فاتي ( قلبات عينيها لسلوى ) اوى هادي جديدة هاد الصحابات الجداد غيقلبوها علينا ولا شنو...
لطيفة ( سمعات صوت طموبيلتها ) شش صافي هاهي جات سكتو...
سكتات سلوى مربعة يديها بعبوس ، مفششة و مولفة فشوش مريام ليها و مامولفاش القلبة لي تقلبات عليها كانت وقت لي صيفطات ليها تتلقاها وكل نهار اتصال منها تتسول فيها و فسليمان مايدوزش ليها النهار بلا ماتشوف سليمان ، مرة تتتجاوبها فاش ماتيكونش جلال و تتكون مسالية ...بينات على انها منزعجة و معصبة و بقى فيها الحال وبقات على نفس التعابير اما فاتي تتجي لبنادم نيشان..غي دخلات مريام شافتهم كاينين ابتسمت ...
_ شكون هناايا حبوووبي الكتكوت ديالي اجي اميمي حبيب خالتو...
طار لعندها تيضحك فرحان توحشها ، ضماتو تتبوس فيه بحب ..
_ حبيب قلبي نتايا توحشتي خالتو ...
هزات عينيها فيهم و سلمات عليهم مبتسمة...جلسات حاضنة سليمان تتسول و تدوي بهدوء...
_ فوقاش جيتو ...
فاتي ( بابتسامة مزيفة ) تجيك فالراس تتعرفي هادي ...
لطيفة ( ضحكات ) لاحولا ولاقوة الا بالله....
مريام ( تبسمات عادي ) علاش مالكم ..
فاتي ( تعصبات ) شوف امريام راه انا تتعرفيني هاد المسرحيات ديالك لي باردة بحال الثلح راه تتشعليني ...مالك تقلبتي علينا عندك شي حاجة قوليها نيشان...
مريام ( ضحكات ) دابا مالكم مافهمتش ، سلوى حبيبتي مالكي ساكتة ...
سلوى : شوفي نتي واش درت ليك شي حاحة حتى تجاهليني هكاك...
ضحكات مريام و جراتها لعندها مبتسمة بهدوء ...
_ علاش شكون يقدر يتجاهلك نتي اباربي ديالنا ...انا ماعندي والو , خلعتوني مالكم ...
سلوى ( هزات عينيها فيها ) متاكدة..
مريام : عادي احبيبتي كون كانت شي حاجة غنقولها نيشان ...
فاتي ( كمشات فيها عينيها ) شكون هاد الصحابات لي تعرفتي عليهم....
مريام ( تتبوس سلميان مجننة عليه ) ماتتعرفيهمش عاد تعرفت عليهم...
فاتي : مم مزيان الله يقوي المحبة اختي...
مريام : امين...
فاتي شافت حتى عيات وشدات فمها ، الا دارت عقلها فمريام تما تسطى بالفقصة ، هوما كيهدرو معاها معصبين و بجدية و هي تترد بابتسامة و بهدوء بحال ماوقع والو ، هي حاسة كاينة شي حاجة حيت حسات بيها مبدلة ، علااقتهم كانت اقوى من اي علاقة بين الخالة و بنت الاخت الناس تينساو واش فاتي خالتها و مريام بنت ختها ، تييانو بحال صحاب اسرار وحدة هم واحد كتشاركوه و لكن هادسي كان ايام زمان و الواحد عمرو يشوف الغلط منو هو ، تيشوف الغلط من الشخص الثاني ..بحال حال فاتي ، مولفة اهتمام مريام بيها و نهار غاب هاد الاهتمام حسات و ماراجعااتش راسها هي ، رجعات الموضوع للصحابات الجداد لي تتعاشر مريام ...اما سلوى دغيا نسات و تيقات ابتسامة مريام الهادئة حيت تتدوي معاها و تسول وتضحك معاها كيف شحال هادي ماحساتش بمريام عندها شي حاحة معاها و دغيا نسات و رتاحت من الناحية حيت ختها الكبيرة و الوحيدة لي عندها مايهونش عليها القلق ديالها منها..اما مريام جاتها من الانانية تدوي و هي عارفة انو لكل وحدة حياتها فضلات تبعد بهدوء بلا لوم او عتاب ، و تولف على الوحدة ، علاش غتلموهم و تبقى تعاتب و تحاسب شكون لي غتخلي حياتها و تعطيها وقتها...وخا بقى فيها الحال لكن ماقدراتش تهدر و ماحسابش ليها غيحسو بالفرق ....
في يوم خريفي ، الصيف هز رحيلو و جات ايام الخريف ، كانت جالسة فالبيرو ديالها هازة ورقة الخريف تتشوف فيها بتمعن ، تتستلهم من الطبيعة ، فالخدمة دايما معرية الشعر و لابسة حوايج عملين يخليوها تحرك ، نظارات طبية فعينيها محطوطين فوق ارنبة نيفها ، شعرها مجموع بالقلم بنعومة ، مركزة فشغلها حتى دقات عليها المساعدة ديالها مبتسمة هازة فيديها كاس اللويزة ...
مريام : حطيه غي تما اندى ..
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
