سلوى ( تتضحك ) زوينة هادي غنقيدها هههههههه
فاتي : يلا شوفي الحرف لي وراه هههههه باين ليا ماغاديش تخسري لسانك حلو ابنت الحاج....
ضحكات مريام و طلعات معاها الصهدة طلبات لفونتاي ديالها و مداتو ليها سلوى ، رجعات ميلات رجليها العريانين للجنب و قادات الجلسة و بدات تتنش على راسها بديك المروحة بالدونتيل و تقلب باليد الاخر و وجهها منور بابتسامة ...جا فيها حرف الصاد و دغيا لقاتو و قالت...
_ صباح الخير لناسو و لحبيب ديالي مزال مافاق من نعاسو ، حبيبي بحال الحليب فكاسو و العسل فتغماسو ...
بقات من حرف لحرف و الكلام لي عندها مسجل فمها و ديجا شافتو طلقاتو فلسانها حتى عياو كرشهم بالضحك و الدموع خرجو من عينيهم ...جا فيها حرف القاف ديال أصيلة و قالت :
قلبي و عقلي تناقشو عليك ، هذا كيبغيك ولاخر كيموت فيك....
كل حرف و كان ليه جواب حتى حصلات فحرف الخاء عيات تفكر و مالقاتش حصالت و تزيرات و فاتي و البنات تيشوفو فيها شوفة شرانية ...حتى فات الوقت و مزال ماعطات الجواب ..ضحكو عليها و قالت لطيفة...
_ تكايسو ليا على بنتي ماتصعبوش...
فاتي : ههههه لا ماتخافيش ...
مريام مالقات ماتقول غي تتبسم و تنش بديك المروحة حتى تيطير شعرها و مرة مرة تقلب عينيها عايقة بشوفات فاتي و عارفة ماغاديش ترحمها و خاصة انو الحرف ديالها هي لي حطاتو و هي لي تحكم عليها... فكرات حتى فكرات و قالت ...
_ حكمة ساهلة ماهلة غتكتبي ليه ديك اهديك ثلاث وردات كاملة مكمولة و تصيفطيها ليه بلا ماتقوليلو حكمة ماحكمة ... شفتي تساهلت معاك...
مريام : لا شوفي حاجة اخرى عفاك ...
مريام : لا شوفي حاجة اخرى عفاك ...
فاتي ( برفض ) لا امريام بلا لعب باسل...
مريام ( تزيرات ) نوو نو غي عفيوني عفاكم مانقدرش نصيفطها ليه ...
سلوى ( عبسات ) نو مريام ماديريش هكا تنعرفك عندك الكلمة ..
لطيفة : و صافي خليوها بخاطرها...
فاتي ( بعناد ) والله لافلتي منها حكمة هي الحكمة ...
ضحكو عليها و زيروها حتى بدات تتبسم و تهز فراسها ماباغياش تموت و ماديرهاش ...بغات تتهرب زعما راه تليفونها تيصوني هزاتو و ناضت واقفة مشمرة على جلايلها و مزنكة كي الفريزة...
_ شوية و نرجع نكملو ..
بنت خالتها : و عنداك راه تنساينوك...
مريام : ههههه وخا...
مشات مريام تتلف و تلوي فعينيها حتى طلعات الفوق و تبعوها البنات حتى لتما هجمو علينا هجمة وحدة و الزعيمة ديالهم هي فاتي ...
_ علينا زعما ؟ ممم يلاه دابا حدانا حدانا وحنا تنشوفو ...
مريام ( ضحكات ) والله مانقدر افاتي بدلي الحكمة ...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
