ၿငိဳးသူကလဲ့စား [ငြိုးသူကလဲ့စား]

၁၂၉။ မင်းသားလွေ့၏ အိမ်နီးချင်း

Translation of 重生之将门毒后, Rebirth of the Malicious Empress of Military Lineage by Author Qian Shan Cha Ke

Translator - Edge, No Cause

၁၂၉။ မင်းသားလွေ့၏ အိမ်နီးချင်း

ရှန်ရှင်းနှင့် ဇနီးသည် မြို့တော်သို့ သောင်းသောင်းဖြဖြအသံဖြင့် ပြန်လာပြီး ရှန်မြောင်က မင်ချီ၏ ချစ်ကြည်ရေးညစာစားပွဲတွေ ရုံးတော်နှင့် စစ်အသိုင်းအဝိုင်း အရာရှိများ အားလုံးရှေ့၌ ကျော်ကြားမှုကိုတောင် ခိုးယူသွားခဲ့သည်။ တစ်ချိန်တည်းတွင် ဆက်တိုက် ဆွေးနွေးနေကြချိန် အာရုံစိုက်မှုက မူလစစ်သူကြီးအိမ်တော်ဆီ ရောက်သွားတော့သည်။

အင်အားကြီးသော စစ်သူကြီး မရှိတော့ချိန်မှစပြီး ယခင် စစ်သူကြီးအိမ်တော်က ဖယ်ရှားခံရပြီးဖြစ်ရာ ရှန်အိမ်တော်အဖြစ် ပြောင်းလဲသွားသည်။ အစက ရှန်ရှင်းသည် ရာထူးလျှော့ချခံရပြီး မြို့တော်မှ ထွက်သွားသည့် အချိန်တွင် ရှန်မိသားစုက နှင်းဝေချိန်၌ မီသွေးမပို့ခဲ့ဘဲ(အကူအညီလိုအပ်ချိန် အကူအညီမပေး) သူတို့သည် မိသားစုမှ ခွဲထွက်ပြီး သူတို့နှင့် ရှန်ရှင်းကြား စည်းခြားချင်ခဲ့သည်။ ယခုရှန်ရှင်းက ဧကရာဇ်ဝန်ဟွေ့၏ ထပ်မံ ချီးမြောက်မှုကို ခံရသည့်အချိန်တွင် ဧကရာဇ်၌ မည်သည့် ရည်ရွယ်ချက် ရှိစေကာမူ ကျန်သည့် သူများကမူ ရှန်မိသားစု ကြုံရသည့် ကပ်ဘေးကို ပျော်ရွှင်အားရစွာ ကြည့်နေကြသည်။ ရှန်မိသားစုကမူ ခါးသက်သော အသီးကို မျိုချရုံသာ တတ်နိုင်သည်။

ရုန်ကျင်းထန်ထဲတွင် ရှန်လောင်ဖူးရန်က ပင်မဝင်းထဲရှိ ညောင်စောင်းပေါ်၌ ရှန်ရှင်းပေးထားခဲ့သော အခင်းက ယခုထိ ရှိသေးသည်။ ယင်းက အနောက်မြောက်ဒေသတွင် အမဲလိုက်၍ရသော ဝံပုလွေ သားရေဖြင့် ပြုလုပ်ထားတာ ဖြစ်ပြီး ကာလာကြာရှည်စွာ အသုံးပြုမှုကြောင့် အတန်ငယ် ပြားနေပြီး တစ်ဖက်၌ စုတ်ပြဲနေပေ၏။ အတိတ်တုန်းက ရှန်ရှင်းသည် မြို့တော်သို့ ပြန်ရောက်လာချိန်၌ ရှန်လောင်ဖူးရန်အတွက် သူ့အမဲလိုက်ထားခဲ့သည့် လက်ဆောင်များ အမြဲယူလာပေးသည်။ သူတို့ တင်းမြို့တော်တွင် မဝယ်နိုင်သည့် ပစ္စည်းကောင်းများ ဖြစ်သည်။ ယခုရှန်ရှင်းက မည်သည့် လက်ဆောင်မှ လာမပေးတော့ ရှန်လောင်ဖူးရန်သည် အတိတ်တုန်းက ပစ္စည်းဟောင်းကိုသာ အသုံးပြုနိုင်သည်။