تعليقات كثييييرة ماقرات منهم غي شي ثلاثة لا اربعة و خرجات بحالها تتجاوب ميساج سلوى بهدوء و حتى صونات عليها سلمى ، بقات تتشوف فداك الرقم و ردات عليها بهدوء عاطياها صوابها ...
_ الو السلام عليكم...سلمى : عليكم السلام مريام حبيبتي كي دايرة لباس ...
مريام : الحمد لله بخير و نتي لباس عليك ...
سلمى : لباس الحمد لله...قريب خبر زواجكم فالقروب عرفتي والله ماتيقت مبروك عليكم الله يكمل بالخير
مريام ( بابتسامة ) امين شكرا حبيبتي...
سلمى : وخا ماعرضتينيش وخا فيك ...ماقلتي ليا والو عندك داكشي حسي مسي هههه
مريام : حتى للعرس ان شاء الله ...
سلمى : ان شاء الله ..غذا جاية للندوة ؟ هههه شنو تنقول انا اكيد جاية هههه
مريام : يمكن ساعة نشوف .ههه..
سلمى : يلاه نخليك دابا حتى نتشاوفو باي...
مريام : باي مع السلامة...
الراحة هربات على حورية ولات بحال جالسة على الشوك وهي تتسمع بنتها تتقرى شنو سمعات...
_ لقيتي كمارتو ؟لمياء : و وريتها ليك اماما هاهي ...
حورية ( بسم ) هادي باين قديمة باين صغير ماعندوش شي حاجة جديدة...
لمياء ( باعجاب ) هاي هاي شوفي هادي فالسعودية عاد جديدة وقيلة ...هاذو لي طلعولي فقوقل.. ماعندوش كونط فانستاغرام مالقيتش...
حورية شاف فالصورة باين ليها السيد كي السبع مسرار و الهيبة و الفلوس قلبها تحك و سنانها تحكو مع بعضهم صافي مابقات مرتاحة و تعصبات و مشى ليها النهار ولات غي تتنكر عليهم معصبة لي هدر معاها طير فيه ...، حتى دخل كمال للدار سابقاه ريحتو و الطولة و التجريدة و شعرو فازك وخا تحت عينيه باين التعب و قلة النعاس....شاف فمو هكاك و قال...
_ ياك شي باس ماكاين شنو وقع...سكتات حورية مغوبشة ، و نطقات لمياء بلاصتها تتشوف و تستنى ردة فعلو ..
_ مريام تزوجات فخبارك ؟كمال ( كمش حجبانو بهدوء) شكون مريام ؟
لمياء : اويلي مالكم لي قلت ليه مريام تزوجات كيقولي شكون مريام...مريام لي كانت مراتك نسيتيها ؟
كمال تهزو حجبانو بلامايحس جاتو فشكال يسمعها ، ماوجدش راسو يسمع هاد الخبر ماعرفتش علاش واش كان مرتاح حيت عارفها ماغتزوجش دابا ؟ ولا مبعد فكرة انها غتزوج بشي واحد من بعدو شي نهار ؟ ولا كان عندو امل ترجع ليه وخا عمرو حاول يدوي معاها ؟ تصدم و الصدمة بانت فيه لدرجة التليفون حطو فالثلاجة و ماردش ليه البال داير راسو تيغسل يديه و هو عقلو غاب....تبعاتو لمياء للكوزينة تتدوي ..
_ تتعرف عبد الهادي العراقي ؟ انا عمرني سمعت بيه مي كاين لي تيعرفو ..تزوجات بيه هو البارح كان عندهم ضريب الصداق ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...