هزات تليفونها على صوت لابيل ، حطات المشطة من يديها و هزاتو شاف شكون لقات رقم غريب مامسجلش عندها، برسمية ردت...
_ الو ....
جويرية : السلام عليكم انا جويرية...
صفاء ( بهدوء ) و عليكم السلام مرحبا لالة جويرية.. كي دايرة لباس عليك...
جويرية جالسة فوق الكنابي دايرة رجل على رجل و صفاء جالسة حداها تتشوف فيها ببرود ...
_ الحمد لله و الشكر لله..حبيبتي و نتي كيف الصحة و صحة والديك ..
مريام : الحمد لله بارك الله فيك لالة و جورية
جويرية : و يبارك فيك المرضية ، الا ماكانتش عندك الخدمة اليوم فالعشية شرفينا بالحضور ديالك عندنا بطلب مني و من حنين حتى هي هههه راها تتسمع حشمانة ...
مريام (بابتسامة ) بوسيها ليا ، مرحبا لالة جورية ان شاء الله...
جورية : اذن نتلاقاو فالعشية ان شاء الله...
مريام ( بعد فترة صمت قصيرة ) ان شاء الله ..
قطعات معاها و شافت فصفاء لي تتشوف فيها عاقدة حجبانها...
_ مالكي ؟
صفاء : شنو باغية من مريام ؟
جورية ( دورات عينيها ) شنو غنبغي منها ابنتي ؟ عزيزة عليا و توحشتها و حنين من قبيلة و هي تتسول عليها باغية تشوفها واش نهز حنين و نمشي ندق بابها بلا عراضة مم نديرها ؟
صفاء : لا حشومة الآلة جويرية...
جويرية : اوى شفتي..
صفاء ( تبسمات بتعب) صافي لسانك نسى الشمالية مابقيتيش تتدوي بيها معانا...
جويرية : كاين شي حد ينسى أصلو...الا دويت بيها حداكم مايفهني حد و حنين كثار ...( قربات منها بتردد باين فعيينيها ) باين فيك مريضة ابنتي مالك شنو عندك....
صفاء ( زحفات القساوة لعينيها ) علاش كيهمكم مالي ؟
جويرية ( تنهدات ) باقي ماعيتيش ؟ عاصم راجلك و نتي مراتو ثلاث سنين ديال الزواج دخليها لراسك وتعايشي مع الوضع ، حاولو تخلقو السلام و الهدوء بيناتكم ماعندك هروب منو و ماعندو هروب منك....
صفاء ( قلبات عينيها ببرود ) شنو شفتوني كندير ؟ انا عايشة الواقع ديالي و ماشكيت على حد ..لقب مزوجة تابعني و هذا هو المهم عندهم ..هنيتهم و رضيت بيه وخا راحتي مالقيتهاش...
جويرية : نتي راحتك يغبر عصام من حياتك ؟ هادي هي الراحة عندك الله يهديك...
صفاء ( بهدوء )كيقولو الرجل كيغلبو الاهتمام ، الا شاف الاهتمام من شي وحدة اخرى زائد الزين يتلهى معاها و يشوف حياتو عاد غنتنفس براحة ...
جويرية : لاحولا ولاقوة الا بالله ...الله يهديك...
ناضت من قدامها تسالاو ليها معاها ، غي تتشوفها بدات تخربق فالهدرة تتنوض قبل ماتعاود ديرها بصح...!! هزات حنين راسها فجورية شافتها غادية و تبعاتها تتسول على مريام...و تهاود معاها فأي موضوع جا لبالها , فاش كانت صغيرة كانت تتسول على ماماها تيقولو ليها ماتت ، و كبرات على هاد الهدرة الام ديالها ماتت و كاينة عند ربي بحال الحاجة حمامة ، حيت تتعقل عليها فاش ماتت ، ماعارفاش راه مها غي ولداتها عطاتها لعبد الهادي و بمقابل الملايين تخلات عليها و مشات تعيش حياتها عادي ، عقلية كاورية متحررة ماعمرها سولات عليها و ماتقدرش ترجع تسول عليها اصلا...ماكان بينها و بين عبد الهادي لا حب لا والو ، علاقة مصاحبة و اعجاب ، عبد الهادي كان مصاحب معاها و مصاحب مع وحدة اخرى فنفس الوقت و الدنيا هانية و السما صافية عايش لافي ، لكن الوقت و الزمن تتبدل و المسؤولية حتى هي و السن تيلعب دور ، راجل فبداية العشرينات ماشي هو راجل فاواخر الثلاثينات....!
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
