النهار دوزاتو فالرياض ، و فالليل خرجاات مع العائلة يتعشاو برا ...لي عندها شي بعلوك واحل فيه تيسكت ليه عندها ، ولات مقابلة غي ولاد خوتها ...كانت في ابهى حلة ! تقول خارجة في عشاء رومانسي مع شي حبيب ماشي مع عائلتها... ولات تتبغي تشوف راسها زوينة كثار من قبل و تختار حوايجها بالكانة و بالعشق ...شافت فيها سلوى ووقالت...
_ ميمي واش ماشي صفاء هاديك ؟
مريام ( دارت تتشوف فين ) فين هي ؟
سلوى : صابغة شعرها لا ؟ لي جالسة مع داك الراجل لابس شوميز نواغ
شافت مريام فين نعتات ليها و قشعاتها شافت فيها كي صابغة داك الشعر و طالقاه و التغوبيشة تتبان من بعيد معصبة ، و عاصم حداها كثار منها تيشوف فيها شوفات كي القرطاس ...رجعات مريام فتحات تليفونها تتشوفها واش قرات واحد الميساج صيفطاتو ليها هادي سيمانة و ماجاوباتش و حتى لي زابيل ديالها ماتتجاوبش عليهم...قالت ليها جويرية انها مسافرة مع راجلها جاتها عجب حيت عارفة علاقتها مع راجلها كي دايرة ...! بقات ساكتة مادواتش معاها خافت تزعجها بشي ابيل وتقاطع هدرتهم و باين بينااتهم حساب طويل ...لكن صفاء شافت سلوى لي تبسمات ليها و صفاء ردات ليها واحد الابتسامة ديال بزز بحال الى مزيرة ...جات تنوض عندهم شدها عاصم من يديها بالجهالة حتى رجعات جلسات و الدم محقون فيها تتسب فيه بين سنانها باغية تفركع...
_ حمار ...شنو هاد التصرفات طلق مني ...
عاصم ( ببرود ) ماكملناش كلامنا ...جلسي
صفاء ( عينيها حمارو مارضاتش يدير ليها هكاك ) لي عندي قلتو ، انا مابغيت ولاد منك ، و اول وحدة تفرح الا تزوجتي ، ماعندك ماتاخد من عندي ، و مغتعاودش تحلم تقرب لبيتي و هاد العملة لي درتي معايا هاد السيمانة غنوصلها لعبد الهادي و نتا عارفو ماغاديش يسكت ...الا باغي الصداع مع العائلة ثاني جرب تعاودها....و دابا طلق من يدي بلا شوهة...
زير على يديها ساكت و عرقو بارزة ، مظلم عينيه فيها ...
_ قلت ليك جلسي ...
نترات يديها منو بالزعفة صعرات : ماغاديش نجلس...طلق مني طلق....
رجع جلسها مرة اخرى باسلوب سلطوي و بالجهالة حتى كانت غطيح و النفس فيها سخونة ماتترضاش هزات كاس ديال العصير فيديها الحرة و كباتو عليه بلا ماتردد حتى ناض واقف مصدوم ... هزات صاكها بالزربة و تمات خارجة تتجري معصبة و ماراضياش...ماجا يلحق عليها حتى كانت طارت تتبكي مع الطريق وتغووت و تعض فالصاك بالاعصاب ...
_ الله يعطيه الموت الحيوان حيواااان ععععع
طلعات ليها ابيل من عندو فتحاتو على صوت غواتو و التهديدات ديالو ...
_ قسما بالله حتى ندمك فين حدك تهربي مني ، عند بالك غدوز ساهلة ...
صفاء ( بالغوات و تتضحك باستفزاز و الدموع مع الكحول وجهها مجلط ) شنو غدير ؟؟ شنو فجهدك مادير انا ماكنتشدش اعاصم كتسمعني انا بزاف عليك و لي فجهدك ديرو ...الجهل و الهمجية ديالك خليها بعيدة عليا و ماشي صفاء بنت عبد الغفور تسمح بدوك التصرفات...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
