تأملاتها مريام وهي تتلعب ليها فشعرها ، حسات بالذنب من التفكير ديالها هادشي لي مخليها تكره راسها كثار....حيدات حجابها و القميجة ديالها بقات غي بالبنطلون د الجينز و الديباردور سميطات رقاق و حطات راسها على المخدة ديال حنين مبتسمة معاها...
_ قربي نعسي حدايا...مابقيتيش وريتي ليا شنو رسمتي ..
طلعات حنين حداها مبتسمة ناعسة على جنبها مواجهة مع مريام و يديها بجوج حتى خدودها تتبسم ببراءة ..
_ لا حتى نساليها ...
رفعات مريام يديها بهدوء لشعر حنين تتلعب فيه باستها فراسها و هراتها فرقبتها حتى ضحكات و كمشات عنقها...
_ المشيشة شحال زوينة...
اكتفت حنين بابتسامة و عينيها كيدورو فرحانة حيت مريام مشاركة معاها الفراش لأول مرة ، بشوية بشوية بدات تتهدر معاها و تعاود ليها بلا ماتحس شنو وقع معاها اليوم فالمدرسة و تلوى حداها كي شي مشة نييت مع داك السالف زعر تيسرق العين ، هبطات عينيها لكرش مريام و بقات تتشوف فيها و سولاتها ...
_ فوقاش غتكبر بطنك ؟
حطات مريام يديها على كرشها مبتسمة بلا خاطر باغية غي تنسى و تلف مع حنين : قريب .. دابا مزال صغير حتى يكبر شوية و تكبر كرشي حتى هي...
هزات ليها يديها و حطاتها على كرشها تتراقب ردة فعلها كي تبسمات و تترمش...
مريام : هكا باش يعرفك ، و فاش يكبر غي تحطي يديك على بطني غتحسي بيه تيركل ...
حنين ( ضحكات ) فوقاش غيكبر ...
مريام ( غمضات عينيها بتعب وهي تتدوي مع حنين ) قريب ان شاء الله....دابا مزال قد صبعك من بعد تيكبر شوية بشوية حتى تيولي كبير ...
حنين : و فوقاش غتولديه..
مريام ( ضحكات بلا مرح ) قولي هكاك فالصيف ان شاء الله....
حنين ( شافتها غمضات عينيها قربات منها تتأكد ) فيك النعاس...
قطعات مريام الحس فاش سمعات الباب تفتح و صوت خطواتو بارزين مع صوت حنين وهي تتعيط ليه بابتسامة...
_ بابا...ماما مريام غتنعس معايا اليوم...
غمضات مريام عينيها هاربة من المواجهة حتى هو ماهدرش هز راسو على كلام حنين و خرج بهدوء لبيتو ..بدل عليه و تكى ففراشو لي جاه بارد على غير العادة ! طوى يديه فوق جبهتو كي العادة و الكلام فعقلو تيدور...بكثرة ما تيخويش شنو فقلبو و تيجمع و كتووم و مشاكلو ماتيعاودهم لحد ولات الهموم تتثقل عليه ، ذاق الراحة لفترة بعد ماغابت عليه سنين و رجعات هربات عليه دغيا ...الراحة هربات و التفكير و التحليل رجع من جديد !! كان تيحاول مايوصلش لهاد الحالة ! و لكن فشل و التقصير حسات بيه هي و حسات بيه حتى حنين لي ولات تتجر فيه لعندها طالبة اهتمامو كلو...حنين تتجر من جهة و مريام من جهة وهو وسط دوامة التفكير لي سكن عقلو داك اليلة كيف سكنها حتى هي ...
لالة جويرية كانت جالسة مع خليل فالجردة تيعاود ليها على البنت لي بغى قلبو و المشكل لي خايف يواجهو..تصدمات جويرية و مالقات ماتقول غي...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
