تحركات من تما غادية فين كانت حالسة و فنفس الوقت تتعاود تصوني عليه والو طافي...جلسات تترمي دوك الافكار لي طاحو عليها ورى ظهرها تتحاول تكدبهم و تنسى والو بانت فوحهها .. سولاتها جويرية بقلق :
مالك ابنتي ! ياك ماكاين باس ..
تحركو عيون أصيلة و خديجة عليها وهي تتىدوي بهدوء مخلط برجفة غريبة ..
_ والو باس...حنين فوقاش تتخرج ماعارفاش...
جويرية : بحال دابا لازم تكون هنا على قاليا عبد الهادي..يمكن وقفاتهم شي حاجة فالطريق ...
هزات ليها مريام راسها بزز و استئذنات طالعة للبيت تتدوز لابيل لحنين و ماتتجاوبش ..عاودات صونات عليها و يديها على قلبها تتكدب داك النغزة لي نغزاتها و حرقاتها و تطرد الوسواس من عقلها...تفتح الخط و عوض تسمع صوت حنين سمعات صوت رجولي خشين...
_ الو مريام انا خليل...
مريام ( باستغراب )وي خليل نتا مع حنين ، مامعاكش عبد الهادي ...
خليل : لا عبد الهادي عندو شي شغل مع عاصم ووصاني على حنين..! واش باغية تدوي معاها نفيقها ؟
مريام ( زادت تشوشات ) لا غي كنت تندوي مع عبد الهادي و تقطعات لابيل و تنعاود نصوني ماتيشدش ماعرفتش شنو وقع و تشوش بالي...واش نقدر تصوني على على عاصم و ترد عليا عفاك ...
خليل : دااكوغ انا غنصوني عليك و نرد عليك
ماتشوشيش امريام ..ان شاء الله خير
مريام : ان شاء الله...
قطعات معاه المكالمة و بالها مابغى يهدى ولا يتهنى حتى تسمع خبارو بلا والو فيها السخفة و رجليها شادينها بزز و كرشها كضرها ...شدات فنصها غادية جاية تتشوف فالتليفون و خليل ماعاودش عاود ليها ولا رد عليها... عرفات شي حاجة كاينة قلبها علمها...خرجات من البيت بهدوء مزيف تبسمات بزز مع زكية لي كانت غادبى ووقغاها...وقفات تتشوف فمريام باستغراب ..
_ نعام الالة...
مريام : تقدري تعلميني فاش يوصل خليل مع حنين ...
زكية : معلوم غي يوصل نقولها ليك...بغيتي شي حاجة اخرى
مريام : نو ميغسي ..
تحركات مريام غادية بحالها وشدااتها الدوخة و الغمامة مع عينيها...شدات فيها زكية بالزربة مفافية ماعارفة مادير ...
_ ياك لباس الالة مريام...! باش تتحسي...
مريام : شوية دوخة...
عاوناتها حتى دخلاتها لبيتها و بقاات واقفة ليها فوق راسها متوترة ..
_ نعيط ليك لالة جويرية ؟ شنو بغيتي نجيب ليك الالة ...
مريام ( نطقات بزز) مابغيت والو ازكية ميغسي نتي فاش يوصل خليل علميني عفاك عنداك تنساي...
زكية : لالا ماتخافيش غي يوصل نقولها لك...
خلاتها و خرجات زكية كدور فعينيها و ريحة مريام باقية عالقة ليها فالنيف عجباتها...كي طلبات منها مريام دارت غي قشعات طموبيل خليل داخلة طايرة نزلات منها حنين و رجع مشى طاير مادوا ماتكلم ، مشات علمات مريام لي نزلات ثاني لعندهم و بالها مشوش ، تلاقاات مع حنين و سلمات عليها تتدوي معاها بزز ...
_ حنونة كي داز نهارك ؟
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
