هزات بنت خوها فيديها واحد الطبوزة صغيرة تتعبز ليها فصدرها و تجر ليها شعرها تخشيه ففمها...طلعات لبيتها مع تليفونها سكت...! حطاتها فوق الناموسية مكالياها بالمخاد و هزات تليفونها تتششوف شكون صونا ...البارح ستنات الاتصال ديالو و مااتصلش و مابقاتش دايرة بالها معاه قالت يمكن ماعندوش مع الهدرة فالتليفون ماتعرف كلشي ممكن....دابا تتشوف ابيل فيديو من حنين شي ثلاثة ديال المرات...! حطات التليفون و ناضت توضات و صلات ، حيدات اسدال ديال الصلاة و تسرسب شعرها معاها و التريكو معري الرقبة بكول في ، و السنسلة تتبري مع عنقها...صاوبات بلاصتها حدى بنت خوها نعساتها فوق صدرها و رمات شعرها على المخدة وراها حتى تفرق بحال الوردة عاد دوزات ابيل فيديو لحنين...بقات شحال حتى قالت مغتردش و تفتح الخط على صورة حنين مبتسمة ...نطقات مريام بدفىء...
_ حنووونة ..حنين ( ببرائة ) شكون البنت معاك ..
مريام ( حنات مريام الكاميرا لصدرها فين ناعسة بنت خوها تتلعب ليها فصدرها ) هادي هداية بنت خويا ...هداية عميتو ديالي شوفي حنين شوفي واحد البنوتة زوينة بحالك...
حنين ( متبعة معاها بخشوع ) مابغاتش تشوف فيا...
مريام : لا دابا غتشوف فيه و دير ليك بيزو هههه ياك اهداية عميتو شوفي هنا ديري ليها بيزو هكا كي درت انا ...
شافت هداية فالكاميرا تتضحك و ترجع تشوف فمريام حتى كمشات يديها على شكل بونية و ضربات وجه مريام ...ضحكات مريام مبعدة وجهها و حنين ساكتة مبتسمة تتدور فعويناتها ...
_ مريام : شفتيها شحال عنيفة هاد القميلة ...قولي شنو كديري ؟ توحشتيني ولا لا ..حنين ( هزات راسها بالايجاب ) توحشتك...
مريام ( ردات ليها مريام البال مرة تتشوف فيها و مرة تتشوف قدامها بحال معاها شي حد ) : تنا توحشتك ...
حنين : بابا قاليا غلط نقولو تنا لازم نقولو حتى أنا ...
مريام ( تبسمات ) يمكن عندو الصح ... شكون معاك ؟ لالة جويرية ؟
رمات ليها هداية التليفون من يديها تتبكي حتى طاح مع الناموسية... ناضت تتسكت فيها وهداية تتجبد ليها التريكو من فوق صدرها باغية ترضع و مها ماكايناش خلاتها مع مريام...بقات كتلاهيها حتى سكتات عاد هزات التليفون و رجعات صونات على حنين ...بقى شحال عاد تفتح الخط و هي قالبة وجهها لهداية لي مخشية فصدرها تتلعب ليها فالتريكو و تجبد ليها فيه حتى تيطلع صدرها..غي قلبات عينيها للكاميرا شافت وجهو ،تلفات و تفافات و هداية تتصرفق فيها ماخلاتهاش تصدم ....
حيدات ليها يديها من شعرها تترمش حاطاها حداها مكالياها عندها طيح...عاد شافت فالكاميرا و بلا ماتعيق طلعات الكاميرا شوية باش مايبانش صدرها ..عاد قالت
_ سلام...
عبد الهادي ( بنبرة دافئة و القلم فيديه تيوقع على شي وراق حداه ) و عليكم السلام ...كيف الأحوال بخير
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...