لطيفة : فقتي للفجر ؟
مريام : نو فقت مع الثمنية كليت شي حاجة خفيفة و صليت ورجعت تكيت حتى خداتني عينيا...
لطيفة : و القيي و الدوخة مافيكش ؟
مريام ( هرب خاطرها من السيرة و عيفات ) ماما عفاك ماتجبديهاش ليا ...راني تنحاول ندير شنو قالت ليا وئام ...عوض ناكل طخوا فوا فالنهار ناكل ستة ديال الوجبات خفاف يعني ماشي تقال ...و سيختو فالصباح..
لطيفة : الله يكمل عليك بالخير و الحمد الله ..ديها فراسك و شربي الفيتامينات ديالك و الله يفرحك بيه...
مريام ( من القلب ) امين اماما..الله يسمح لينا منك الحبيبة...
لطيفة : الله يرضى عليك ...
فطرو فجو صافي بغياب الحاج لي دخل بعد نص ساعة لقاهم لابسين غيخرجو ...سلمات عليه مريام وهي مافخبارهاش راه فخبارو بالحمل...سلمات عليه عادي حتى قاليها...
_ صباح الورد الورييدة ديالي....
ضحكات مريام و درعات يديه بحب : صباح النور ابابا...الحاج : الوجيه صابح منور هاا ...
مريام ( تبسمات ) اوى عويناتك ماتيكدبوش الا قلتي منور راه منور كلام الحاج مايتعاودش...
الحاج ضحك عاجبو الحال و طبطب عليها ...: الله يطول هاد الضحيكة سعداتو العراقي بييك فين يلقى بحال لالة مريام الادريسي بنت الشرفة . .
مريام ( ضحكها ) معلووم ...
الحاج : ههههه تيعاودو جدودنا على العراقيين صعاااب و راسهم يابس و حاجتهم عزيزة يابنتي ردي بالك مع حفيدهم الله يرضي عليك....معدبك الوحم بزاف ؟
مريام ( بقات غي تترمش ) نو نو عادي...
الحاج : و ردي بالك امريام بنتي و الله يكمل عليكم بالخير ..دوينا انا و لالة لطيفة على العرس قلنا مابقى ليه معنى دابا و نتي مافيك حالة لشي حيحة د العرس ... نفرحو بيك مع لافامي سيري مع راجلك و مبروك عليكم مرة اخرى الله يقوي المحبة بيناتكم ....
مريام ( بحياء ) الله يبارك فيك ابابا...
باسها فراسها و داز هاز نيفو على لطيفة غي غبر شافت مريام فلطيفة و قالت. ..
_ علاش ماقلتيش ليا بابا فخبارو لساني تسرط مالقيت مانقولو...لطيفة : و جات فالفم ابنتي شنو غندير...
مريام : ماقالش شي حاجة بعدا ؟
لطيفة : ماعندو مايقول كلشي بالحلال الحمد الله ...يلاه ابنتي سبقيني حتى نجيب تليفوني...
مريام : وخا...
سبقاتها للطموبيل و هبطات النظاظر فوق عينيها من الشمس حتى صونا عليها عبد الهادي...شافت سميتو المحطوط حداها قلب احمر تبسمات و جاوباتو بصوت ناعم و فيه شوية د الحشمة من شنو وقع البارح مزال مابغات تسرط ليها ...
_ الو ..
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...