فرنسات ليها واحد التفرنيسة زوينة و تصورات معاها ...بقات مريام غي تتشوف فيها باعجاب هاد اللون و هاد الجمال لي عندها ناذر حتى انها ماتتشبهش ليهم فمرة تقول ماشي منهم ...، خبات تليفونها و شغلات الكاميرا تتسجل الطقوس الاحتفالية ديالهم بين النساء...لي بدات من الصباح حتى طاح اليل و مزال ماكملوو..قشعات وحدة داخبة تتبكي و تنوح و هازة طبيق فيه مشروبات و اعشاب تتوكلهم للعروسة و هي تتبكي ...قالت مريام راه غي شي وحدة من عائلتها تتبكي حيت غتزوج و صافي ، حتى جات أم كمباي و حطات شي مجوهرات تتهدر مع مريام...
_ مريهام بدلي عليك حتى نخرجو للاحتفال...
مريام ( شافت فالثوب و المجوهرات لي عطاتها و قالت ) اوكااي ...
حيدات حجابها و تطلق شعرها الاسود حدى عيونهم بقاو غي تيشوفو و خاصة ديك الفاتنة لي ولات لاصقة فمريام لصيق ، شافتها طلقات شعرها و عاودات جمعات الفولار ساترة بيه شعرها بطريقة اخرى و لوات داك الثوب عليها فوق حوايجها .. بقات تتشوف فدوك المجوهرات و لبسات واحد فجبهتها بحال خيط الروح و براصليات غراب و عجيبين بقات تتشوف فيهم باين عليهم الدقة و الاتقان فالصنع ...حتى خرجو لبرا فين شاعلين العافية و الرجال محهزين راسهم للرقص و لاستقبال الزوجات ديالهم و المشروبات تتفرق...خرجات مريام مع ام كمباي تتضحك مع الاجواء عايشة معاهم مع الترجمة ديال ام كمباي و دور بعينيها على عبد الهادي تتقلب عليه بعينيها حتى شافتو و شار ليها بعينيه تجي ...ابتسمت مع ام كمباي و مشات لعندو جابها تحت دراعو تيلاطفها بدفىء و تيدوي معاها مثقل الكلام و عينيه تيمشطو وجهها ..
_ شنو هذا لي لابساه...
مريام ( دورات يديها ورى خصرو مبتسمة ) مجهورات عطاتهم ليها لامامون دو كمباي تعرفت عليها قبيلة و هي لي فهماتتي و فهمتها هنا...
قاس داك العجب لي فوق جبهتها تيكتاشفو حتى هو وخا ماشي اول مرة يشوفو و لا تجي عينيه علىيهم لكن اهتمامو تحرك فاش شافها لابساه ...
العافية مشعولة و الاغاني و المديح و الرقص خدامين ...خرجو العروسة و ماماه وراها تتبكي حيت من العادة ام العروس خصها تبكي حتى يطلع النهار بقات غي تتبكي ..تتسخر وهي تتبكي تتشطح و هي تبكي تتسلم على الناس وهي تتبكي...غريب و عجيب بقات مريام مصدومة فاش عرفاتها و تصدمات كثار فاش دورو العروسة و بداو طقوس الاحتفال تيحلقو ليها شعرها حتى بقات تقريبة قرعة و الاب ديالها تيدفل عليها سبعة د الدفلات بالحساب حسابتهم مريام و عينيها فتحاتها فيهم بغرابة و كاميراتها فيديها تتسجل و كملات فاش جا اب العروس تيضرب العريس بالسوط ثلاث ضربات قالك ماقالك هاذو هوما العادات ديالهم..
ماعرفات تعجب ولا تعبس على داك الضرب لي كلى داك المسكين زعما فرحو بيه وحارب الاسد ولا تضحك على هاد العجب لي دايرين...مع ذلك غلباتها الضحكة وحبساتها بزز ، شاف فيها عبد الهادي و رجع هز عينيه للحضور ناطق بهدوء و عينيه مبسمين وهي حداه مشبك يديه مع يديها ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
