ပြန်လည်မွေးဖွားလာသောဧကရာဇ် (book 3)

Arc 3🗡227🗡စစ်သူရဲများ

Chapter (227) Arc 3
စစ်သူရဲများ

မြို့ပေါင်းတစ်ထောင် မဟာမိတ်။ တိမ်ပင်လယ်နယ်မြေသည် အလွန်ကြီးမားလွန်းပြီး လုရွှမ် အရင်ဘဝက ထိုကဲ့သို့သော သေးငယ်သော နေရာကို ဂရုမစိုက်မိသည်မှာ သာမာန် ဖြစ်သည်။ သူ မသိသာသော်လည်း ဤဧရိယာတွင် မကြာခဏ လှုပ်ရှား လုပ်ဆောင်လေ့ရှိသော မော့ကောင်းရွှမ်းကတော့ ချက်ချင်း မှတ်မိလေသည်။

နဂါးကမ္ဗည်းပြားထဲမှ ထွက်လာသော အရာမှာ မြို့ပေါင်းတစ်ထောင် မဟာမိတ်၏ သုံးဖက်မြင် မြေပုံကို မော့ကောင်းရွှမ်း အနေနဲ့ သိကျွမ်းထားသည်။

တည်နေရာ အတိအကျကို သိသဖြင့် လုရွှမ်က

"ကျီးကန်း... မြို့တစ်ထောင်မဟာမိတ်မှာ တကယ့် နဂါးနှလုံးက ဘယ်နေရာမှာ ရှိတာလဲ"

"အဲဒါကို ဖော်ထုတ်ဖို့ အခုလောလောဆယ်တော့ နည်းလမ်း မရှိဘူး... မြို့တစ်ထောင်မဟာမိတ်ကို သွားပြီးတော့မှ နဂါးနှလုံး ဘယ်မှာလဲဆိုတာ ငါအာရုံခံနိုင်မှာ"

"ကောင်းပြီ... ဘာပဲဖြစ်ဖြစ် ဒီကိစ္စတွေက ပြီးခါနီးပြီ ဆိုတော့ ငါတို့အပြင်ထွက်ပြီးရင် မြို့တစ်ထောင်မဟာမိတ်ကို သွားကြမယ်"

လုရွှမ် ချက်ချင်း ဆုံးဖြတ်ချက်ချလိုက်သည်။

သူသည် သေမျိုးအသွင်ပြောင်းခြင်းနယ်ပယ် အဆင့်၅ ဟဲလင်နယ်ပယ်တွင် ရှိနေပြီဖြစ်ပြီး ယင်းယန်ကျောင်းတော်ရဲ့ ကျောင်းအုပ်ကြီးကို သတ်ပစ်ခဲ့​ပြီ။ ပေရွှီး တော်ဝင်အင်ပါယာကလည်း သူ့ရဲ့ ကျင့်ကြံမှုကို ပံ့ပိုးဖို့ အရင်းအမြစ်များ ခက်ခဲသွားပြီ။

ပေရွှီး တော်ဝင်မိသားစုရဲ့ ရတနာအခန်းကို သူရှာဖွေခဲ့တာက သူ့အတွက် လိုအပ်တာတွေ ယူဆောင်မလို့ပင်။

ထိုအချိန်တွင် မြေပြင်သည် အနည်းငယ် တုန်ခါသွားသည်။

နဂါးရုပ်တုက ထွက်လာသော သုံးဖက်မြင် မြေပုံသည် တဖြည်းဖြည်း မှိန်လာပြီး မရေမတွက်နိုင်သော သဲများအဖြစ်သို့ ပြောင်းလဲကာ အောက်သို့ လျှောကျလာ၏။

ပြိုကျသွားသော သဲသဲများသည် သေးငယ်သော သဲအစုအဝေးတွင် စုပုံနေပြီး တကယ့်နဂါးကြီး၏ အသွင်အပြင်ကိုပင် မမြင်နိုင်တော့ပေ။