ပင်လယ်နှစ်စင်းရဲ့ဆုံမှတ်ရာဇဝင်

(20)

လွတ်လပ်ချင်မိလို့

'ဦးနိုင်....'

တည်းခိုဆောင်အဝင်လမ်းမှာရပ်နားလာသည့်ကားတစ်စီးကိုမြင်တော့ စည်း'ချက်ချင်းမှတ်မိခဲ့၏။
အဲဒီနက်စွေးနေတဲ့ကားဟာ သူ့ဦးလေးဖြစ်သူဦးနိုင်ရဲ့ကားပါ။
ဦးနိုင်ကဒီကိုဘယ်လိုလုပ်ရောက်လာသလဲ။
စဉ်းစားရင်းနဲ့ စည်းရဲ့ခြေလှမ်းတွေကအနည်းငယ်မြန်လာပြီး ကားရှိရာဆီရောက်လာခဲ့၏။
သူဒီကိုရောက်နေတယ်ဆိုတာ မိုနာကလွဲပြီးဘယ်သူမှမသိခဲ့တော့
ဦးနိုင့်ကို...မိုနာကလမ်းညွှန်လိုက်တာပဲဖြစ်ရမည်။

ထိုအချိန်မှာ ပင်လယ်ကတော့ ခပ်ဝေးဝေးထွက်ခွာနေခဲ့ပြီး တချက်တချက်အဲဒီကားရှိရာဆီသို့ပြန်လှည့်ကြည့်နေခဲ့၏။
စည်းရဲ့အရေးကြီးဧည့်သည်ဖြစ်မယ့်ပုံစံရတော့ သူအလိုက်သိရမည်မဟုတ်ပါလား။
အနီးနားရောက်လာတဲ့စည်းကို အဲဒီဦးလေးကြီးက နှုတ်ဆက်နေပေမယ့်...မျက်နှာကတော့ကြည်လင်မနေခဲ့။
သို့သော်လည်း သူ့ကိုကြည့်သည့်အကြည့်ထက်တော့ စည်းကိုကြည့်နေသည့်အကြည့်တွေကအေးချမ်းနေသေး၏။

'စည်း...မင်းကို ဒီမှာနားနားနေနေအပန်းဖြေနေမယ်ထင်ထားတာ'

စတင်ပြီးနှုတ်ဆက်ပြောဆိုလာတဲ့ဦးနိုင့်စကားတွေကရာသီဥတုမကောင်းချင်ပေ။
ကားရှေ့မှာရပ်နေတဲ့တူတော်မောင်ကိုစိတ်မချမ်းမြေ့စွာကြည့်ရင်း...ဦးနိုင်ကသက်ပြင်းခပ်ရှည်ရှည်ချသည်။

'ဘာတွေစဉ်းစားပြီး..လုပ်နေတာလဲ...စည်း..'

ချွေးသံတရဲရဲနဲ့တူတော်မောင်ကိုမြင်ရတော့ရင်ထဲလဲမကောင်းနိုင်ဘဲ အံ့သြခြင်းမကအံ့သြမှုလဲဖြစ်နေရသည်။
တခါမှချွေးသံရဲရဲဖြစ်သည်အထိမနေခဲ့ဖူးတဲ့စည်းဆိုသည့်ဒီကလေးကို အခုလိုမြင်ရတာကိုယ့်မျက်စိကိုကိုယ်မယုံချင်ပေ။
ငယ်ငယ်ကတည်းကချူချာတတ်ခဲ့သည့်ကလေးမို့ ဒီအရွယ်ရောက်သည့်အထိ သူတတ်နိုင်သရွေ့ဂရုတစိုက်နဲ့ပျိုးထောင်ပေးခဲ့ရတာမို့...
စေတနာဒေါသတွေနဲ့ရင်ထဲမှာဗလောင်ဆူချင်သည်။

တကယ်ဆို သူကပိုလျှံတဲ့အထိချမ်းသာကုံလုံတဲ့လူမဟုတ်လို့...
သူ့မိဘတွေဆုံးပါးသွားကတည်းက စည်း'ကိုခြေမွေးမီးမလောင်လက်မွေးမီးမလောင်နဲ့ထားနိုင်ဖို့ အသည်းအသန်ကြိုးစားခဲ့ရတာပါ။
မရှိမရှားတဲ့ဘဝကနေ လိုတိုင်းရနိုင်သမျှရအောင်အစစအရာရာသူ့ဘဝကိုဒီတူလေးအတွက်ပဲမြှုပ်နှံခဲ့တာ။
သာမန်ဒီဇိုင်းစတူဒီယိုတခုသာပိုင်သည့်အနေအထားမှကုမ္ပဏီတခုဖြစ်အောင်သူရင်းနှီးခဲ့သည်မှာ ဒီတူသားတစ်ယောက်ထဲအတွက်သာဖြစ်သည်။
စည်း'...ငယ်စဉ်ကတည်းက
ကျောင်းကောင်းကောင်းကိုပို့နိုင်ဖို့၊
ပညာရေးထူးချွန်ဖို့တစိုက်မတ်မတ်ဖိသွင်းပျိုးထောင်နိုင်ဖို့ သူအသေအလဲကြိုးစားခဲ့ရတာဖြစ်သည်။
သူထားတဲ့ဘဝအတိုင်းတသက်လုံးခေါင်းညိတ်နေခဲ့တဲ့စည်း'ဆိုတဲ့တူတော်မောင်ဟာတချက်မှညည်းညူငြူစူဖူးတာမရှိခဲ့။
ကန့်လန့်တိုက်ငြင်းဆန်ဖူးတာမရှိခဲ့ဘဲ
သူချတဲ့လမ်းကြောင်းအတိုင်းပေါ့ပေါ့ပါးပါးအဆင်ပြေနေခဲ့တာလို့ပဲထင်နေခဲ့တာ...။