ပြန်လည်မွေးဖွားလာသောဧကရာဇ် (book 3)

Arc 3🗡197🗡အားကြီးသော တောင်​ဖောက်နဂါး (ပထမပိုင်း)

Chapter (197) Arc 3
အားကြီးသော တောင်​ဖောက်နဂါး (ပထမပိုင်း)

"ကောင်းပြီ.... အဲဒီလုရွှမ်က ငါ့သား မင်းသားချန်ရှင်းနဲ့ အင်ပါယာစစ်တပ်ရဲ့ လက်ထောက်တပ်မှူး ယန့်ဖုံးကို ရှန့်ခုန်းချိုင့်ဝှမ်းမှာ သတ်ပစ်လိုက်တာ.... သူက ငါ့ရဲ့ ပေရွှီးအင်ပါယာ ဘုန်းအာနုဘော်ကို စိန်ခေါ်နေတာပဲကွ။ သူ့ကို မသတ်လိုက်ရင် ငါ့တော်ဝင်မိသားစုရဲ့ ဂုဏ်သိက္ခာကို ငါဘယ်လို ထိန်းသိမ်းရ​တော့မလဲ"

ဘုရင်ကြီး ချန်ရှုံက ကျယ်လောင်စွာ ဟောက်လိုက်သည်။

မင်းသားချန်ရှင်း၊ ယန့်ဖုံးနှင့် အခြားသူများ သေဆုံးသွား သောအခါ လုရွှမ်က ၎င်းတို့ကို သတ်ခဲ့ကြောင်း သိသော်လည်း အတွင်း၌ ဖြစ်ပျက်ခဲ့သည်များကို တိတိကျကျ သူ မသိပေ။

"သူက မင်းသားချန်ရှင်းကို တကယ် သတ်လိုက်တာလား?"

ကျောင်းအုပ်ကြီး ချူဝမ့်ရှန်းနှင့် အိုးယန်ရွှမ်းတို့ တစ်ချိန်တည်းမှာ ထိတ်လန့်သွားပြီး နားလည်သွားကြသည်။ ဘယ်သူပဲဖြစ်ဖြစ် သူ့သားကို သတ်ရင် ဒေါသဖြစ်မှာ သေချာပါသည်။ ဘုရင်မင်းမြတ်လည်း အပါအဝင်ပင်။

မင်းသားတစ်ပါးကို ပြောင်ပြောင်တင်းတင်း သတ်ခဲ့သည်။ နောက်ထပ် အရေးယူမှု မပြုပါက တော်ဝင်မိသားစု တစ်ခုလုံး မည်သို့ရပ်တည် ရတော့မည်နည်း။

ပေရွှီးအင်ပါယာကို ထပ်မံထိန်းချုပ်ရန် အခွင့်အာဏာ မည်သို့ ရှိ​တော့မည်နည်း။

"ဟုတ်တယ်... အဲဒီလုရွှမ်က ဥပဒေမဲ့တဲ့ သူပဲ။ သူက မင်းသားချန်ရှင်းနဲ့ ဒုတပ်မှူး ယန့်ဖုံးကို သတ်ရုံတင်မကဘူး... ငါ့မြေး ချန်တုံးကလည်း သူ့ဆီက နှိပ်စက်ခံရတယ်။ အခု သူသေတာထက် ပိုဆိုး​စေမယ့်ဘဝက ခံစားခိုင်းလိုက်စမ်းပါ...."

စစ်သေနာပတိ ဟူရှောက်ကလည်း ဝင်ပြောလိုက်သည်။

"ဒါဆို ကျောင်းအုပ်ကြီးချူကို မတားတော့ပါဘူး.... ငါတို့ ဒီကလေးကို တရားစီရင်ပြီး တခြားသူတွေကို စံနမူနာပြဖို့ သေသေချာချာ သတ်ပစ်လိုက်ရမယ်!"

"လူ​ကြီးမင်းတို့ နှစ်ယောက် စိတ်ပူနေဖို့ မလိုပါဘူး.... အိုးယန်ရွှမ်းက အခုနက ကျုပ်ပြောခဲ့ပြီးကတည်းက လုရွှမ်ကို သေဒဏ်ပေးဖို့ ရည်ရွယ်ထားပြီးသားပါ.... အားလုံးက သဘောတူတဲ့အတွက် သူ့ကို ဘယ်သူသတ်သတ် အတူတူပါပဲ!"