Unicode.
Rennald ပြောခဲ့တာမှန်တယ်၊ဓားသမားတွေရဲ့လေ့ကျင့်ရေးကမပြီးသေးတာကြောင် ငါလေ့ကျင့်ရေးကွင်းကိုရောက်သွားတဲ့အချိန် လေထုကပရမ်းပတာဖြစ်နေခဲ့တယ်၊
ကံကောင်းချင်တော့ လေးအတက်ကိုလေ့ကျင့်နေတဲ့သူတွေမရှိကြပဲ ပစ်မှတ်တွေရှိတဲ့ဘက်က လေ့ကျင့်ရေးကွင်းနဲ့ခပ်လှမ်းလှမ်းမှာရှိနေပြီး ဗလာဖြစ်နေခဲ့တယ်၊( လူမရှိတာကိုပြောတာပါနော် )
အစုအဝေးနဲ့သူရဲကောင်းတွေကိုရှောင်ချင်တာနဲ့ ငါလေ့ကျင့်ရေးကွင်းကနေ ပတ်ပြီးရုန်းထွက်လာရတယ်၊ဖြတ်သွားလိုက်ရင်ပိုမြန်တယ်ဆိုပေမဲ့ Dukeနဲ့မျက်နှာချင်းဆိုင်ခဲ့ရတဲ့အချိန်က ကြာသေးတာမဟုတ်ဘူး၊ခုအချိန်က ပြသနာမဖြစ်အောင် ငြိမ်ငြိမ်လေးနေရမဲ့အချိန်ပဲ၊
အဆုံးမှာတော့ ပစ်မှတ်အရှေ့မှာရပ်ပြီး မြားကိုလေးပေါ်တင်လိုက်တယ်၊ပြီးတာနဲ့လေးညို့ကိုဆွဲပြီး ချိတ်မှာတင်လိုက်တယ်၊အဲ့ေနာက်မောင်းတံကို လှည့်လိုက်ပြီးအသင့်ပြင်လိုက်တယ်၊
ဒူးလေးကိုတစ်နှစ်လောက်သုံးခဲ့တဲ့ ဒီခန္ဓာကိုယ်ပိုင်ရှင်ကိုငါယုံကြည်ခဲ့တယ်၊
'' ဘာကမှားနေရပြန်တာလဲ ''
ဒါပေမဲ့ ပစ်မှတ်ဆီဦးတည်နေတဲ့ မြားရဲ့အဆုံးကငြိမိသက်မနေတာကို ခံစားမိလိုက်တယ်၊အဲ့နေရာမှာဒီတိုင်းရပ်နေတုန်းက ပေါ့ပါးတယ်လို့ခံစားမိပေမဲ့ ငါတစ်ခုခုကိုချိန်ရွယ်လိုက်တဲ့အခါမှာတော့ ငါ့ရဲ့လက်မောင်းတွေတုန်ယင်လာခဲ့တယ်၊ဘာလို့ဆို အဲ့တာကငါထင်တာထက်ပိုလေးနေတာကြောင့်ပဲ
'' သူမတကယ်ကြီးမပစ်ခဲ့ဘူးလား ''
ငါမရပ်နိုင်ခဲ့ဘူး၊ပြီးတော့ ငါ့ရဲ့ဒေါသတွေကိုထွက်ပေါက်ရှာဖို့အတွက် လက်မောင်းကိုပြန်ချလိုက်တယ်၊ငါအဲ့တာကိုတင်နိုင်ရုံပဲရှိသေးတယ် ဒါပေမဲ့ငါအဲ့တာကိုဘယ်လိုကိုင်ပြီး ဘယ်လိုပစ်ရမလဲဆိုတာတော့ မသိဘူး၊
ငါ့ရဲ့လက်ကောက်ဝတ်တွေကိုခါထုတ်လိုက်ပြီးနောက် ဒူးလေးကိုထပ်ပြီးမလိုက်တယ်၊ဒီတစ်ခါတော့ ငါ့လက်မောင်းတွေ မတုန်လာခင်အဲ့တာကိုမြန်မြန်ပစ်ပလိုက်မယ်၊
YOU ARE READING
DITOEFV
RomanceGameဆော့ရင်းနဲ့အိပ်ပျော်သွားတဲ့ကောင်မလေးတစ်ယောက်က အိပ်ရာကနိုးလာတဲ့အချိန်မှာ သူဆော့နေတဲ့gameရဲ့ hard moodကvillianဖြစ်နေပါသတဲ့... လက်တေွ့ဘဝမှာရော gameထဲမှာပါပစ်ပယ်ခံထားရတဲ့ဘဝမျိုးဖြစ်နေတဲ့အပြင် gameထဲကတခြားဇာတ်ကောင်တေွရဲ့အာရုံစိုက်မှုကိုရယူနိုင်ပြီး...