خرجات جويرية تجيب ليها شنو بغات بيديها ماسخرات حد ، غي شافوها دخلات للكوزينة كل وحدة تحزمات مع شغلها تيعرفو لالة حويرية تتدخل غي فاش تتبغي توجد كسكسكو لعبد الهادي حيت تيعجبو ديالها .. اما هي عادة ماكتقربش لتما ، جابت الليمون لي طلبات مريام بلا ماتدوي مع حد..حابتو ليها مشكل و منوع ها المقطع مثلثات و ها مدور و ها معصر غي لونو تيجيب الانتعاش ...طلعاتو ليها للبيت لقاتها بدلات عليها حوايجها و جمعات شعرها حسات بيها واقفة غي بزز و عيانة نيت...غي شافت الليمون رجعات فيها الروح ...
_ شكرا بزاف ...
جويرية : بصحتك و راحتك ... شنو تبغي تاكلي ؟ مشهية شي حاجة اخرى ..عنداك تكوني مشهية شي حاجة و تسكتي مامزيانش للروح لي فكرشك ..الحاجة لي تتشهايها تيكون الجسم ديالك محتاجها....
مريام ( رتاحت ليها ) ماعرفتش كي نقولك ..دابا تنتشهى الشوا مي غي تناكلها ماتتعجبنيش بغيت غي ريحتها و نشوف فيها اما مذاقها ماتنبغيهش...
جويرية : عرفتك احبيبتي ..كاملين دزنا من هاد الامور انا كنت كنتشهى و كنبغي يطيبها راجلي الله يرحمو اذا طيبها شي حد من غيرو ماكتعجبنيشي...
مريام ( تبسمات ) الله يرحمو...نتي شمالية ؟
جويرية ( ضحكات ) ايه بالحق مابقيتش عشت فيه شحال هادي حتى هدرتي تبدلات ..صفاء و جليلة كانو تيهدرو حتى هوما بحالي و حنين فتحات عينيها عليا لقات لهجتي تبدلات ههههه
مريام : هههه لا وخا هكاك تتفلت ليها شي كليمات تنقول منين جابتهم ..هي جابتهم من عندك...
جويرية : اوى شي بركة ههههه بعدا نقولك على خليل البارح ماديريش فبالك منو ، هو هكاك داير تيبغي غي يضحك ماتيقصد والو ...
مريام : نو نو ماديريش فبالك هو شرح ليا شنو قصد و عادي ..غي فالاول ماحسابليش حيت تنشوفو بعقلو و سكوتي حتى هو صدمني ...
جويرية : ههههه حتى عبد الهادي كان بحالو فاش كانت عندو ديك عشرين سنة غي هو ماكانش كيضحك و مافيهش المزاح كان كيدير الكوارث و حتى واحد مكيشك فيه...
ضحكات مريام بدهشة : عبد الهادي كيدير الكوارث !!!
جويرية ( تبسمات بحنين لدوك الايام ) هو و ولدي عدنان كانو ماكايتفارقوش رضعتو مع ولدي و كبرو مع بعضهم ...عدنان كلشي كيعرفو فيه الحركة بزاف و مكيهداش اما عبد الهادي لا سبحان الله من صغرو كالم و سكوتي عطيه غي الكيتار ديالو و البيانو كي خليتيه تلقايه...و كبر هكاك كيدير مصايب هوما و حتى واحد ماتيشك فيه تتجي فخليل و فعدنان و عاصم اما هو لا ماعمرو حصل وخا تيبلغو بيه مكيتيقوش عبد الهادي يدير داكشي ههههههه
مريام ( تبسمات ابتسامة واسعة و عينيها تيلمعو لسيرتو ) كان كيعزف ؟
جويرية : كان كيعزف و يغني صوتو زوين سبحان الله و لكن غي دار عشرين سنة مابقاش كيميل لداكشي...و تبع طريق اخرى كان كلشي هاز ليه الهم حيت ماكيعاودش شنو عندو ولا شنو وقع ليه ماتسمعيش من عندو شي حاجة خبارو تتسمعيها من صحابو و هادشي لي خلاهم يزيرو معاه بزاف و دوز معاهم سنين الزيار و الحصار هوما تيزيرو من جهة تلقاه طار من جهة اخرى اذا دار شي حاجة فراسو كيديرها وخا يوقع لي وقع ...نوريك تصاورو فاش كان صغير ؟
आप पढ़ रहे हैं
🍁قيد العراقي 🍁 (طور التنزيل )
एड्वेंचरقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
