Chapter (48) Arc 4
အဂ္ဂိရတ်ပညာရှင် အဖွဲ့ရဲ့ ခေါင်းဆောင်ကို သတ်လိုက်ပြီ
"ညီလေးလု!"
"အစ်ကိုလု!"
ခန်းမသခင်ဟယ် နဲ့ ဆေးဥယျာဉ်မှူးတို့က သူတို့ရဲ့ လက်တွေကို ဆုပ်လျက် လုရွှမ်ကို တပြိုင်နက်တည်း နှုတ်ဆက်လိုက်ကြသည်။
လုရွှမ်ရဲ့ စရိုက်ကို မြင်တွေ့ပြီးနောက် နှင်းထဲတွင် မီးသွေးပေးရသည့် အဖိုးတန်မှုကို ပို၍ပို၍ လေးမြတ် နားလည်လာခဲ့သည်။
လုရွှမ်ကလည်း ထိုနှစ်ယောက်ဖက်ကို ထက်ထက်သန်သန်ဖြင့် ဦးညွှတ်ကာ ပြုံးလိုက်သည်။
"ခန်းမသခင် ဟယ်ချောင်နဲ့ သခင်မစွင်းလင်တို့ကို ကျေးဇူးတင်ပါတယ်.... ခင်ဗျားတို့ရဲ့ အကူအညီကို ကျုပ်နှလုံးသားထဲမှာ မှတ်သားထားပါ့မယ်"
"ဒီတိုက်ပွဲပြီးရင် မြို့ထောင်ချီမဟာမိတ်မှာ ညီလေးလုရဲ့ ဂုဏ်သတင်းက တော်တော်လေးကို မွေးပြန့်သွားမှာဖြစ်ပြီး နောင်မှာ မြို့ထောင်ချီမဟာမိတ်ရဲ့ ဒဏ္ဍာရီ ဖြစ်လာမှာပါ"
ခန်းမသခင်ဟယ်ချောင်က ရယ်လျက် ဆိုလိုက်သည်။
စွင်းလင်က အနည်းငယ် သီးသန့်ဆန်လို့ စကားအနည်းငယ် ပြောပြီး အချိန်ရလျှင် ဆေးဥယျာဉ်သို့ လာလည်ရန် ဖိတ်ခေါ်သဖြင့် လုရွှမ်လည်း ခေါင်းညိတ်သဘောတူခဲ့သည်။
သူတို့ သုံးယောက် စကားစမြည် ပြောနေကြတာကို မြင်လိုက်ရတော့ ဟန်ရွှယ်နှင့် အခြားသူများ ဝမ်းသာအားရ ရောက်ရှိလာကြသည်။
"အားလုံး အဆင်ပြေရဲ့လား"
လုရွှမ် အပြုံးလေးနဲ့ မေးလိုက်ရင်း သူ့ရဲ့စိုးရိမ်တဲ့မျက်လုံးတွေက တစ်ယောက်ပြီး တစ်ယောက် ဖြတ်သန်း ကြည့်နေခဲ့သည်။
မော့ကောင်းရွှမ်း မြေပြင်ပေါ်သို့ တလေးတစား ဦးညွှတ်ချကာ စိတ်ချယုံကြည်စွာဖြင့် ဆိုလိုက်သည်။
"ဒါက သေးငယ်တဲ့ ဒဏ်ရာလေး တစ်ခုပါပဲ... ကြီးလေးတဲ့ ပြဿနာ မဟုတ်ပါဘူး။ သခင်ရဲ့ အံ့ဖွယ်အတတ်ပညာဟာ ကမ္ဘာမှာ တုနှိုင်းမမှီပါဘူး... အနာဂတ်မှာ တစ္ဆေအစောင့် အဖွဲ့ရဲ့ ဂုဏ်သိက္ခာကို ပြန်လည် အသက်သွင်းပြီး ကမ္ဘာတစ်ဝှမ်းလုံး ကျော်ကြားလာမှာ သေချာပါတယ်"
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
