تبعاتهم جويرية مشوشة تتزرب اما مريام طاحت فوق لافابو و عبد الهادي تيحيد ليها الشال من شعرها حتى تكركب معاها ، روحها بغات تردها و عينيها تغرعرو بالدموووع و وجهها ولا حمر مقجوج و هو واقف وراها مايل لجيهتها تيبعد ليها شعرها اللور حتى شدو ليها مزيان و قلع ديك الجاكيطة لي تقيات عليها جات جويرية تتشوف فيهم بقلق و تسول فعبد الهادي باهتمام ...
_ مالها ؟ شنو وقع ليها اولدي ياك لباس ...ماجاوبهاش عبد الهادي و لا جاوباتها مريام لي كانت سخفانة فوق لافابو تتنهج مهلوكة و الدموع فعينيها ماراضياش على الموقف لي وقع ليها حداهم ...ولا الحالة لي دارت لعبد الهادي ماهزاتش الراس و غلبوها الدموع و الهلكة كلشي تخلط عليها خرجات جويرية طايرة تجيب حوايج نقيين لعبد الهادي ساعة تلاقات مع زكية واقفة تتشوف صرداتها هي و رجعات لعندهم ، لقات مريام تتبكي على عبد الهادي وهو عاقد حجبانو بقلق تيسولها . ..
_ مريم ! علاش البكاء......مريام ( ماهزاتش فيه العين ) ماعرفتش ، بغيت نمشي بحالي ...
عرفها حشمات و مارضاتش خفف من عقدة حجبانو و قال وهو مايل براسو لعندها ...: ماصرى والو ! هاد الامور عادية و كتوقع... ( مارداتش عليه غي تتبكي ) مريم الله يهديك ...
مريام دورات وجهها منو بلا ماترد عليه ماعاجبهاش الحال و مبرزطة و النفسية تخربقات ليها و الدموع ولاو على سبة و خاصة دابا ، ماعمرها طاحت فهاد الموقف فحياتها ، جات عينيها فجويرية لي تدخلات باهتمام تتسمح ليها على شعرها بحنان و تلف ليها الموضوع و تسايس وهي تتفلي فيها بشك ولكن ماعندهاش الجراة تسول ...
_ شوية دابا ؟ ياك ما مريضة بزاف ! طلعي ترتاحي ماعندك فين تمشي ابنتي الدار دارك و نتي وليتي وحدة منا و هادشي تيوقع...
مريام ( حنات عينيها منهم بجوج و خاطرها مزير و الدموع وحدة ورى اخرى تابعينها ) عارفة لي كاين شكرا ليك . مي بغيت نمشي نرتاح فداري...
دخلات زكية ترضي فضولها قشعات مريام تحت دراع عبد الهادي تتبكي وهو مايل راسو لعندها تيدوي معاها بنبرة هادية تنحنحات و نطقات وهي حانية راسها...
_ ...هاهوما حوايج سي عبد الهادي لي طلبتي الالة جويرية ..جويرية تلفتات لعندها بالزربة و قالت : عطيني ابنتي و سيري شوفي شغلك ...
زكية ( شافت فمريام بنص عين و قالت ) مايكون عندك باس الالة مريام...
ماشاف فيها حد من غير جويرية لي قصحات فيها الشوفة حتى مشات طايرة ، اما البقية مابغاوش يتكبو كاملين على مريام تكلفات غي جويرية ...اما لالة أصيلة جلسات فالصالة الفخمة ديالها دايرة رجل على رجل و معاها حنين تترمش حتى هي ماعرفات شنو وقع و صفاء شافتها هكاك بغات تهدنها ...
_ ماوقع والو حبيبتي ، مريام مريضة شوية و صافي...قشعاات أصيلة زكية و نادات عليها جات عندها طايرة و قالت...
_ نعام الالة ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...