311-313
Chapter(311)
နှစ်ထပ်ဆက်နွယ်မှုရှိတဲ့ မိသားစု(1)"ဟုတ်"ဝူယုက ပြန်ဖြေပြီးနောက်မှ သတိပြန်ဝင်လာတယ်။တကယ်လို့သူ့ရဲ့မျက်လုံးစည်းထားတာကို ဖယ်ထားမယ်ဆိုရင် သူက ဝူချန်ဇီ၏ကြောက်စရာကောင်းတဲ့အကြည့်ကြောင့် ကြောက်လန့်သွားနိုင်တယ်။
"ဝူရုန်က သူလုပ်နိုင်တယ်ဆိုတာ ငါ့ကိုပြဖို့မင်းကို ပို့လိုက်တာလား?"ဝူချန်ဇီကခါးသီးစွာ ရယ်လိုက်တယ်။
"........"ခေါင်းဆောင်ဝူ
ဝူယုက ခေါင်းဆောင်ဝူပြောတာကို ကြားပြီး ဝူရုန်က သူ့ကိုဒီကိုပု့လိုက်တာဖြစ်ပြီး သူ့ကိုကောင်းကင်ဘုံနှင့်သက်ဆိုင်တဲ့မှော်လက်နက်ခိုးယူခိုင်းသည့်အကြောင်းရင်းကို သိသွားပြီဆိုတာ နားလည်လိုက်တာကြောင့် တုန်ရီလာတယ်။
သူ၏မျက်လုံးတွေကု စည်းထားတာကြောင့် သူက ပိုပြီးတောင် ကြောက်တလန့်တကြားတုန်ရီလာတယ်။ဖြစ်နိုင်တာက ဝူချန်ဇီက နောက်တခဏအတွင်းမှာဘဲ သူ့ကိုသတ်ပစ်နိုင်တယ်။
"ဂရန်းမစ္စတာ ကျွန်တော်ဒီအကြောင်းကို ဘယ်သူ့ကိုမှ မပြောပါဘူး။ကျေးဇူးပြုပြီးယုံကြည်ပေးပါ။ကျွန်တော်ကတိပေးပါတယ်။ကျွန်တော်မလုပ်...အွင်း"
ဝူချန်ဇီက ဆေးပြားတစ်ပြားကို ဝူယုရဲ့ပါးစပ်ထဲကို ထိုးထည့်လိုက်ပြီး"မင်းဘဝရဲ့နောက်ဆုံးအချိန်မှာ ပျော်ရွှင်ပါစေ"
ဝူယုက ဆေးပြားကို ထိမိတာနှင့်သူကဆေးပြားကိုထွေးထုတ်ဖို့ ကြိုးစားလိုက်တယ်။ဒါပေမဲ့ ဆေးပြားက သူ့ရဲ့တံတွေးနှင့်ထိမိတာနှင့် လျှင်မြန်စွာ သူ့ပါးစပ်ထဲမှာ ပျော်ဝင်သွားတယ်။သူက ဘာဆေးပြားလဲဆိုတာ မေးဖို့အခွင့်အရေးမလိုက်ခင်မှာဘဲ သူ့ခန္ဓာကိုယ်တစ်ခုလုံးမှာ ပြင်းထန်တဲ့နာကျင်မှုက ဖြစ်ပေါ်လာတယ်။ပြီးတော့ ခန္ဓာကိုယ်အတွင်းမှာရှိနေတဲ့သွေးပြန်ကြောတွေက ထုံးသွားပြီး တဖြည်းဖြည်းချင်းသိသာစွာနှင့် ကျုံ့ဝင်သွားတယ်။သူက အရိုးတွေရဲ့ကြေမွသွားတဲ့အသံကိုတောင် ကြားနိုင်တယ်။သူက နာကျင်မှုကို တောင့်ခံနိုင်ဖို့ဆိုတာ မဖြစ်နိုင်ဘူး။