سلم عليها عبد الهادي و باسها فراسها... ناطق بجدية
_ لالة جويرية كي الصحة بخير...
جويرية : الحمد الله اولدي على سلامتك ...
شافت فحنين و ضماتها لصدرها زيرات عليها حنين تتضحك..
_ الغزالة ديالي توحشتك...
حنين : حتى انا توحشتك ..
باستها بحب و دارتها تحت دراعها و تمو داخلين تلاقاتهم زكية حانية راسها خدات المونطو من مريام و قالت ليها ..
_ مرحبا بيك الالة ...
مريام ( بابتسامة ) زكية لباس عليك...
زكية ( تتشوف فيها بنص عين ) لباس الالة الحمد الله ...
جويرية : تفضلي ابنتي ...
زادت مريام مع عبد الهادي و دخلو للصالة الكبيرة فين كانت جالسة لالة أصيلة كي الملكة و صفاء و جليلة .. سلمات عليهم مريام و جات لعند صفاء تبسمات معاها و دارت ليها صفاء ابتسامة باردة ... عبد الهادي باس راس أصيلة لي طبطبات على ظهرو برضى مبتسمة...
_ على سلامتك عبد الهادي ....
عبد الهادي ( بدفىء ) الله يسلمك ..كيف الصحة بخير !
أصيلة : الحمد الله اولدي ...
جلسو جالسين ومريام جلسات حدى عبد الهادي مبتسمة وخا باين عليها شوية تعب ، العين كانت على العرسان تيشوفو شنو تبدل فيهم و شنو تزاد ...ساعة عبد الهادي هو عبد الهادي لي تيعرفوه عاقد حجبانو و ساكت مدور يديه ورى المخدة الملكية ورى ظهر مريام بيناتهم مسافة محترمة ...طلعااتها أصيلة و هبطاتها بنظرة تمعن باين من عينيها فرحانة قلبات عينيها منو لعبد الهادي لي حنى راسو لحنين تتدوي ليه فودنيه ...رجعات شافت فمريام و قالت ...
_ مريام نورتينا بوجودك حبيبتي...
مريام ( تبسمات ) النور نورك لالة أصيلة...
أصيلة ( طبطبات حداها برقي ) قربي جلسي حدايا زمان ماشفتك ...
ناضت مريام من بلاصتها و جلسات حداها محيدة الليكات من يديها ...تتجاوب أصيلة على الاسئلة ديالها تتسول على احوال الحاج و لالة لطيفة و لالة نجمة مانسات حتى واحد و حتى مريام تتجاوب قد السؤال بالخاطر و بالرزانة ...، شافت مريام فصفاء و تبسمات معاها و قالت ...
_ صفاء كي دايرة بخيير ؟
صفاء ( بابتسامة مجاملة ) الحمد الله ...
حسات بيها مريام مقلقة غي من ردها حتى انها مادارتش معاها الواجب و سولاتها على راسها كي دايرة ...حتى مريام بلعاتها و ضربات الطم معاها ..دارت الواجب مع جليلة لي كانت تتشبه لأصيلة و لعبد الهادي الادب و الحوار على حقو و طريقو تعطيك حقك فالكلام و كثار ...جات جويرية حتى هي و جلسات معاهم تتسول على احوالها و على لطيفة و لالة نجمة من ديما تترتاح لجويرية و تتدخل ليها لخاطرها...مشات معاهم فالكلام و عبد الهادي ساكت كي عادتو مايدوي ماتينطق حتى يسولوه و الا جاوب بهدرة ولا جوج ...مدور يديه على حنين مدرعها لصدرو تتلعب ليه فالسنسلة د الجاكيط و ودنيه مطلوقة مع كلام أصيلة و مريام و مرة مرة تيحط العين على مريام بديك الشوفات المظلمة قشعاتو صفاء و قلبات عينيها ببرود تتدوي مع جليلة...
_ جاني الملل...غنطلع لبيتي
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
