رحبات مريام لطلبها و جلسات فالكرسي حداها ومن الجهة الأخرى واحد البعلوكة مطبزة و مكورة فيها غي الخدود تتجبد يديها عند مريام ، ردات لها الباب مريام و ضحكات معاها مادة لها يديها جات عندها كطير...
_ وينو وينو على الزيونات تبارك الله... شكون هاد البنوتة الغزالة غتفطر معانا...
نطقات الام ديالها بلهجة مغربية معكلة : هاد البسيسلة ماتعرف والو غي مد و رش و تولي تخبي فيا انا....و انا مانعرفش على من نعمل وجهي...
مريام ( تتشوف فالبنوتة باعحاب ) هاد الزين هذا تيدير هادشي كلو ...مم دوي المشيشة ! شنو سميتها ؟
الام : ميلا...
مريام : مشاء الله الله يحفظها لك... نتي هي مراة حمزة السورية ؟
الام ( ضحكات ) ايي سورية ..ميلا حياتي تعالي ياعمري خلي خالتو تفطر ...
ميلا غي تتضحك و تعري دوك السنينات و تخبى فمريام ماباغياش تمشي... ضحكات مريام و باسها فيديها المطبزين : لا هي بنوتة زوينة ماكديرش البسالات نفطرو انا و ياها ...
خليل ( عيط لها من بعيد باغي يبكيها شوية ) ميلا...ميلا عمووو شوفي هنا البالونة...
سمعات سميتها و شافت فيه غي شافتو هو غوبشات و تخبات فمريام تتشوف فيه بنص عين...ضحكات مريام و قالت ليه...
_ مابغاتش تمشي لعندك ههههه
جويرية ( ضحكات ) حيت ديما تيبكيها ...الدراري الصغار تيشوفوه تيهربو منو ...
أصيلة ( شافت فمريام بهدوء ) فطري امريام...
تبسمات لها مريام بمجاملة و كلات شوية من الحلو لي صبحات مشهياه عكس الليمون لي كرهاتو و نفراتو واحد النفرة عجيبة تقول غي تتكدب بين نهار و يوم مابقات حملاتو...فطرات فجو عائلي كلشي تيشارك و يضحك و ميلا تتاكل من يد مريام تتفرنس و تكتاشف بيديها غي تيعيط لها خليل تتكمش و تخبى اما أصيلة ضربات الطم و قرمات حتى شاركتتهم الفطور شوية و ناضت من تما راسها ضرها بالصداع و الهدرة و الفوضى تتمرض نفسيتها هكا...غي مشات أصيلة تسرح لسان خليل و نطق...
_ نبيلة غتمشي اليوم معانا للفيرمة ؟ ولا عندك شي اونكاجمو...
نبيلة : بيان سيغ وي غادية...توحشت الشوا حرمت راسي منو بزاف ..
خليل ( شاف فمريام بعفوية ) لالة مريام واحد سي عبد الهادي غيمشي ؟
مريام ( تحرجات حيت مافراسها والو ) ماعرفتش ماقاليا والو ...
خليل : نقولها لك من عندي الا مازيرتيهش نتي ماغايش يمشي ...
مريام ( تيضحكها كيفاش تيدوي) ان شاء الله ..
خليل قشع عبد الهادي من بعيد جاي و قرم ، غي شافوه شد فمو عرفو شي حد جاي...لي شافو صاوب الجلسة و شد فمو عندو ضارب الطم ماشافتوش غي مريام و ميلا فيديها تتوغوغ حتى نطق بصوت قوي رامي السلام من وراهم...
_ السلام عليكم...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
