سلم عليها غي بعينيه مع مريام مامطلوقاش معاه و مامولفاش عليه بزاف ماتترتاحش تجلس معاه ماتنفسات حتى ناض للبيت و ناضت مريام مع فاتي للبيت لي غتنعس فيه...عاد نطقات مريام ...
_ كيف كديري تعيشي مع هذا ..حبس فيا النفس حتى مشى عاد عرفت نتنفس براحتي...فاتي ( ضحكات رامية سالفها بدلال ) واش الراجل مع مراتو هو مع البراني...غي تيبان هكاك اما هو لا الحب ديالي حنييين....
مريام ( ربعات رجليها فوق الناموسية تتضحك ) بالدوام حبيبتي ...انا غادي ننعس سيري عندو قبل مايجي يجري عليا ...( باستها بحب ) تصبحي على خير دبدوبتي...
فاتي : يلاه حبيبتي بون دودو ...تصبحي على خير....
نعسات مريام ماعقلات على راسها حتى طلع الصباح...سمعات صوتو برا ماقدرات تخرج حتى خرج هو عاد خرجات من البيت بالبيحامة و الشعر مطلوق و فاتي تتضحك عليها...
_ غي خرجي راه خرج ..بحالك بحال سلوى...مريام ( جلسات تتفطر معاها مبسمة ) سلوى بلا والو تتخاف منهم فاش تيوقفها شي بوليسي فالطريق تتكون غتسخف مسيكنة...
فاتي : هاديك خلاص عقلها بوحدو ...
فطرات معاها و دخلات لبيتها لبسات عليها غوب سخونة فالموف مع فولار فالغوز ! رمات عليها شال سخون من لوي فيتون لواتو مع عنقها بطريقة زوينة !
خرجات هي و فاتي كل وحدة شدات طريق....تلاقات مريام بمدام فائزة و دخلو للقاعة نفسها لي تدارت فيه الندوة المرة الفايتة...! هاد المرة الشخصيات ماغرابش عليها و تتعرفهم و لي ماعرفاتو سبق ليها سمعات عليه ...! كانت واقفة مع فائزة لي ولات صحبتها فهاد المجال هي و صالحة و حتى حتى سلمى ...فائزة ( تبسمات مع سلمى ) فاش تنشوف بنات فسنك و فسن مريام مهتمين بهاد المجال تنفرح ...
سلمى ( تتفرنس ) من انا و صغيرة متعلقة بالخط العربي تيعجبني نشوفو و عمرني فكرت نتعلم ليه ...كلشي بالصدفة سبحان الله...
سمعات مريام كلامها و ابتسمت ليها بحالها بحال فائزة و صالحة...كملو معاها فالحوار الا مريام جسدها معاهم و عينيها تيقلبو عليه بلا ماتحس ....ماردات البال لعينيه لي تحطو عليها هي الاولى فاش دخل ، وغي دخل ماحتاجش ليها البحث كثار من جوج ثواني و نشر الهيبة ديالو و بانت لقلبها قبل من عينيها... .تعانقو عينيها بعينيه ، هز ليها راسو بتحية و ملامحو جادة و عينيه ثابتة و رداتها ليه حتى هي بطيف ابتسامة بزز تبان على شفايفها لكن نورات وجهها كثار ماهو منور بحجابها الزهري...
#كل مابداخلي يندفع لكِ بشراهة ، لكن مظهري ثابت #عبد الهادي
بعدها كل واحد شاف فجهة ، و خدا بلاصتو ...جلسات حدى فائزة لي ردات البال لشنو وقع حداهم و لكن ماتزعمش تدوي و لا تسول وخا باغية تعرف , تتبقى حياتهم الخاصة و الا كانت فعلا بيناتهم شي حاجة ماغاديش تصدم و تستغرب حسات بالانجداب بيناتهم من اول ندوة و مايخفاش عليها بحال داكشي...! بدات الندوة بحضور لي كانت بمناسية اليوم العالمي للغة العربية و انتشار اللغة العربية في افريقيا و خاصة كينيا حيت حضرو بعض الطلاب من كينيا كانو كيدرسو العربية فالدول العربية تحت تمويل الجمعيات و المؤسسات و ساهمو بعض الشخصيات فالتمويل و توسيع هاد الفكرة وو تشجيع المؤسسات الخاصة و الحكومية فكينيا و منهم عبد الهادي العراقي و شخصية اخرى عربية حتى هي لي تذكرات سميتهم كثار من مرة....، سيرتو عندها عطر خاص و تأثير غريب عليها ، تتسمع غي شي هدرة عليه الاعحاب تيفيض من عينيها بلا ماتحس..., اول مرة تشهد و تعرف شحال د المجهودات و البحوث و الاموال لي تتمشي لهاد الجمعيات و المؤسسات في سبيل التعليم و التدريب على اللغة العربية و توسيعها فدولة كينيا ...كان طالب من كينيا هو لي تيدوي تدرب على يد بروفيسور عربي لمدة ثلاث سنوات ، صوتو غليض و سمر و شفايفو غلاض تيعبر على اعجابو باللغة العربية ..،من شخصية لأخرى و الموضوع كان ممتع و الملل ماعندو منين يدوز ...و خاصة فاش تعطات الكلمة لعبد الهادي و تنشرات الحروف بفخامة بصوتو ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...