خليل : غتجي صفاء دابا شوية و نقصرو معاك هاد اليلة ...عندي معاكم هاد السيمانة و بعدها اديوووس....
عبد الغفور ( نطق بهدوء ) سلم لينا على ناس الشمال ...
خليل ( بصدمة ) شكون !
عبد الغفور ( فتح فيه واحد العين ) على الاحباب !
خليل بقى تيشوف فيه ، تيعرف باه ماتيلفت ليه والو و لكن بهاد السرعة مايمكنش و متأكد عبد الهادي ماعاود ليه والو حيت تيعرفو بير غارق الحاجة لي تعاودها ليه تقولها ليه و نتا هاني....، ابتسم عبد الهادي بالجنب من ردة فعل خليل لي بقى غي تيرمش اما البقية ماداو ماجابو حساب ليه تيقصد عائلتهم لي تما ...
النظرة لي كانت عند مريام عليهم بدات تغير ،كانت تتبان ليها أصيلة فشكل و حاليا بداك المنظر وهي تتلعب فشعر عبد الغفور و تبسم بحب شمات فيها ريحة العشق و الدفىء و باين حتى هو عندو فعينيه غي من تصرفاتو معاها ... ردات ليه البال عندو نفس كراكتير عبد الهادي و نفس البحة و داك النبرة القوية فالصوت حتى فالشكل تيشبه ليه ...بقات غي تتشوف معجبة فيهم و تسبح الخالق...، و كثار فاش جات صفاء هاد المرة محيدة داك الشوهة من فمها و ساترة دوك الفخاض و جامعة شعرها عالي هازة راسها بشموخ سلمات عليهم بفمها و جلسات جنب خليل لي دور يديه على كتافها تيفرنس...
_ على السلامة...ماكنتيش عوالة تجي...
صفاء ( تتقلب عينيها على عاصم لي تيشوف فيها شوفات كي القرطاس ) كنت مشغولة فالاخير جيت .. حنين حبيبتي نعستي ! نعسات على صدرك ابابا ...
ناض عبد الهادي واقف عليها حاجب الشمس طل عليها لقاها مخشية فيه ناعسة حاول يفيقها ووالو ...
_ حنين...حنيين
عبد الغفور ( بدفىء ) حنين طلعي لبيتك ابنتي...نعسات ...
حيد ليها عبد الهادي شعرها من على وجهها وهي عرقانة غايبة ، هزها عندو حتى فاقت مفجوعة غي شافتو هو دورات يديها ورى عنقو و رجعات غمضات عينيها حتى لقات راسها فبيتها مرتاحة و كملات على نعاسها ...و البقية التحت حلات عندهم الجلسة فاش جلسات جويرية قالبينها سؤال جواب ، عبد الهادي مريح بعيد تيشوف غي بعينيه جالسة حداه مريام و أصيلة و عبد الغفور حتى هوما خارج اللعبة ماعندهم كانة غي تيتفرجو فهاد الحماق لي جاهم فجأة ، عبد الغفور صبر شوية و طلع هو و أصيلة و تبعهم حمزة بقات غي مريام و عبد الهادي و خليل و صفاء و عاصم و نبيلة و حتى جويرية معاهم دوروها بيناتهم حتى زنكوها ...و خاصة فاش سولاتها نبيلة ...
_ شكون عزيز على قلبك كثار ...عرفناهم بجوح مي شكون كثار عبد الهادي ولا خليل ...
جويرية ( دغيا تتبان فيها ) بديتو تقصحو معايا ! عزاز بجوج مانختارش بيناتهم ... بدلو بدلو هاد الاسئلة...
خليل ( داير عقلو حدى عبد الهادي و أصيلة ) مايكون غي خاطرك الالة جويرية ..غنسولك انا ، شي كارثة دارها عبد الهادي و لدابا ساتراها عليه مافخبار حد بها ....
ESTÁS LEYENDO
🍁قيد العراقي 🍁 (طور التنزيل )
Aventuraقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
