درعها الحاج تحت دراعو بفخر ساكن فعينيه : الحمد الله هاد الساعة الالة مريام...الحمد الله على سلامة سي عبد الهادي دازت بخير و على خير الله يحفظكم من كل شر...
لطيفة : امين ياربي...
مريام ( تبسمات ليه بحب ) امين الله يحفظكم و يطول ليكم فعمركم.. فرحت حيت جيتو ...
ستقبالتهم بفرحة و سبحان الله رتاحت فاش شافتهم و الغمة تحيدات من قلبها ...جلسو مجموعين نساء و رجال ماكيفرقوش عادة و مولفين كلشي مخلط حيت التدين مامتدينيش كلهم ...القلة القليلة صافي ، حتى من عبد الغفور ولادو كلشي مامتدينش الا عبد الهادي لي شاد شوية الطريق و مزير فشي حوايج تيشبه لجدو الحاج العراقي...، خرج عاصم هو الاول من مكتب الحاج وجهو صفر باين عليه الهلكة و عينيه غراقو طلع نيشان لبيتو و بقى عبد الهادي مع الحاج العراقي شحاب فالمكتب حنى خرجو بجوج عبد الخادي غادي حداه تيهدرو غي شاف الحاج موسى كاين ابتسمو ليه ملامحو و سلم عليه برحابة بيديه السالمة...
_اهلا اسي الادريسي كيف الصحة بخير و الاحباب ....
الحاج : الحمد الله و الشكر لله على السلامة ديالك ربي كان معاك و دازت بخير ...
عبد الهادي ( حط يديه على صدرو برحابة ) بارك الله فيك اللهم امين...تفضل جلس !
تبسمات ليه حتى لالة لطيفة و دارت معاه الواجب و ردو ليها بالمثل ..خلا بلاصتو لي كان جالس فيها و جلس حدا الحاج موسى ،دور عينيه على حنين و مريام و مالقاهمش...حتى شاف مريام جاية من بعيد ناشرة نعومة الوانها ، تتهدر فالتليفون و تتبسم حتى تيطلعو خدودها قطعات عاد جات جلسات بلاصتها جنب لالة لطيفة غي شافتو كاين وقع ليها كي ولفات يوقع ليها كل مرة ، قلبها تيوقع فيه العجب ، حتى تلهات مع لالة لطيفة تيهدرو و تسول على أحوالها...
_مزال تتشهاي الليمون ؟
مريام : نوو.هاد الصباح ماكليتوش ماعجبنيش شميت فيه ريحة خايبة نفرتو ...
لطيفة : سبحان الله...وحمك تيتقلب للعكس بكثرة ماكان تيعجبك غتكرهيه و دابا راك عاد البداية تبارك الله ...
مريام ( حطات يديها على كرشها تتبسم و تعاود ليها مامسوقاش لشي حد )مزال سيمانة وحدة و غنشوف بونبون داموغ ديالي....
لطيفة : ههههه ان شاء الله الله يسمعنا خير...ياكما غلباتك الخلعة بزاف على راجلك ؟ ماحسيتي بوالو بعدا فكرشك...
مريام ( بقلق ) نو ماحسيت بوالو غريب ...
لطيفة : بلا ماتقلقي احبيبة ديالي غي الخلعة مامزياناش...ردي بالك لصحتك و الحاجة لي تعصبك بعدي منها...
مريام : ماكاين لي يعصبني الحمد الله حتى حاجة ماتستاهل...
لطيفة : هكاك الله يرضي عليك...
اليل لون السما بسوادو خلى كل واحد يدخل لبيتو بعد تعب طويل نفسي و جسدي...، عرفاتو ماغاديش يجي دابا و عرفاتو فين غيكون ، العقل تتلفو مع الكريمات ديالها و شعرها و عطورها الطبييعية لي غالب عليهم ريحة النقاوة ..فاش تتبقى ساهية تتفكر تيجيو لبالها شي افكار ماشي ديالها و ماشي عقليتها عليها غي تتحس براسها بدات طيح ففخ الشيطان تتنعلو و تهز راسها نافضة كلشي من بالها...ناضت تخشات في فراشها و عطات للباب بالظهر ترتاح و عقلها معاه ، عشر دقايق و ربع ساعة و بعدها دازت نص ساعة و اربعين دقيقة عاد سمعاتو دخل ..فتحات عينيها و شعلات الضو و جلسات شادة بينوارها عند صدرها و قالت...
_ نعسات حنين ؟
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
