هبطات لطيفة كدردك لقات الحاج جالس موسع يديه مع المخاد تيخمم وقفات عليه كي القدر المستعجل...
_ الحاج مريام باغية الشوا فيق معانا الله يطول لينا فعمرك ...الحاج ( ناض واقف ) كي بقات ؟ ياك ما عيانة بزاف !
لطيفة : الوحم هو هذا الحاج حساب ليك ساهل تكون أم ...
الحاج ( قلبها جدية ) شكون فخبارو بحمل مريام ؟ عائلتو فخبارها...
لطيفة : مريام قالتها ليا انا و لراجلها...اوى وهو مانعرف لمن قالها و من بعد ! شنو فيها ياك مزوجين...
الحاج ( تيحك شلاغمو بيديه ) ايه حلال حلال و بالفرحات علينا نشوفوها حاملة الا نتي نسيتي انا مانسيت شنو قالو عليها...وصيها ماتقول والو لحد من غير ختها تقولها ليها راه ماتبغيش الا سمعاتها من البراني...وحتى سي العراقي راه بعقلو و غيعرف شنو صالح ليه و شنو العكس...دابا العرس كيفاش غدير ليها وهي حاملة و مريضة ؟
لطيفة : و حتى مريام ماباغية عرس ماباغية والو و دابا كثار مريضة مع الردان و الوحم جاها صعيب ماغنديرو لا عرس لا والو حفلة بين العائلة و جمع و طوي ...حتى للسبوع و دير لي بغات ..
الحاج : ولا ولااااا الالة لطيفة...
لطيفة ( هزاات حاجبها ) واش هي لي غتبرز ولا نتا ! خوي هاد السوق الحاج ها العار لا ماخوي هاد السوق و خليه عليا اسيدي ...
الحاج ( نفخ صدرو مغوبش ) تتغوتي علينا دابا ! ولينا فالغوات مابقى بيناتنا احترام الالة لطيفة مابقى والو....
لطيفة : و لا تزيدش فيه الحاج ... و دابا خصك تيسع خاطرك و تكبر عقلك جايينك حفايد جداد ان شاء الله...تنفخ و عقد حجبانو و خرج مخنزر حيت لالة لطيفة مابقات تحتارمو و دير ليه قيمة كي قبل ، مابقى عاجبو حال و شحال وهو تيجمع ليها و مالقى لمن يشكي...حتى مريام لي تتفهمو و تعطيه عقلها مريضة مع راسها ...بقى فيه الحال بصح و تعصب و كثار فاش تتبقى دور حداه فاش تتقاد الحالة بالبلدي و الشعورات و اليدين مزينين و ينفخو ليها ولادها و يشكروها بباقية صغيرة و زوينة ...وهي تتنفخ و تقول معلووم راني مزال نعاود تزويجة ...تما تيزيد يتعمر و يهز فخاطرو وهي ماراداش ليه البال كاع....! مريام ما جات تطلع عندها لطيفة حتى لقاتها نعسات ...تبسمات بحنان و قربات لعندها تتغطيها ، باستها فراسها و تمتمات...
_ الله يفرحك و يرضى عليك المرضية ..
غطاتها و خرجات ثاني و قلب الام مايتهنى... هزات التليفون تتدوي مع سلوى لي كانت حتى هي تتعاني مع الوحم لي خلاها تخوي الدار و دوز وحمها مع حماتها ...لقااتها فايقة مع سليمان تيبكي وهي تتبكي معاه و تشكي عليها...
_ ماما انا عييت دايما حاجتي فيها العكووسات...
لطيفة ( تتبسم ) و صافي الزعورة ديالي الزين لي عطاني الله... بلا بكا تيشوفك تيبكي تيزيد يبكي هو ...هانتي خلي سليمان مع لالة فوزية و حاولي ترتاحي نعسي و عطي شوية راحة لراسك ...
![](https://img.wattpad.com/cover/352017597-288-k368275.jpg)
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...