🍁قيد العراقي 🍁 (طور التنزيل )

part71

💎جعلوني زوجة له💎
جزء 15
خرجات سوسن من دار وهي تلقى خوها ومرت خوها نازلين من طوموبيل يالاه رجعو من سفر
سليم:سلام
سوسن:سلاام واخيرا جيتي
جنان:امم جينا،شفتك غادة خارجة واش غادة لشي بلاصة
سوسن:اه عندي شي خدمة خاص نقضيها
سليم:خدمة فهاد الوقت
سوسن:اه فهاد الوقت عندك شي مشكل
جنان:لاا احبيبة اينا مشكل هيكون خودي راحتك
سوسن:بسلامة(طلعات لطونوبيل وزادت)
جنان:شفتي سلاامها كيف كان ناقص
سليم:سوسن من ديما هاكا يالاه خلينا ندخلو
شدو فيدين بعضياتهم ودخلو على لعائلة لغير شافوهم قلبو وجههم
سليم:كيفداايرين لبااس
لكبيرة:لبااس لبااس كيف كانت تسافيرتكم لمالديف
جنان:من هداكشي تشهيتكم تكونو معايا تما
رجاء:حناا مامسالينش لمالديف وتسافيرة حيث عندنا ولدنا مريض كان كل مرة كيواجه لموت وكان خاصنا نوقفو جنبو بصفتنا عائلتو
سليم:اه على سيرة ادم كييف بقاا
مسعود:كتدوي فحال الى كيهمك خوك ماهزيتي حتى تيلي تاصل بيه ونعم اﻷخوة
سليم:اناا ابابا
جنان:(قاطعاتو)حيااتي شنوو ظهر لييك نطلعو لبيتنا نرتاحو حنا يالاه جينا من سفر عيانين
سليم:صافي واخا
كبيرة:(من تحت فمها)داايراه كيف شي كلب
جنان:عمتي قلتي شي حاجة
كبيرة:لاا غيير سيرو طلعوو ترتاحو
#عند_فدوى
كنت باركة فدار لابسة بيجامتي وعاكدة راسي بزيف حياتي حتى تسمع صوت دقان فلباب مشات ماما تحل وانا نسمع
رقية:نعاام ابنتي
سوسن:وااش هنا فين كتسكن فدوى لمرضي
رقية:اييه انا مها
سوسن:عفااك واش ممكن تكلميها لي
انا غير سمعت صوت عرفتها سوسن حيدت زيف حياتي قاديت حالتي ونضت مشيت لعندها
فدوى:مداام سوسن
سوسن:سلاام كيفدايرة لباس
فدوى:لبااس لبااس ،دخلي ماتبقايش واقفة
دخلات سوسن لصالون ورقية جلسات اونفاس معاها كتبركك فيها
فدوى:مااما وااش ممكن ديري لينا شي كاس ديال اتاي
رقية:اييه وااخا
سوسن:لاا لاا ماكاين لااش تعذبي راسك انا هنمشي دابا،صراحة اليوم ملي ماجيتيش لدار تشوشت عليك مالكي شنو وااقع ليك
فدوى:صراحة وقعو معايا شي مشاكل لمرضوني هداكشي علاش ماقدرتش نجي غير سمحيلي
سوسن:ماشي مشكل غير هو ملي ماجيتيش تشوشت عليك وخاصة ملي ماجاوبتيش على تيلي
فدوى:اه تيليفوني كان طافي شوفي امدام سوسن انا عارفة بلي غيابي اليوم زعجك فحال الى خويت بيك هداكشي علاش الى كنتي ماباغانيش نخدم انا راه ماعندي حتى شي مشكل
سوسن:اش كتقولي انا غير تخلعت عليك ملي ماجيتيش اما راه مرحبا بيك فاي وقت
فدوى:شكرا فرحتيني بزاف
سوسن:غدا هتجي لخدمة ياك
رقية:😕😕
سوسن:طبعا الى ماكنتيش مريضة
فدوى:اه اه غادي نجي كوني هانية
سوسن:فرحتيني بزاف (ناضت وقفات)اناا هنمشي دابا ،خليت ليكم راحة
فدوى:بلاتي نوصلك
نضت مشيت معاها لقيتها حاطة طوموبيل قدام لباب سلمات علي وطلعات فطوموبيلتها
رقية:(كتشوف فسوسن)ماعرفتش علاش مادخلاتش لي لخاطري
فدوى:نتي اصلا حتى واحد مكايدخل ليك لخاطرك
رقية:ردي بالك منها، كون غير درتي بناقص من لخدمة عندها
فدوى:خليينا ندخلو
وانا هندخل لدار بان لي منير واقف من بعيد كيشوفيا بدون شعور خنزرت فيه ودخلت فحالي
#فالقصر
فبيت سليم
سليم:شفتييهم كيففاش شاافو في ملي دخلت
جنان:هوما اصلا ديما كيشوفو فيك هكاك
سليم:لا ولكن هاد لمرة صراحة غلطت مشيت سافرت وخليت خويا مريض كيدير لعملية
جنان:حنا هاد تسافيرة كنا مخططين ليها قبل كاع ماتحدد عملية خوك
سليم:كاان علينا نأجلو هاد تسافيرة حتى تستقر اﻷمور
جنان:اﻷمور فداركم عمرها مهاتستقر 😑 ديما لمشاكل وصداع ماكيتقاداوش
سليم:(الصمت)
جنان:داركم ماخاصش يبقاو يعيطو ليهم بعائلة ارسلان خاصهم يعيطو عليهم عائلة لمشاكل
سليم:جنان عفاك سكتي هادو لكتدوي عليهم راهم عائلتي
جنان:عائلتك لمادايرين ليك حتى قيمة عقلتي ملي كان لقمان هو الكل فالكل ونتا كنتي جالس فجنب فحال شي كرسي
سليم:(الصمت)
جنان:انا هي عائلتك اسليم خاصك دير هادي فبالك كون ما انا عمر خوك لقمان ماكان هيخوي ليك طريق كان ديما هيبقى هو لول ونتا ديما ثاني وااش فهمتي
يوم_غد_صباحا 🌝🌝
#عند_فدوى
كانت 9 ديال صباح فقت لبست حوايجي لكانو عبارة على كسوة فنواغ حد ركبة لاصقة علي سبور وسبرديلة بيضة وجلست كنتسنى فشيفور غير سمعت دقان وانا نخرج لقيت شيفور تميت غادة معاه حل لي باب طوموبيل وقبل مانطلع شفت منير واقف فنفس لبلاصة لكان واقف فيها لبارح شنو زعما بايت هنا شفت فيه وطلعت فطوموبيل كسيرا شيفور وهو يبدا تيلي كيصوني كان منير
فدوى:حتى لداابا عاد معيط اشماتة(قطعت عليه)
ملي قطعت سيفط ميساج فيه ديالمن هاديك طوموبيل
فدوى:هاادشي لهامك خسارة ولله حتى خسارة
شيفور:واش دويتي معايا اختي
فدوى:لا اخوويا داوية غير راسي
#عند_رقية
كانت رقية خارجة من دار غادة تشري لخبز ولحليب وهو يتلقى ليها منير
منير:سلاام
رقية:لاا ولله من نيتك جاي كتسلم
منير:شووفي ارقية انا عارف راسي غلطت فحقك وفحق بنتك وتيقيني راني ندمت وهادشي علاش جاي نطلب سماحة تيقيني كلشي غادي نصلحو ومهايكون غير الخير
القصر قايم اليلة لزيارة مريام حتى من الخدم لي كل وحدة باغية دير بلاصتها عند العروسة الجديدة ...اما زكية عالمها بوحدو تتاكل فواحد التفاحة تتغرس فيها سم سنانها معصبة و طالع ليها الدم و صحاباتها تيضحكو عليها حيت عارفين علاش....و بلعاني تيفقصوها...
_ معلوم راه كان معاها ! مالو غيجي لعند مو ...من المطار لعندها باش تعرفو الحب صعييب ...

ضحكات وحدة و قالت بخفوت : قلتي الحب ضحكتيني ماتنتخايلش سي عبد الهادي مزوج و كيدير داكشي مع مراتو حتى هو و يبوسها هييي ماتنتخايلوش  ...تيجيني بارد كي الثلج و قاصح كي الحجر ماتقدريش  تهزي فيه غي عينيك تتجيك الرهبة و الخلعة انا ديك المرة قالي غي فين حنين و شاف فيا ديك الشوفة ديالو هبط فيا النص عاد مراتو مسكينة ماتقدر تزيد هدرة معاه....

كلهم أيدو كلامها و جاتهم عجب يشوفوه مزوج اصلا ...من شحال هادي فاش تيبغيو يضحكو تيقولو الغرابة تشيب فالسما و سي عبد الهادي مايتزوجش...

زكية ( تتسمع معلية حاجبها ) زواجو بيها بحال زواج نبيلة و مراد زواج العائلة ماكاين حب ولا زمر ...زوجاتها ليه لالة أصيلة سمعتها بوذني ماشي هو اختارها اصلا ...

قالت وحدة : الا كان بصح ! علاش شحال من وحدة بغاو يزوجوها ليه و كان كيرفض ! حتى لعندها و ماقال والو و سايرهم...

زكية ( هزات كتافها ببرود ) حيت بنتو حنين عزيزة عليها مريام وهي مطورة عرفات كي تلعبها مشات لنقطة ضعفو و شداتو منها حساب ليك مشوقة فحنين غرضها فيه هو ...و سمعت ماكانتش كدير الحجاب غي سمعات سي عبد الهادي مستحيل يشوف فشي وحدة ماتتلبسش الحجاب و يديرها مراتو مشات تحجبات زعما راها محجبة و مراة مزيانة و تتبغي الخير لبنتو...

نطقات وحدة فيهم مطورة و قافزة : بعدا خدا الزين شفتيها كي دايرة ولا ماشفتيش ! غي هدرتها تخليك تبغيها ...

زكية ( بغيرة ) نتي غي ضحكات معاك ديك المرة بغيتي طيري ! حساب ليك هزاتك من ارضك هاديك بحالنا تتحسبنا غي حشرات عاجبها راسها بزاف حاسبة راسها ماعرفت شكووون....و دابا فاش تزوجات بيه كثار غتولي تمشى كي الطاووس ...

_ و الا ولدات ليه خلااااص ...

زكية ( باستهزاء ) كون كان معشوق بالاولاد كون تزوج هادي شحال ..محال يبغي الولاد مرة اخرى ...

حطات زكية الموس من يديها و خرجات تتعوج معبسة ماراشقاش ليها ... يلاه غتخرج سمعات جويرية تتدوي مع رئيسة الخدم تتقوليها راهم وصلو ..وقفات فالقنت حاضياهم داخلين و كل واحد منين حاضيهم بالنسبة ليهم لحضة تاريخية هادي عبد الهادي مع مراتو...لي ماعمرو شافها حط عليها العين باعجاب ...حاط يديه على ظهرها وهي القدام بداك الشال بلون غزل البنات و الليكات فيديها بيضين كانت كي الحمامة بالابيض مع وحهها صغييور و ملامحها زوينين كميشة د الزين ملوية فداك الشال ...تبسمات مع جويرية لي سلمات عليها بالاحضان ...
_ مشاء الله الله يحجبك و يزيدك جمال على جمال...

مريام ( حشماتها ) بارك الله الالة جويرية عويناتك الزوينين...

سلم عليها عبد الهادي و باسها فراسها... ناطق بجدية
_ لالة جويرية كي الصحة بخير...