بقاو البقية غي تيشوفو و منهم مريام لي مالقات ماتقول حنات راسها لميلا حتى جات جويرية حتى هي لابسة قندورة بلدية واسعة من اليدين تيعجبها البلدي تتلبسو غي هو اغلب الاوقات...جلسات حدى مريام و همسات ليها...
_ مريام الله يرضي لا مادوي مع حنين تهبط راه تتحشم منك...الا دوا معاها عبد الهادي غيقصح معاها و غتنوض تبكي شحال وهي جامعة البكية...مريام ( بقلق ) مالها ؟ واش تقلقات حيت قصح معاها على الصلاة...
جويرية : و البنت تبارك الله كبرات و عقليتها تتبدل...يمكن مارضاتش يدوي معاها حداك ! اما هي ماتتقلقش منو هكا دغيا كتنسى ...
مريام : يمكن وقيتة ليغيكل دابا ، عليها نفسيتها شوية عيانة ...انا غندوي معاها شدي ميلا .....
جويرية : دوي معاها ابنتي الله يفرحك بديالك ان شاء الله و يرزقك بالصورة المكمولة...
مريام ( من القلب ) امين ياربي امين...
حطات لها ميلا و غي نزلاتها فركات الدنيا بالبكا و الغوات و ماسكتات غي على يد مها لي هزاتها و خداتها ترضعها...اما مريام طلعات عند حنين دقات و دخلات تتطل عليها بابتسامة ..
_ حنونة ندخل ؟ناضت حنين جالسة و شعرها مرون و وجها مزنكة غي شافتها بدات تتسبل فدوك العوينات ...
_ دخل ...
دخلات و شدات الباب و قربات جلسات حداها بابتسامة تتسرق الهم ...:
غنجلسو ناكلو دابا شوية ! مابغيتيش تجلسي معانا احبيبة... مالكي واش مريضة ( قاست ليها حرارتها و جمعات ليها شعرها من على وجهها وهي قارمة تتشوف فيها غس بنص عين ) واش كرشك كضرك ؟حنين ( هزات راسها بالنفي ) لا ...
مريام : و علاش احبيبة ماهبطتيش تجلسي معانا خليتي جالسة بوحدي...بدلي عليك و هبطي جلسي معانا وخا ؟ هههههه مالكي تتحشمي هكا ..مزال مابغيتي تحيدي هاد الحشمة ديالك... بغيتي نختار معاك شنو تلبسي ...( هراتها بصبعها فعنقها حتى ميلات عنقها تتضحك بزز منها ) ايي ..
مريام : يلا احبيبة ديالي نساينك حتى تلبسي و نهبطو بجوج داكوغ ؟
حنين ( تبسمات ) داكوغ ...نلبس الأخضر ؟
مريام : غيجيك فن...لبسي شي غوب فداك الكولوغ و اجي ندير ليك ظفيرة زوينة لشعرك ...منين جبتي هاد الوريدات زوينين...
حنين ( ببراءة ) هادو انا قطفتهم و هاذو سامي عطاهم ليا...
ناضت كطير لبسات اش قالت ليها مريام لي غطاتها من وقتها وودارت لها جوج ظفيرات من فوق ودنيها عرضاتهم على شكل طريق و خلات الشعر مطلوق....
_ بصحتك جيتي زوينة...حنين ( تتشوف فالمراية مبتسمة )شكرا عجبوني...
مريام : بصحتك...يلا نهبطو تعطلنا ...
تحركات معاها حنين خارجين بجوج ، كانو كلهم مجموعين جالسين و كان معاهم حتى الحاج العراقي لي انضم للجماعة ...جلسات مريام حدا عبد الهادي و حنين من جهة اخرى ، و كل واحد منين تيقولها حنين جيتي زوينة... حنين شهاد الحلاوة حتى حشمات و تخبات فعبد الهادي ، ابتسم و دور عليها يديه مكمشها فيه ....
_ حجبات علينا وجهها بالحشمة ....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...