بعد فترة فصيرة هبطات مريام لابسة سيرفيط من هاذوك ديالها المزيرين و القصار تتلبسهم غي فالدار جامعة سعرها كعكعة خفيفة. تتلعب بالسنسلة فعنقها فرحانة غتقصر معاهم هاد اليلة ماكاين غي الضحك و النشاط وخا عيانة شوية و مرة تتحس بالبرد و مرة تتحس بالصهدة فظهرها ...جلسات حدى سلوى هازة بنت خوها فحجرها و فرحانة لسلوى تقول هي لي حاملة ، نطقات فاتي مبتسمة...
_ حتى دابا راه كرهات جلال و تشوفي اش دايرة فيه ...
مريام : نووو حتى دابا ؟ مسكين تلقايه ماعرف يفرح ولا يكره راسو ..
سلوى غي جبدوه ليها تنهدات : علاش غيكره راسو ؟ تيدخل وقت لي بغى و يخرج وقت لي بغى انا لي محبوسة فالدار مع سليمان ماتنخرج ماتندخل حارمني من السفر مع صحاباتي و من القصص لي وليت تنقرا فالتليفون تيشوفني هازة التليفون تيتعصب و يكعى ركب فيا الرعب تنشوفو جا تنرمي التليفون هانتي شوفي الزاجة تهرسات ليا بسبابو...
مريام ( عرفات الوحم لاعب عليها ) ماعليش حبيبة ديالي ، غي عدريه تيبغيك وخا هكاك ...
سلوى ( معبسة ) نو كان تيبغيني دابا نو شدني بالاولاد و قلب عليا ...
لطيفة ( تتهز فراسها ) ماعرفت شكون لي بغى الولادو صدع الدنيا بيهم و سمعوها دابا كي تتدوي...
فاتي : غي هينوها دابا مسكينة تتوحم و معاها جا الوحم و الفشوش ...( نتفات شعر مريام بخفة ) شي ناش زادو فالوزن عشوب ماساي هاذو سمعت عندهم شي عشووب داكشي شن طن...
مريام ( شدات شعرها ضاحكة ) من الصباح و نتي تتقلبي عليا خليني جالسة تخونكيل ...
فاتي ( تتبسم فرحانة لفرحتها ) لا انا علاش جيت باش تعاودي لينا ..ماغرضيش احبيبتي فمساي ماعزيزاش عليا نسمع على داكشي مانتحملش عاودي ليا على ( غمزاتها )كي دار مهد ليك للدخلة حيت كنتيش عوالة عليها ...
مريام حرجاتها حدى عمتها بقات غي تتلف و تلعب بديك السنسلة فعنقها ..
_ سي نوغمال راجل و مراتو و بوحدهم شنو غيوقع مثلا ...انا من عندي والله لا شديتي شي حاجة غي هني بالك ههههههه....
لطيفة ( مهنية بالها عارفة بنتها ماتتعاودش ) ماعاوداتش حتى فزواجها لول دارت العملية و شحال د تمارة و الروينة عاد دخل عليهاو السيدة ساكتة دازت معرفت شحال عاد فلتات ليها ...
مريام ( دارت راسها ماسمعات والو تتكره تسمع سيرة زواجها لول )
عمتها غمزات لطيفة لي عاد عاقت براسها و بدات تلف الموضوع ...و قلبوها ضحك و نشاط حسات بمريام بالبرد وخا الجو دافي عندهم فداك الصالون ، رمات عليها شال ديالها سخون و طلقات شعرها تتدفي راسها بيه كلشي مقزب و لابس عادي الا هي فيها البرد ...
_ تحرك شوية د البرد ..
عمتها : بالعكس اليوم الجو سخون ...يمكن ليغيكل قريبة
مريام : مم وي جاتني فالصباح وخا مزال بكري عليها و العجب ماجاتنيش بالحريق بزاف كي مولفة ...( رجعات جرات بنت خوها لحجرها تتلعب معاها ) فنيونة ديالي مازال مابغاو يطلعو ليك السنينات ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
