ပြန်လည်မွေးဖွားလာသောဧကရာဇ် (book 3)

Arc 4🗡23🗡စုပေါင်းအောင်မြင်မှု

Chapter (23) Arc 4
စုပေါင်းအောင်မြင်မှု

လုရွှမ်သည် ၉ကွင်းနယ်ပယ်နှင့် ဝူအဆင့်၁၀ ကဲ့သို့သော နယ်ပယ်များစွာ၏ ကောင်းချီးများကို တွေ့ကြုံခံစားဖူးသည်။ ကိုယ်ခန္ဓာနှင့် စိတ်ဝိညာဉ် နှစ်ခုစလုံးသည် ကန့်သတ်ချက် တစ်ခုအထိ အားကောင်းနေပြီ ဖြစ်သည်။ ဤ​ဆေးသည် အခြားသူများထက် စိတ်စွမ်းအားကို မြှင့်တင်ရန် များစွာ လွယ်ကူသည်။

"လင်ရှောင်းရှောင်း... ဒီကိုလာခဲ့!"

လင်ရှောင်းရှောင်း အခန်းထဲက ထွက်လာတာကို မြင်တော့ လုရွှမ် ချက်ချင်း လှမ်းအော်လိုက်၏။

"ငါ့ကိုခေါ်တာ ဘာကိစ္စ ရှိလို့လဲ?"

သူမကို လှမ်းခေါ်တာ မြင်တော့ လင်ရှောင်းရှောင်း အနည်းငယ် ဝမ်းသာသွားသည်။

မြို့ထောင်ချီမဟာမိတ်ကို ရောက်ကတည်းက လုရွှမ် သူတို့ အလှမယ်လေးတွေကို အထူးဂရုမစိုက်တာ မတွေ့ခဲ့ရဘူး။ ဒီတစ်ခါတော့ သူမကို လှမ်းခေါ်တာက သူ့စိတ်ထဲ သူမကို ဂရုစိုက်တာကြောင့်လား။ ဘယ်သူ့မှ မရှိတာကို တမင်တကာ အခွင့်ကောင်းယူပြီး တစ်ခုခု ပြောချင်လို့လား။

"အခု မင်းရဲ့ စိတ်စွမ်းအား အတိုင်းအတာက ဘယ်လောက်ရှိပြီလဲ"

လုရွှမ်မှ မေးလိုက်သည်။

"၀၉!" လင်ရှောင်းရှောင်း အနည်းငယ် ရှက်ရွံ့စွာ ပြောလာသည်။

သူမသည် သေမျိုး အသွင်ပြောင်းခြင်း နယ်ပယ်သို့ ခြေလှမ်း စလှမ်းလာခဲ့သော်ငြား ဝိညာဉ်စွမ်းအား တိုးလာမှုသည် ကျင့်​ကြံမှုနယ်ပယ်၏ နောက်တွင် ကျန်ခဲ့ကြောင်း ထင်ရှားလာခဲ့သည်။

သူမမှာ နည်းလမ်းမရှိပေ။ ပထမအချက် သူမတွင် အဆင့်မြင့်သော စိတ်စွမ်းအား လေ့ကျင့်နည်း မရှိပေ။ အခြေခံအားဖြင့် သူမသည် စိတ်ဝိညာဉ်စွမ်းအားကို ဖြည်းညှင်းစွာ တိုးတက်စေရန် သာမန်စိတ်စွမ်းအား လေ့ကျင့်နည်းနဲ့သာ လေ့ကျင့်ရသည်။

ဒုတိယအချက် သူမရဲ့ ဝိညာဉ်စွမ်းအားကို မြှင့်တင်ပေးနိုင်သည့် ဆေးဖက်ဝင် ပစ္စည်းများကို ဝယ်ယူဖို့ မတတ်နိုင်ပေ။