بدلات عليها حوايج الدار و هبطات كدور و تحرك و تدي و تجيب مع لالة لطيفة تتلاهى معاها ماباغياش تخلي الفرصة فين تفكر فيه , باغية تختابر راسها و ماباغياش تخسر .. تبين لراسها بلي قادرة تعيش بلا بيه عادي غي الملل لي دارها ليها ! علاش غتخنق ولا غتموت ! هي كانت عايشة بلا بيه عادي ماغاديش يسيطر عليه بين ليلة و نهار و شلا كلام تتقنع بيه راسها حتى تليفونها ماهزاتو و ماطلات فيه حدها هدرات معاه مرة وحدة و حطات التليفون ...جات سلوى حتى هي و كريشتها بانت مع سليمان تيتمشى على رجليه و يفرنس فاش شاف مريام...طار لعندها تيضحك و هبطات لعندو تتبوس فيه مبتسمة...
_ البوكوص ديالي مشاء الله مشاء الله ... توحشتي ميمي ديالك ؟
هز راسو تيضحك و باسها فوجهها مزير عليها ، حتى بقاو تيضحكو عليه و معاهم سلوى لي قالت وهي تتسلم عليها ...
_ باش تعرفي راسك راه غبرتي علينا و بزاف ...فين هاد الغبور ديالك ؟
مريام ( قاست ليها الكريشة مبتسمة ) كريشة بانت تبارك الله...كنت مشغولة شوية هذا ماكان فاش تفرغت هانا جيت الالة ههههه...جلال كي داير لباس عليه رحمتيه شوية ؟
سلوى ( ضحكات وهي تتقيس كرش مريام ) نتي الكريشة والو ! انشووف لا حتى نتي بانت وخا مزال الحال ...
مريام : شي شوية وي....جلسي بعدا و عاودي ليا الجديد ! غادية مزيان مع حنان تصالحتو...
سلوى : عادي ، اذا تلاقيتها شي مرة نسلم عليها و ندوي ! هي قلبها حاقد شغلها هذاك ...و نتي عبد الهادي صافا و حنين لباس عليها علاش ماجاتش معاك...
مريام : وي صافا الحمد الله ...حنين عندها قرايتها حتى هي...
مريام شافت لطيفة تتحط على الطبلة ناضت تتعاونها و تحط معاها وهوما على الكلام و الجموع و سليمان غادي جاي بين الرجلين تيلعب و يرون فالكلام... التحقت بيهم فاتي لي خلقات الهرج و الضحك فالكلام حتى داز الوقت بيناتهم تيطير مع فاتي غي قولها و ضحك عليها حتى ناضت تتقلد ليهم عجوزتها كي كدير نفس الحركات ديالها و الصوت و السم ديالها خلاتهم غيموتو بالضحك...مسحات مريام دموع الضحك و ضربات فاتي بواحد المخدة ديال الريش...
_ ضحكك باسل ! عرفتي شحال د السيئات جمعنا بسبابك....
فاتي ( ضحكات ) سلوى تتضحك عاجبها الحال..و لكن نجبدو ليها جلال ديالها ماترضاش ثاني...
سلوى : من عندي انا غي دوي عطيتيك الاوكي ههههههه
فاتي ( تتشوف فمريام بنص عين ) لا جلال عشرة زمان ماجاتش...نشوفو سي عبد الهادي ههههههه
مريام ( ضحكات تتحاول تهرب منو تيجبدوه ليها )و هاد الضسارة ديالك ديريها حداه اذا تتقولي على راسك واعرة ، علاش تتقطعي الحس فاش تيكون هو ...
فاتي : اوى ماشي وجه الضسارة داك السيد...انا تنضحك مع لي تيعرف الضحك..نتخايل راسي شي مرة نقولو و فاين اولد العراقي شنو تتعاود كي جاك الزواج ! شنو غيرد عليا هههههههههههه يقمعني و يدير راسو ماسمع والو...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
