توسعات عيون الحاج بفرحة و بدهشة فنفس الوقت ..،رضى عليها فرحان باغي يطير بلا جناح...
_ هذا هو المضمون فيك ، الله يرضي عليك ابنتي و ان شاء الله تشوفي الفرحة و تعيشيها مع هاد السيد و ماتندميش...
مريام : ان شاء الله ابابا...
الحاج فرنس و تنهد بحال كان هاز حمل ثقيل فوق ظهرو حساب ليه تابعو معاها شلا هدرة و تمارة ساعة ماعدباتوش ..عيط لطيفة فرحان...
_ لالة لطيفة و لالة لطيفة اجي الشريفة شاركينا هاد الفرحة....فين الزغاريد الطيفة...
جات لطيفة بحال ماعرفت فين كانت وهي سمعات كلشي الفرحة فعينيها فرشاتها ..
_ هي لالة مريام عطات رضاها ولا كدبت الحاج ؟
الحاج : ماكدبتيش ...
طلقاتها لطيفة بواحد الزغروتة دايزها الكلام ، و الحاج كون عرف يطير كون طار ...لكن ترزن و ثبت و قال بلاتي ، ماشي بيه فيه حتى يبلع هاد الفرحة لي جاتو دقة وحدة باش يعرف يدوي و يتحاور مع النسيب و خاصة ماشي اي عريس ،يخليك تحشم منو وخا تكون مقزدر و سنطيحة و الحشمة ماقربات عليك...!
اما مريام غي تتبسم تبسيمة ملبكة و باين فعينيها حشمانة و بريق الدهشة و الغرابة مشاعر مخلطة عليها ، ماشي غي هي حتى سلوى و عائلتها المقربة فاش سمعو ماصدقوش...، تجمعو عليها سلوى و فاتي و عمتها و مراة خوها و خوها الصغير و الكبير فرحانين بهاد الخبر...نطقااات سلوى بفرحة...
_ الله يكمل بالخير ياربي ..وخا عمرني شفتو مي كنت تنسمع عليه بزاف من واحد صحبتي كانت خدامة معايا ...
مريام : امين ...
حكمة ( بفضول ) شحال فعمرو حتى عندو بنت فهاد العمر..
لطيفة : اوى اربعين مزال مادخل ليها ...
ابراهيم ( شاف فمريام تيأكد عليها بعينيه ) شوفي فيا هنا نشوووف فعينيك ...( شافت فيه مريام تترمش و كمل ) هاد السيد نتي قابلة عليه ولا الحاج الله يهديه دار خدمتو كي دار مع سلوى ؟
لطيفة : هههههه غي ظلمتوه ...
مريام : وكلت امري الله ...
فاتي ( ميقات فمريام تتهمس لسلوى و لطيفة تتسمع ) راه قلبها باغي يطير تيقي بها ، بيناتهم قصة والله ماتتبغي تعاود شي حاجة...حساب ليك مريام ديال شحال هادي باقية...
سلوى ( بصدمة ) كانو فغولاسيون ؟
لطيفة ( شافت فيها تتسمع ) بيناتهم شي حاجة ، ماسولتهاش حيت شفتها ماباغياش تعاود خليتها بخاطرها ولات تتحشم تدوي معايا فهاد المواضيع تبدلات عليا بزاف...
فاتي : تبدلات حتى عليا ! شي حشمة ولات فيها ماعمرني تصورتها ! و لكن واحد الغولاسيون بيناتهم اختي لطيفة ماعندها سمية حلوة حلوة و فشكل ، ماتصاحبو مع خرجو مواعيد مع بعضهم ماشد ليها فيديها ماشدات ليه فيديه مي السيدة الحب خارج ليها من عينيها وهي ماعايقة وهو عيى يعطيها فالتلميحات و باين السيد تتعجبو عيى صابر ليها و دخل نيشان للحلال ، و هادشي ماعاوداتو ليا حتى حصلت صورو فتليفونها و بديت تنسلت منها حرف بحرف ماتقتلك ماتحييك...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
