ပင်လယ်နှစ်စင်းရဲ့ဆုံမှတ်ရာဇဝင်

(34)

နောက်ဆုံးနွေရာသီ

ဒီနေ့ညတော့တယောက်ထဲခြောက်ကပ်စွာဖြတ်သန်းရတော့မည့်အရေးနဲ့ အခန်းထဲတစ်ယောက်ထဲနေရမှာကိုကြောက်သည့်စိတ်တို့ထက်....စည်းကိုသတိရမိတာကပိုနေခဲ့သည်။
မပြန်ချင်ဘဲပြန်လာခဲ့ရတဲ့ ခရီးကအလာတုန်းကထက်ပိုရှည်လျားခဲ့၏။
ဒိုင်းမွန်းဟောက်စ်ကိုရောက်တော့ညရှစ်နာရီခွဲပြီးပြီ...။
နေ့လည်တုန်းကစည်းဆီမှဖုန်းဆက်ထား၍ဦးနောင်နောင်နှင့်ရွှေရုပ်တို့ကစောင့်နေခဲ့ကြသည်။

'ကားအဆင်ပြေပါ့မလားလို့ပူနေတာ'

'ကျွန်တော်နောက်ကျသွားတယ်...ဧည့်သည်တွေပြန်ကြပြီလား'

'မရှိတော့ဘူး...အားလုံးပြန်ကြပြီ...'

'မင်းရေချိုးပြီးနားလိုက်တော့...ရွှေရုပ်ညစာပြင်ပေးလိမ့်မယ်'

သူညစာစားပြီးတော့ဦးနောင်နောင်လည်းအိပ်ဖို့အခန်းပြန်ပြီဖြစ်ကာ...ရွှေရုပ်လေးကလည်း သူ့ကိုနှုတ်ဆက်လေသည်။

'မနက်ဖြန်မှပဲ ရွှေရုပ်ပန်းကန်တွေဆေးတော့မယ်...
ဂွတ်နိုက်...ကိုကြီး...'

ပိတ်ရက်ပြီးလို့ဧည့်သည်တွေလည်းမရှိတော့ဘူးမို့...
ကမ်းခြေဘက်မှာလည်းဘာအသံမှမကြားရဘဲခြောက်ကပ်နေတော့သည်။
တည်းခိုခန်းလေးလည်းခြောက်သွေ့လို့နေတော့ အထီးကျန်ချင်စရာလေး။
တစ်ယောက်ထဲ သောင်ပြင်ပေါ်မှာအေးအေးလူလူလမ်းလျှောက်ရင်း အတွေးတို့ကဟိုဟိုဒီဒီပျံ့ဝဲလို့။
ဖြူဖွေးအိစက်နေတဲ့သဲသောင်ပြင်ကြီးက တစုံတယောက်ကိုပိုလွမ်းမိနေစေပြန်သည်။
ခပ်သော့သော့တိုက်ခတ်နေတဲ့ လေအေးအေးတွေထဲမှာ သူနဲ့စည်းတို့ရဲ့ရယ်သံတွေပါလာခဲ့သလား။
ဟိုအဝေးမှာခပ်မတ်မတ်လေးဖြစ်နေတဲ့ ကျောက်ဆောင်စွန်းလေးကရော...စည်းကိုလွမ်းနေမလား။
တောင်တောင်မြောက်မြောက်ငေးနေမိရင်း...
နှစ်ယောက်အတူတူအဲဒီကျောက်ဆောင်လေးပေါ်ငါးမျှားနေခဲ့တဲ့ပုံရိပ်လေးတွေကိုပြန်မြင်ယောင်မိသည်။
ငါးမျှားချိတ်မှာအစာတပ်တာရော...မိလာသည့်ငါးကိုနှုတ်ထုတ်တာရောစည်းကဘာမှမသိတော့ သူကပဲအကုန်သင်ပေးခဲ့ရတာ။
သစ်သားအတိုအထွာတွေနဲ့မီးဘယ်လိုမွှေးရသလဲဆိုတာကိုလည်းမသိခဲ့တဲ့စည်းကိုသူပဲ မီးမွှေးသင်ပေးခဲ့ရတာ။
နေ့စဉ်လူနေမှုတွေအကြောင်းတော်တော်များများကိုသိမနေတဲ့စည်းကိုသူသင်ပေးခဲ့ရတာတွေအားလုံးကအခုတော့အမှတ်တရဖြစ်လို့။
အမှတ်တရကနေအမှတ်တမဲ့ဖြစ်ပြီး ဒါတွေကိုသူတို့နှစ်ဦးစလုံးမေ့ပျောက်သွားနိုင်သလိုမျိုး...
တသက်လုံးမေ့မရတဲ့အမှတ်တရတွေဖြစ်သွားနိုင်ပါသည်။
မေ့သွားမလား၊ အစဉ်အမြဲသတိရနေမလားဆိုတာကတော့ သူတို့နှစ်ဦးရဲ့နှလုံးသားပေါ်မှာပဲမူတည်နေပြီး...
ရဲရဲနီအောင်ပျစ်မယ့်နှလုံးသွေးပိုင်ရှင်ကတော့ ဘယ်တော့မှမေ့လို့သွားမှာမဟုတ်ဘဲ သတိတရတဲ့တမ်းတနေမိမှာပါပဲ။
အဲဒါက နှစ်ယောက်စလုံးလား၊ သူတစ်ယောက်ထဲပဲဖြစ်နေမလားဆိုတာတော့မသိနိုင်။
နေပင်လယ်ဆိုတဲ့သူက ပေါ့ပေါ့ပါးပါးနဲ့ပဲဘဝကိုဖြတ်သန်းနေပေမယ့် ခံစားချက်တွေကိုတော့ ဘာသိဘာသာဂရုမစိုက်ဘဲထားတတ်သည့်သူမျိုးတော့မဟုတ်ပါ။
ပျော်ပျော်ရွှင်ရွှင်နဲ့ပဲဘဝကိုဒီအထိဖြတ်သန်းလာခဲ့ပေမယ့် အများမြင်နေသလို ပေါ့ပေါ့နေပေါ့ပေါ့စားလူမျိုးတော့မဟုတ်တာကိုကိုယ်တိုင်သိသည်။