين ناعسة اماما هدري بشوية...

لطيفة ( تعجبات ) حنين باتت هنا ؟

مريام : وي غتبقى معايا حتى يجي عبد الهادي ..

لطيفة : و علاش ؟

مريام ( خفضات صوتها و قالت بجدية ) حيت انا بغيت اماما ...

لطيفة : و لكن ابنتي المسؤولية ماشي ساهلة ...

مريام : شش عفاك اماما من بعد نهدرو ...

لطيفة ( بعدم ارتياح ) وخا الجوهر ديالي ، بدلي عليك و هبطو تفطرو راه خوك زهير جا ..

مريام ( بفرحة ) بلا مايعلمني زعما ...

لطيفة : هههه انا و صدمني دغيا هبطي قبل ماتشديهش و يغبر ثاني...

ضحكات مريام و مشات تتفيق حنين  لقاتها فايقة ...
_ صباح الخير نوضي تفطري...

حنين : وخا...
ناضت حنين بكل ادب  و الظفائر فشعرها فرحانة بيهم...شافت فمريام لقاتها مزال ماحلاتهم خلاتهم حتى هي و مشات نيشان للحمام بدلات عليها كيف علمات ليها مريام و عقلها الصغير تيقول ليها راه صافي ماغيجيهاش بزاف د الدم كيف تتصور غي نقيطات مرة مرة و صافي حساب ليها غيبقى يجيها هكا و هادي هي العادة الشهرية حيدات منها شوبة الخلعة غسلات وجهها و يديها و بغات تغسل سنانها ماجبرات باش الشيتة ديالها ماجابتهاش وهي ولفات سنيناتها يتغسلو و ترش ليها جويرية من ريحتها الخاصة بيها ...بقات قاارمة فالطواليط معبسة مابغاتش تخرج حتى دقات عليها مريام تتسول...
_ حنين محتاجة شي حاجة...
حنين : بغيت نغسل سناني ...