اما مريام و حنين فالبيت تيستفو الحوايج فالعلاقة و فالحقيقة مريام لي قايمة بالواجب اما الاميرة حنين ماتتعرف تطوي ولا تعلق فالعلاقة مولفة كلشي تيديروه الخدم ماتتهز ماتتحط مولفة الفشوش و الخناث ماتعب راسها ماتعدب روحها وغي تدوي و تنطق ...و دابا فاش طلبات منها مريام يستفو الحوايج ماقالتش لا فرحات تجرب علاش ماتجربش وخا بقات فواحد الكسوة تتقادها و تهبط و تعاود تقادها مرة واحلة مع جلايلها مع شعرها لي تيهبط على عينيها و تعاود تنفخ وتسوط عليه حتى يرجع اللور و هي مخشعة محمسة تتقلد مريام فشنو كدير و كي كدير تطوي و تقاد ...ورات لمريام كي دارت طوات واحد السروال و فرحات فات قالت ليها...
_ تبارك الله عليك دغيا تتعلمي ... بحال هادشي زوين ديريه لراسك فبيتك حيت البيت فيه خصوصية زوينة و شي حوايج تتكوني عارفاهم غي نتي عليها تيتسمى بيتك يعني اي بلاصة فيها و اي حاجة عارفاها و عارفة بلاصتها و نتي تختاري كي بغيتيها تكون و الا بغيتي تخليها ولا تغيريها ..
حنين ( تتسمع لهدرتها و هي هازة علاقة تقاشرها تتشوف فيهم و تشوف فمريام لي عاطياها بالظهر تتقاد البلاكار ) لكن انا ماتنعرفش ...
مريام : كاملين ماكناش تنعرفو و تعلمنا بشوية مور شوية عادي احبيية...انا بيتي ماكنت نخلي حتى واحد يقرب ليه غي يتبدل ديكور واحد فيه تنتعصب حيت بيتي انا الملكة فيه و انا حرة ندير فيه لي بغيت وخا يكون ديكورو مايعجبش ماما و تعيى تحاول تقنع فيا نبدل هادي و نزيد هادي لكن لا ماعجباتنيش شي حاجة تنقول لا ماعجباتنيش نتوما عندكم بيتكم ديرو فيهم لي بغيتو ماشي شغلي لكن بيتي انا حرة فيه...
حنين ( بدات تفتح ليها قلبها ) حتى انا بغيت نعلق اللوحات ديالي فبيتي و ميمة أصيلة مابغاتش و حيداتهم و دارت بلاصتهم لوحات اخرين ماعجبونيش و ميمة جويرية قالت ليا غادي تعلق ليا اللوحات ديالي فبيت بابا ...
مريام ( تتجر ليها لسانها غي بالفن ) و شنو قال ؟ خلاها تعلقهم فبيتو ..
حنين : نعم و عجبوه اللوحات ديالي و دار ليا اطار ديال الخشب و نقش عليه سميتي ..بابا كيعجبو ينقش على الخشب و ينحت و يرسم ...فاش نمشيو قولو يفتح ليك الجناح ديالو عامر بالفن و حاجات زوينة وخا ممنوع يدخل ليه شي حد اخر من غيري و من غير ميمة جويرية ...
مريام ( تبسمات وهي تتعلق واحد الكسوة عاطياها بالظهر تتسمع ) ان شاء الله ....( تليفون مريام صونا ) مدي ليا تليفوني حداك احنين...
حنين : فين ؟ هاهو لقيتو...
ناضت عطاتو ليها شافت مريام شكون لقااتها فاتي ...حطاتو تحت ودنيها على كتافها و هي تتكمل الجميع بشوية عليها و بعين فنانة و يدين متولة....
_ صباااحو الزين ديالي...
فاتي : الزين ديالي شنو درنا غنمشيو لكازا اليوم ؟
مريام : كان يحساب ليا غي هنا...راه معايا حنين ..
VOCÊ ESTÁ LENDO
🍁قيد العراقي 🍁 (طور التنزيل )
Aventuraقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
