هز راسو بتحية من بعيد باحترام لفائزة ، و خصص نظرة خاصة لمريام قبل مايقلب عينيه فخطرة مكمل طريقو بثقة...ماهدر معاها ماهدرات معاه ماتقولش بيناتهم مشروع زواج عن قىيب ، القلب لي كان خدام بدل اللسان اما حتى دفتر عينيها تيتشد حداه ...! ردات البال فائزة لهادشي و قشعاتو من الطيارة...و ماقدرات تصبر كثار نطقات بابتسامة حرج...
_ نسولك و ماتاخديهاش مني قلة ادب او تطفل...مريام ( بابتسامة استغراب ) مرحبا سولي...
فائزة : شنو سر هاد الحشمة لي تتنزل عليك وقت يكون سي العراقي حاضر ؟ ( تبسمات ) و حتى تصرفاتو معاك ماشي عادية و بيني و بينك نتمنى تكون توقعاتي صحيحة ...
مريام ( رمشات بعينيها بحرج مالقاات ماتقول من غير ) يمكن تكون توقعاتك صحيحة عن قرييب ...
ضحكات فائزة بدهشة : يعني نقدرو نسمعو خبر زواجكم عن قريب ؟
ابتسمت مريام بحياء : وي...
فائزة( لمعو عينيها بابتسامة إعجاب ) : مشاء الله الله يكمل عليكم بالخير ...
مريام : امين...حاليا مابيناتنا والو و موضوع الزواج تطرح من هنا القدام ماتعرفي شنو يوقع ...
فائزة : الله يسر ليكم يارب ...فخبارك ست سنين و انا تنعرف سي العراقي عمرني شفتو مهتم لشي وحدة ولا هاز عينيه فشي بنت بنظرة ماهياش .. محترم و حدودي...و لاول مرة تنحسو مبدل و تصرفاتو معاك غير على تصرفاتو مع البنات لي تنشوف عليها حسيت بشي حاجة ...لله يكمل بالخير ..
ابتسمت ليها مريام بادب و قالت امين ، اما فائزة خبات جبل د الاسئلة فبالها مابغاتش تعيق عليها ...! و مع ذلك احتفظت بالسر لنفسها وماخبرات حتى واحد بهاد الخبر ...
خرجات لالة أصيلة من بيتها رامية شال فوق شعرها و قندورة هماوية بلدية ، ريحتها عاطية بحال شي وريدة معاها زكية هابطة معاها فالدروج .. سولاتها أصيلة بهدوء
_ ماعارفاش الحاج شنو باغي يقول ؟ علاش حمعنا...زكية ( حانية راسها باحترام ) ماعارفة والو الالة أصيلة ...
هزات راسها و هبطات التحت و وراها زكية ، لقات صفاء و جويرية و عبد الهادي و جليل غايبين خواتات عبد الهادي و الاب ديالو ... جلسات جنب صفاء لي حتى هي ماعارفاش شنو باغي يقول الحاج و كلشي تيستنى يبدا كلامو ...الحاج لي كان رجل كبير فالعمر جد العائلة ملامح وجهو مرسوم عليها الجد و الهيبة و العز لي غارق فيه واضح من الشوفة لولة ... نطق بعد ماشاف فعبد الهادي لي جالس حداه بملامح نسخة طبق الاصل عليه...دخل الحاج نيشان فالموضوع بلا مقدمات و كلامو حاد و صارم ...
_ جمعتكم اليوم حتى نعلمكم بقرار عبد الهادي بالزواج من مريام الادريسي بنت الحاج موسى الادريسي ...
جويرية و أصيلة شافو فعبد الهادي بدهشة ، عاد كانت غتفتح معاه الموضوع عليها و طلع سابقهم بخطوة و قرر الزواج و علم الحاج حتى ! اما صفاء بقات عاقدة حجبانها ببرود تتسمع رد أصيلة ...
_ هذا خبر زوين ...مريام بنت مناسبة لعبد الهادي و صديقة العائلة يعني كنعرفوها مزيان و ماشي غريبة علينا... احسن قرار اولدي الله يجعلها بداية خير عليكم ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...