ပြန်လည်မွေးဖွားလာသောဧကရာဇ် (book 3)

Arc 3🗡218🗡အဆင့်၅ကို ထိုးဖောက်ခြင်း (တတိယပိုင်း)

Chapter (218) Arc 3
အဆင့်၅ကို ထိုးဖောက်ခြင်း (တတိယပိုင်း)

ဘုရင်ကြီး ချန်ရှုံနှင့် အခြားသူများမှာ ယခုမြင်ကွင်းသည် လုရွှမ်၏ တိုက်ခိုက်ရေးဗီဇကြောင့် ဖြစ်ကြောင်း ယုံကြည်ကြ​လေသည်။ အမှန်တရားကိုတော့ လုရွှမ်သာလျှင် သိသည်။ သူ့တွင် တိုက်ပွဲဝင် စွမ်းရည်ဗီဇ ရှိသော်လည်း သူ့အသက်ကို ဟာသအဖြစ် ခံယူဝံ့မည် မဟုတ်ပေ။

သစ်သားနှလုံးသား ခုန်ပျံနိုင်ခဲ့တဲ့ အကြောင်းရင်းက တကယ်တော့ သူ့ရဲ့ ဝိညာဉ်သခင် စွမ်းရည်ကြောင့်ပဲ ဖြစ်သည်။

လူတွေရဲ့ မျက်စိနဲ့နားကို လှည့်စားဖို့အတွက် သူ့ခြေဖဝါးအောက်က တမင်တကာ ထွက်သွားကြောင်း စီစဥ်ခဲ့သည်။ အကယ်၍ လေထဲကသာ ခုန်ထွက်သွားပါက သူ သစ်သားချောင်းကို ထိန်းချုပ်နိုင်တယ်ဆိုတာ ဘယ်သူမဆို သိသွားလိမ့်မည်။

သူ့ရဲ့ စိတ်စွမ်းအားက အားကောင်းနေပြီ ဖြစ်ပြီး ဝိညာဉ်သခင်၏ နည်းလမ်းမှာလည်း အလွန်ထူးဆန်းလှသည်။ ကျန်းရှောက်ထျန်းပင်လျှင် ဤလှည့်ကွက်ဖြင့် တိုက်ခိုက်ခံရရန် မမျှော်လင့်ထားဘဲ ရိုက်နှက်ခံရပြီး ပြင်းထန်စွာ ဒဏ်ရာရသွားခဲ့သည်။

"ဟမ့်... သေသင့်တယ်!"

နှုတ်ခမ်းထောင့်က သွေးများ ထွက်ကျလာပြီး ကျန်းရှောက်ထျန်းသည် ဖျော့တော့သော မျက်နှာဖြင့် မြေပြင်ပေါ်တွင် လဲလျောင်းနေပြီး သူ၏ အတွင်းအင်္ဂါများမှာ ပြုတ်ထွက်နေသလိုပင်။

လုရွှမ်၏ စိတ်စွမ်းအားသည် ၁.၅ ပြည့်သွားသောအခါ စိတ်စွမ်းအား တစ်ခုတည်းဖြင့် စွမ်းအားပေါင်း သန်း ၆၀၀ ၏ ကြီးမားသောစွမ်းအားကို ထုတ်လွှတ်နိုင်နေပြီ။ သစ်သားနှလုံးသား၏ ကိုယ်ပိုင်စွမ်းအားဖြင့် အနီးအနားတွင် ရှိသော သေမျိုးအသွင်ပြောင်းခြင်းနယ်ပယ် အဆင့်၆ကိုပင် တစ်ချက်တည်းနှင့် သတ်နိုင်၏။

လုရွှမ်ရဲ့ စိတ်ဝိညာဉ်သခင်အဖြစ် သူ့ဝိသေသ လက္ခဏာကို ထုတ်ဖော် ပြသရမှာကို စိုးရိမ်လို့သာ မဟုတ်ရင် ကျန်းရှောက်ထျန်း ပွဲချင်းပြီး သေဆုံးသွားနိုင်သည်။

"ကျိုးနေတဲ့ သစ်သားချောင်းက ငါ့ကို နာကျင်အောင် လုပ်ရတဲ့ သတ္တိရှိနေတယ်ပေါ့ ဟုတ်လား?? ငါ အခုချက်ချင်း ဖြတ်ပစ်မယ်!"