unicode.
'' ငါက တကယ့်သူဖုန်းစားလိုဘဲ ''
အတိတ်ကိုပြန်တွေးရင်း ငါနားလည်ခဲ့တယ်၊
အရင်ကငါဖြစ်ခဲ့တာတွေထက် အခုလို
'အတုယောင်မင်းသမီး' ဖြစ်နေတာကပိုကောင်းနေသေးတယ်၊'' ထပ်မတွေးနဲ့တော့...ဒါတွေအကုန်အတိတ်တွေချည်းဘဲ... ''
ငါအိပ်ရာကနေခုန်ထွက်လိုက်တယ်၊ဒီလိုအချိန်မှာခန္ဓာကိုယ်ကိုလှုပ်ရှားဖို့လိုတယ်လေ၊
ဒီတိုင်းကြီးဆက်နေနေရင် မကောင်းတဲ့အတွေးတွေကပိုပြီးဆိုးရွားလာလိမ့်မယ်၊ငါခြုံစောင်တစ်ခုကိုယူပြီးအခန်းထဲကထွက်လိုက်တယ်၊စံအိမ်ဝန်းကျင်ကိုလမ်းလျှောက်လိုက်တာကမှ ငါ့အတွေးတွေကိုသေချာပေါက် ရှင်းရှင်းလင်းလင်းဖြစ်စေလိမ့်မယ်၊
အဲ့လိုနဲ့ ငါလှေကားထစ်တွေကိုဖြတ်ပြီး ဟောခန်းမကိုဖြတ်လျှောက်လိုက်တယ်၊'' သခင်မလေး ''
အောက်ဘက်ကိုဆင်းလာတဲ့ အိမ်တော်ထိန်းကငါ့ဆီပြေးလာတာကိုတွေ့လိုက်ရတယ်၊သူကတအံတသြနဲ့ငါ့ကိုခေါ်လိုက်တယ်၊
'' ဘယ်သွားမလို့ပါလဲ ''
'' အိမ်အပြင်ကို ''
'' အရှေ့ဘက်တောင်ကုန်းမှာ မီးရှူးမီးပန်းသွားကြည့်မလို့လား ''
'' အရှေ့ဘက်တောင်ကုန်း ''
အဲ့နေရာကိုမမှတ်မိခင် ငါမေးလိုက်တယ်၊
အဲ့တာကသိပ်မကြာခင်တုန်းက Derrickဆွဲခေါ်သွားခဲ့တဲ့ကုန်းမြင့်လေးဘဲ၊Penelopeက နှစ်တိုင်းနောက်ဆုံးရက်ရောက်ရင် မီးရှူးမီးပန်းတွေကြည့်ဖို့အဲ့နေရာကိုသွားနေကျဖြစ််မယ်၊ငါရုတ်တရက်ကြီး ဘာလို့ထမင်းစားခန်းမှာတုန်းက Dukeကအဲ့အကြောင်းမေးတာလဲဆိုတာကို သဘောပေါက်လိုက်ပြီ၊'' မဟုတ်ဘူး ''
ငါခေါင်းကို ခါလိုက်တယ်၊ငါအဲ့နေရာကိုသွားပြီး မီးရှူးမီးပန်းကြည့်ရလောက်တဲ့အထိ စိတ်ကရိုဆန်နေတာမဟုတ်ဘူး၊
'' ဒါဆိုဘယ်ကိုများသွား..... ''
'' ကျမပျင်းတယ်... ''
အိမ်တေယ်ထိန်းရဲ့မျက်နှာက စိတ်ရှုပ်ထွေးပြီးမဲ့ရွဲ့သွားခဲ့တယ်၊အဲ့တာက အကြောင်းပြချက်မရှိဘဲ သူမရဲ့ဦးတည်ချက်ကိုရုတ်တရက်ပြောင်းလဲပစ်လိုက်တဲ့ မရင့်ကျက်သေးတဲ့မိန်းခလေးတစ်ယောက်ကို အတော်လေးနားမလည်နိုင်တော့တဲ့ပုံဘဲ၊ဒါပေမဲ့အဲ့တာကအရေးမကြီးပါဘူး၊ယုတ်မာတဲ့မိန်းမတစ်ယောက်က သူမစိတ်ကူးပေါက်ရာ အလိုရှိတဲ့အတိုင်း ပြေးလွှားနေတာဘဲလေ၊
YOU ARE READING
DITOEFV
RomanceGameဆော့ရင်းနဲ့အိပ်ပျော်သွားတဲ့ကောင်မလေးတစ်ယောက်က အိပ်ရာကနိုးလာတဲ့အချိန်မှာ သူဆော့နေတဲ့gameရဲ့ hard moodကvillianဖြစ်နေပါသတဲ့... လက်တေွ့ဘဝမှာရော gameထဲမှာပါပစ်ပယ်ခံထားရတဲ့ဘဝမျိုးဖြစ်နေတဲ့အပြင် gameထဲကတခြားဇာတ်ကောင်တေွရဲ့အာရုံစိုက်မှုကိုရယူနိုင်ပြီး...