نعسات على داك الحال تتنعس و تفيق و تنعس و تفيق ، مامرتاحاش مخلطة عليها الهلكة و حريق الراس و حريق الكرش ماعارفا واش بصح ولا غي تتحلم ..جاب ليها غي حلم و فوسط الحلمة حتى جات تتفيقها سلوى بحنان...
_ مريام ..مالكي احبيية ؟ واش كرشك كضرك ...فاقت مريام على صوتها عاد رجعات للواقع و رمشات فيها مدكدكة تقول مانعسات حتى دقيقة...
_ صباح الخير...سلوى : صباح النور..كي صفحتي..
جات تجلس شداتها الدوخة..: الدوخة ثاني ...
سلوى ( بقلق ) حطي راسك على المخدة و نعسي على. ظهرك شوفي فبلاصة وحدة غتمشي ...عادي هاد الدوخة احبيية ...
غمضات مريام عينيها مكمشة حجبانها بتعب ، ماتتحملش حالتها فاش تتفيق . بقات معاها سلوى مشوشة عليها...
_ الله يخفف عليك احبيية ديالي...مريام : اميين..صبح فيا شي حريق فبطني بحال ديال ليغيكل ...
سلوى : عادي تنا فالاول كتبدا كرشي توجعني بحال حريق ليغيكل ... حاولي تفتحي عينيك! نقوليهم يطلعو ليك الفطور لهنا...
مريام ( خسسرات ملامح وجهها ) نو نو مابغيتش ناكل والو ..ماتجبديش ليا حس الماكلة دابا...حتى فمي تنحس بشي مرورية فيه ضيقاتني ..
سلوى ( تبسمات بحنان ) سبحان الله كاع ماوقع ليك هكايا فالحمل الاول...
كان رد مريام الصمت ماعلقاتش ..بقات سلوى تتشوف شحال و رجعات تبسمات : هاد الفنكوش ولا الفنيكيشة داير فيك العمايل من دابا الله يكون معاك...
مريام ( تبسمات بتعب )الحمد الله...كلشي منو كي العسل ...
دخلات فاتي عليهم لابسة جلابة بلدية و بليغة و جامعة شعرها شافت مريام هكاك تشوشات حتى هي و طلعات جلسات حداها فوق الفراش ...
_ اويلي مالها...سلوى : الوحم و عمايلو مسيكنة ماقدراتش تنوض...
مريلم شمات ريحتها عافتها و بلا وعي شدات نيفها و نطقات : شنو هاد الريحة فيك تتقهر افاتي بعدي سيلتوبلي ...
فاتي ( تتشمشم فراسها ) اويلي الشيطان مال هادي ...
مريام ( ميعات شفايفها بقرف ) ريحتك خايبة ماحملتهاش ...
بقات فاتي غي مبرقة عينيها مصدومة و حتى سلوى حبسات الضحكة تتشوف فردة فعلها جاتها فشكل من مريام ..على نيتها جلسات تتشمشم تحت يديها مصدومة...
_ تتسطاي عليا ! سلوى شمي ! شمي نتي واش فيا شي ريحة مافيا والو كاع ، عاد دوشت فيا ريحة البارفان لي قلتي عجبك يالمنافقة كنتي تتنافقيني....سلوى : نو نو ريحتك فنة عجبتتني يمكن ماعجبهاش هي مع الوحم راه تيوقع معاك العجب عادي...
بقات فاتي تتشوف فسلوى و ترجع تشوف فمريام تترمش ...حتى قلبات عليها مريام وجهها و فاتي غلباتها الضحكة ضربات بد مع يد و قالت تتضحك و تهز فراسها : اوى هااا الفراجة هااا مادرت لا بيدي لا برجليا و ماتجي غي فيا ...سيري تفششي على لي حملك و طلقي عليه فشوشك يهز هبالك و يذوق حقو ..انا مادرت ليك والو ...
![](https://img.wattpad.com/cover/352017597-288-k368275.jpg)
ČTEŠ
🍁قيد العراقي 🍁 (طور التنزيل )
Dobrodružnéقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...