ماتنهدات براحة حتى سالاو الغداء و ناضت مدام فائزة مع مدام صالحة باغين يمشيو...عاد هزات مريام صاكها تتصاوب ثوب الكسيوة ديالها بيديها و تقاد الفولار على عنقها قالبة وجهها من جيهتو...
صالحة : غتسايني راجلك ...؟
فائزة : لا مزال مشغول...صافي مشينا...
مريام : وي من الاحسن مزال عندي شي شغل باغية نساليه...
فائزة : نعاودو اللقاء مرة اخرى ان شاء الله...
صالحة ( هزات صاكها باناقة خارجين بثلاثة كيهدرو ) قبل مانسى عرس بنتي تحدد فنهاية الشهر ، مريام ضروري تحضري ....
مريام : ان شاء الله علاش لا مبروك عليها و الله يكمل فرحتها ...
صالحة : امين ياربي....
توادعو و مشات فائزة مع صالحة اما مريام ركبات الطموبيل ديالها و شدات عليها عاد زفراات و دارت واحد التنهيدة من القلب ، رخفات الفولار خلات رقبتها تهوى و هبطات الزاجة عاد تحركات هاربة من داك المشاعر و هاد النهار لي داز عليها غريب و فشيشكل ... مشات ديريكت للدار و طلعات لبيتها حيدات دوك الحوايج و بقات بدوبياس كدور فالبيت و طلع و تهبط فالتليفون و عقلها مرفوع تتجاوب ميساجات سلوى و فاتي...حطاتو و لبسات بنطلون دجينز وجاكيط للركبة و هبطات فالدروج تلاقاتها لطيفة ...
_ فين غادية احبيبتي...مريام : خارجة مع فاتي ...
لطيفة : وخا المرضية الله يرضى عليك ..
مريام : يلاه تخرجي معانا ...
لطيفة : مشغولة شوية مرة اخرى ان شاء الله...
ابتسمت ليها و خرجات تلاقات مع فاتي و خرجو بجوج تيهدرو و فاتي كدور من بوتيك لبوتيك الشوبينغ عندها خايب و مريض مرضات مريام معاها...
_ فقصتيني افاتي ذوقك صعب من سلوى ...فاتي : ههه لا حشومة عليك..سلوى زايدة عليا تقتلك عاد تهنيك ....
مريام : نتي كثر منها...
فاتي : نشوفو داك البوتيك شفت شي بياسات فالانستا عجبوني....
تبعاتها مريام بلا هدرة بلا جوج ، يلاه غيقطعو الشارع لجهة اخرى تصادفو مع وجه حورية و بنتها شافتها مريام و دارت راسها ماتتعرفهاش عكس حورية لي شافتها و طلعاتها و هبطاتها بعين صريحة ، ماهدراتش معاها ، لكن اخت كمال غي شافتها حلات عينيها و عيطات ليها ...
_ مرياااام.....
شافت مريام لجيهتها هي و فاتي لي نطقات بين سنانها...
_ بسم الله الرحمان الرحيم ...ابتسمت مريام فوجهها و نطقات ....
_ لمياء لباس عليك...
طارت لمياء عليها سلمات عليها بالوجه بفرحة ...
_ لباس الحمد لله و نتي كي دايرة شحال ماشفتك تقول ماعايشاش فنفس المدينة...
![](https://img.wattpad.com/cover/352017597-288-k368275.jpg)
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...