ام كمباي : لي وقع عمرو ماصرى و لا تكتب فتاريخنا ... الراجل باش يحصل على زوجة و اجمل وحدة تيعرض حياتو للموت باش يتزوجها و المهر بعدد الابقار و الغنم ...لكن زوجك فاش عرض عليه الزواج بوحدة من قبيلتنا بدون مهر ولا حتى حرب بكل بساطة قال انو محكوم من عروستتو لي حاكمة عليه مايعدد ( مريام غي تترمش ) عليها كانو كيحاولو يطردو عليك الشياطين قبل ماتهجم و تكثار عليك و يباركو لزواجكم بعد ماختارك للمرة الثانية بين بنات قبيلتنا ... صحيح عندكم الزوجة تتحكم فقلب زوجها بعد الزواج ؟ ماحكيتيش ليا على عاداتكم و تقاليدكم....
مريام راسها داخ عليها من هاد العقلية جاب ليها الله تتحلم ، كون ماعاشت و سمعات هادشي بودنيها عمرها تيق انو كاين بحال هاد الناس عايشين معانا فهاد الكوكب و تيفكرو بهاد الطريقة جاب ليها تتعيش مع دوك الاساطير القدام و الخرافات....عمرها ماتقدر تنسى هاد القبيلة ولا تنسى هاد الدفال لي تكب عليها ... تصدمات حتى عيات و مابقات حتى حاجة تصدمها منهم بعد ليوقع رسمات ملامح معبسة و رجعات مع أم كمباي للحفل خايفة من شي دفلة ثاني طير عليها...لكن غي شافوها حدهم تبسمو و تركنو و عينيهم ماتيحداتش منها بقات موسوسة تتشوف فيهم بنص عين وهوما العين كاملة عليها هكا قراب يسرطوها ..جلسوها الوسط و كل وحدة جالسة ليها من جهة مزاحمين على الجلسة حداها ولا قريبة منها...هاذو مالهم اويلي ؟ شنو وقع ليهم ! قراب يساليوها غي بالشوفان ...اما ديك الفاتنة تتشوف فيها معبسة و غضبانة ماتتهدر ماتتنطق ...جربات مريام تنوض من حداهم هاربة لقات يد وحدة جاراها تجلس تتهدر معاها بداك الهدرة ديالهم و مريام غي تتفرنس و تجمع يديها حداها ساكتة و معبسة فيهم كاملين واحد بواحد ، حتى ام كمباي و رزيقة غبرو عليها خلاوها واحلة معاهم مافهموما مافهماتهم...كانو فعرس واحد و احتفال واحد صدقو فجوج احتفالات و لكن هاد المرة بلا دفال و لا حلاقة للشعر و بلا سوط ..غي الشطيح والغنا و المديح ..وغي بدا يطلع النهار كل واحد مشى لخيمتو...و تطفات الكاميرا بعد مالقطات اهم التفاصيل من حركات و اقوال و غرائب تفكرهم من بعد تضحك عليهم حتى تشبع ..اما دابا تتفكر غي داك الدفال و تيطلع قلبها
مابردات حتى دوشات بعد مادوش هو ...خرجات ملوية فوطة على شعرها تتشوف فيه بنص عين بالها مع هاد الزواج لي خرج ليهم بيه الرئيس و خاطرها هرب من هاد القبيلة فديك اللحضة...لقاتو مخشع و مشغول و شي ماتريال فيديه تيجمعو فالصاكادو ديالو بلا مايهز عينيه فيها و يديه خدامة قال...
_ كيعجبك الصيد ؟
سؤال ماتوقعاتوش ، شحال د الكلام داز و شحال د الاحداث دازو اليوم ماتوقعاتش يطرح هاد السؤال لي حرك حماسها بعد مامات و ظهر فعينيها...
_ فالغابة ؟ وي تيعجبني ...
هز فيها عينيه طلعها و هبطها و رجع حناهم لشغلو بهدوء ..
_ فبالك تجربي ؟
مريام ( تبسمات وهي تتنشف شعرها بالفوطة مولفة تنشفو حدى المراية دابا حس المراية ماكاينش ...)ماكرهتش ...( سكتات شوية فاش شافتو مشغول و قالت جلسات فوق الفراش تتلعب بصبيعات رجليها فوق القش ) عبد الهادي ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
