حناتهم منو بحياء و ركبات طموبيلتها و تحركات من تما عاد قدرات تنفس براحة حيدات فولارها مطلعة الزاجة ديال الطموبيل ، شربااات شوية تبرد على حلقها عاد كملات طريقها عند فاتي ...و من تما تحركو لمكناس !
فاتي ( شافتها ساكتة و ماتتهدرش ) مالك شنو تخاصمتو غي بالعيينين ولا شنو طرا ...
ضحكات مريام بزز منها ...: زوينة عندك هادي...
فاتي : ههههه و نتي تتباني بحال مخاصمة مع حبيب القلب...و حبيب القلب فين تتهدري معاه باش تخاصمو ...
مريام ( شافت فيها بانزعاج ) راني دويت معاك بصح...هاد حبيب القلب بلاش منها افاتي و بلا ماتندميني علاش عاودت ليك....
فاتي : داكوغ سمحي ليا...يلاه قولي ليا مالكي ؟
مريام ( شافت فيها و رجعات شافت قدامها بهدوء ) صونا عليا قبيلة فالتليفون لاول مرة ...
فاتي ( هزات حجبانها مبتسمة ) اوى هدرتو ؟ شنو قال....
مريام : طاح ليا التليفون و تطفى و انا تندوي معاه ...ماعرفتش شنو كان باغي يقول...
فاتي ( تتسول بحماس ) منين جاب نمرتك ؟
مريام : و باش غنعرف ؟ يمكن من الإدارة....
فاتي : على زهر عندك اصحبتي ، باين ماعاودش صونا ...( هزات مريام راسها بالنفي وكملات فاتي ) توريني فداك النوع انا ...صيفطي ليه ميساج بعدا اعتذري ليه و فهميه شنو وقع بعدا تعرفي شنو كان باغي يقول ليك....
مريام : الواجب هكا تيقول مي انا مانقدرش ندخل عليه بريفي ولا نصيفط ليه ميساج مانزعمش ...
فاتي ( بالفقصة ) اويلي على هاد بناتك الطيفة غيطرطقو ليا شي عرق بالفقصة ...فين مريام لي معروفة بالصواب و تتعرف شنو عليها و شنو لي ماشي عليها...مالك غتمعشقي معاه... ميساج عادي سلام طاح ليا التليفون عليها تقطع الاتصال ..
فاتي تتدوي و تعبر و مريام هدرتها تدخل من جهة و تخرج من جهة أخرى حيت فاتي تتدوي بلا ماتحس راسها بلاصتك...تتدوي على راسها و على الرجال لي عرفاتهم...، ماعارفاش انو السيد ماتيردش على الميساجات من الاصل ...و التواصل معاه مباشر فالتليفون صعييب تيرد غي المساعد ديالو و سي العمراني ...؛ فاتي شافت راسها تتدوي مع الريح سكتات مفقوصة غي بوحدها...
بعد أسبوع ! لاول مرة تتكون عارفة انو سي العراقي غيجي زيارة ..حيت دايما تيجي بلا ماتعرفو جاي...زياراتو قلال بالسيف تتكون مرة وحدة فالشهر...بعد غياب كثار من شهر عاد جا اليوم...، كان فالقاعة الكبرى مع المساعد ديالو بقى فترة طويلة عاد دخل لعندهم ، بعد اخر موقف وقع ليها معاه ماعاودات شافتو ..ماصيفطات ليه رسالة ولا اعتذار خلات شوية راحة لقلبها ...كانت لابسة شال فلون السكر ، ناشرة نعومة الوانها كاسرة خشونة فصل الشتاء ، كانت عارفة كيف كل مرة اخر محطة تيوقف فيها تتكون عندها ، بلا ماتهز عينيها فيه بعدات صبعانها فوق الورقة باش يشوف خطها ، لاحظ الفرق بين قبل و دابا كاين تحسن ...كانت تتحاول تكتب سورة الفاتحة عاد بادية فيها....بنظرة ثاقبة حطهم على حرف الكاف ، كانت تتكتبها بطريقة خاطئة...دور ليها على داك الحرف و شاف فيها ناطق بهدوء مغلف بالجدية...
_ عندك مشكل مع حرف الكاف..رسمتيه ثقيل ، ( رسم حرف كاف ثقيل كي دارت هي و الاخر نحيف و رسم واحد اخر متوازن ) حرف الكاف يكون متوازن حسب الصورة التي اعتادت عليها العين في خط النسخ ...قارني الخط العمودي مع الافقي كيف داير ؟ ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
