ပြန်လည်မွေးဖွားလာသောဧကရာဇ် (book 3)

Arc 4🗡6🗡အရိပ်လူသတ်ခန်းမ

Chapter (6) Arc 4
အရိပ်လူသတ်ခန်းမ

ရှီးမန်ကျွင့်ရဲ့ အပေါင်းအဖော်တွေဟာ လုရွှမ် လက်လွန်ပြီး မသတ်မိအောင် ဒါမှမဟုတ် မသတ်ရဲအောင် ရွှီရှင့်လုံ၏ စွမ်းအားနဲ့ အဆင့်အတန်း အကြောင်းကို လျင်မြန်စွာ ရှင်းပြလိုက်သည်။

လုရွှမ်က ဘယ်သူလဲ?

ကြီးကျယ် ခမ်းနားတဲ့ အရူးဧကရာဇ်လေ။ ဘယ်တုန်းက တခြားသူဆီက ခြိမ်းခြောက်ခံခဲ့ရဖူးလို့လဲ။

ဒါ့အပြင် ရှီးမန်ကျွင့်က သူ့ကို တိုက်ခိုက်လာတာ ဆိုတော့ တားမြစ်ချက် တစ်ခုကို ချိုးဖျက်လိုက်ပြီပဲ။

သူ့ဘာသာ ဘယ်သူပဲ ဖြစ်​နေပါစေ!

အင်ပါယာရဲ့ အင်အားကြီး ထိပ်သီးစာရင်းမှာ အဆင့်၃ ဆိုရင်လည်း သူ ဂရုမစိုက်ပါဘူး။ ရုတ်တရက် ပေါ်လာတဲ့ အင်အားကြီး ထိပ်သီးစာရင်းထဲက လူကြောင့်နဲ့ သူက ဘယ်လိုလုပ် ခြိမ်းခြောက်ခံနေမှာလဲ။

အေးစက်သော မျက်နှာနဲ့ လုရွှမ်ဟာ မဆိုင်းမတွ သူ့လက်ကို တင်းတင်းကျပ်ကျပ် ညှစ်ထားလိုက်သည်။

"ခရက်!"ဟူသော အသံနှင့်အတူ ရှီးမန်ကျွင့်၏ မျက်လုံးများ ဖြူဖတ်လာကာ ယက်ကန်ယက်ကန် ဖြစ်နေသော ခြေတစ်စုံသည် ရုတ်တရက် အစွမ်းမဲ့ ရပ်တန့်သွားကာ လုရွှမ်၏ လက်မောင်းကို ဆုပ်ကိုင်ထားတဲ့ လက်ဟာလည်း ​ပြုတ်ကျသွားခဲ့သည်။

ရှီးမန်မိသားစုက ဒုတိယ သခင်လေးဟာ မတိုင်ခင်က အလွန်မာန ထောင်လွှားနေသော်ငြား လုရွှမ်ထံက ကြက်တစ်ကောင်ကို အသေသတ်လိုက်သလို အသက်ရှူ လမ်းကြောင်းတို့ တိုက်ရိုက် ဖြတ်တောက် ခံလိုက်ရလေပြီ။

“ထွက်သွား!”

လုရွှမ် လှည့်ပင် မကြည့်ဘဲ သေမျိုးအသွင်ပြောင်းခြင်း နယ်ပယ် အဆင့်၆ရှိ နောက်လိုက်ထံ အလောင်းကို ပေါ့ပေါ့တန်တန် ပစ်ပေး၍ သူ့ထိုင်ခုံသို့ သွားထိုင်နေလိုက်သည်။

"ဟုတ်ကဲ့!"

သေမျိုးအသွင်ပြောင်းခြင်းနယ်ပယ် အဆင့်၆ လူဟာ ဒါကိုမမြင်ခင်က ဘာမဆို လုပ်ဝံ့ပေမယ့် အခုတော့ သူ ဆက်နေဖို့ သတ္တိမရှိတော့တာကြောင့် အလောင်းကို ကောက်ယူပြီး လှည့်ထွက်ပြေးတော့သည်။