Chapter (116) Arc 4
အနီရောင်ဝတ်စုံနဲ့ မိန်းကလေးစားပွဲထိုးလေး ငိုပြီး အမြန်ထွက်သွားသည်။
ဒီလို ရက်စက်တဲ့ မိန်းမတစ်ယောက်နဲ့ တွေ့တာ တကယ်ကို ကံမကောင်းတာပဲ။ သူတို့ဒီမှာ ဆိုင်ဖွင့်လာတာ နှစ်အတော်ကြာပြီး ဆိုးသွမ်းတဲ့ သူတွေနဲ့ ကြုံခဲ့ရပြီး သဘောမတူတဲ့အခါ လူတွေကို ရိုက်နှက်တာတွေ အများကြီး ရှိပေမယ့် ဒီတစ်ကြိမ် အရိုက်ခံရတာ သူဖြစ်နေမယ်လို့တော့ မမျှော်လင့်ထားခဲ့ဘူး။
သေချာတာပေါ့ ညဘက်မှာ လမ်းအရမ်းလျှောက်ရင် တစ္ဆေနဲ့ တွေ့တတ်တယ်လေ။
တခြား စားပွဲထိုးများမှာ ကြောက်ရွံ့ထိတ်လန့်ကာ တချို့ကလည်း ကြည်နူးနေကြသည်။
ဒေါက် ဒေါက် ဒေါက်!
တံခါးခေါက်သံကြောင့် လုရွှမ် လန့်နိုးလာသည်။ တံခါး ဖွင့်ကြည့်လိုက်တော့ စားပွဲထိုးက မျက်နှာတွင် သွေးများ ထွက်လျက် ရပ်နေတာကို တွေ့လိုက်ရသည်။
"ဧည့်သည်....တောင်းပန်ပါတယ် မိန်းကလေး တစ်ယောက်က ကျွန်တော်တို့ တည်းခိုခန်းကို လာပြီး အခန်းတစ်ခန်းပေးဖို့ အော်ဟစ်ပြောနေပါတယ်... ဒါပေမဲ့ ခင်ဗျားက နောက်ဆုံးအခန်းကို ရသွားတယ် သိတယ်မလား? သူမက ခင်ဗျားကိုထွက်သွားပြီး သူမအတွက် နေရာပေးစေချင်တာ... ဒါမှမဟုတ် ဧည့်သည် သူမနဲ့ ညှိနှိုင်းကြည့်ပါလား? ကျွန်တော် အကြောင်းပြချက် ကောင်းကောင်း မပေးနိုင်ရင် ကျွန်တော့်ကို ထပ်ရိုက်နေမှာ ကြောက်တယ်"
လုရွှမ် စိတ်ထဲက လှောင်ရယ်လိုက်သည်။ တည်းခိုခန်းမှာ တည်းတာလေးကတောင် ပြဿနာက ရောက်လာသေးတာပဲ။
စားပွဲထိုးရဲ့ မျက်နှာပေါ်က သွေးစွန်းကွက်တွေက ကောင်းကောင်း မပျောက်သေးပေ။ သေမျိုးအသွင်ပြောင်းခြင်း နယ်ပယ် ကျင့်ကြံသူ တစ်ယောက်က ဒီဒဏ်ရာလောက်ကို ကုသနိုင်တာကို မကုသထားတာက သူ့ကိုပြချင်နေတာ ရှင်းပါ၏။
ဒီလိုလူလေးတွေနဲ့ အချိန်ဖြုန်းဖို့ ပျင်းလွန်းတဲ့ လုရွှမ်က တည့်တည့်ပဲ လျှောက်ထွက်လာခဲ့သည်။
မူလက အပြင်မှာ နေရလည်း အရေးမကြီးဘူးလို့ သူထင်ခဲ့ပေမယ့် အနီးနားမှာ တည်းခိုခန်း ရှိနေတာကြောင့် လာကြည့်ခဲ့သည်။ ထို့အပြင် အခကြေးငွေ မြင့်မားသော်လည်း အကျိုးသက်ရောက်မှု ကောင်းမွန်ဆဲဖြစ်တဲ့ အပြင် ပတ်ဝန်းကျင်က အခင်းအကျင်း ဖွဲ့စည်းပုံမှာလည်း ကျေနပ်ဖွယ်ကောင်းလှသည်။
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ