Raising You This Small Stuff
Unicode
အခန်း ၁၂: ဒူဒူ့ရဲ့ကျောင်းဝတ်စုံ!
မိုရိချန်က ရက်အနည်းငယ်အတွင်း ဘာအလုပ်မှ မရှိတာကြောင့် ချန်ကျောင်ကို အားလပ်ရက် ပေးလိုက်သည်။
ဒီနေ့ကတော့ ရာသီဥတုသာယာသည်။
ပုံမှန်အားဖြင့် ဒီလိုရာသီဥတုမျိုးဆို မိုရိချန်က ရေကူးတာလို ရေနဲ့ဆိုင်တဲ့အားကစားတွေ လုပ်ဖို့ အပြင်ထွက်လေ့ရှိပေမယ့် အခုကတော့ အီလက်ထရွန်နစ်ပစ္စည်းထဲမှာနေထိုင်တဲ့ယွမ်းစွော် ရှိနေတာကြောင့် အနည်းငယ် အဆင်မပြေနိုင်ပေ။ အထူးသဖြင့် အီလက်ထရွန်နစ်ပစ္စည်းတွေက ရေထိဖို့ အဆင်မပြေတာကြောင့် မတော်တဆမှုတစ်ခုခု ဖြစ်သွားမှာကို သူစိုးရိမ်သည်။
"မင်းကို တကယ့်ရုပ်ရှင်ကြည့်ဖို့ ခေါ်သွားရင်ရော ဘယ်လိုလဲ"
ယွမ်းစွော်က ကွန်ပျူတာ သို့မဟုတ် Tvကနေသာ ရုပ်ရှင်ကြည့်ဖူးတာဖြစ်ကြောင်း သူက တွေ့ရှိသွားသည်။
ယွမ်းစွော်က ရုပ်ရှင်ရုံလို့ကြားတော့ စိတ်လှုပ်ရှားသွားသည်။
နာရီဝက်ကြာပြီးနောက် ကားမောင်းသမားက မိုရိချန်ကို ရုပ်ရှပ်ရုံတွင် ချပေးထားခဲ့သည်။ မိုရိချန်က ယွမ်းစွော်သွားရေကျနေတာကို မမြင်ရက်တာကြောင့် လမ်းတွင် ပေါက်ပေါက်ဆုပ်၊ လတ်ဆတ်တဲ့ လက်ညှစ်အသီးဖျော်ရည်နဲ့ ရေခဲမုန့်လေးကိုလည်း ယွမ်းစွော်အတွက် ဂိမ်းထဲမှဝယ်ခဲ့သည်။
"Mr.မို ကြိုဆိုပါတယ်"
မိုရိချန်ကိုမြင်တော့ ရုပ်ရှင်ရုံမန်နေဂျာက ချက်ချင်း လာနှုတ်ဆက်သည်။
"ရုပ်ရှင်ရုံက အဆင်သင့်ဖြစ်နေပါပြီ။ ပြင်ဆင်းခိုင်းထားတဲ့ ရုပ်ရှင်ကားကလည်း အချိန်မရွေး ပြလို့ရနေပါပြီ"
မိုရိချန်က ခေါင်းညိတ်ပြကာ ကျေးဇူးတင်စကား ပြောပြီး VIPအခန်းထဲဝင်ကာ ထိုင်ခုံနေရာရွေးလိုက်သည်။ အကောင်ပေါက်လေးလည်း မျက်နှာပြင်ကြီးကို သေချာမြင်ရစေရန် ထောင့်ကို ချိန်ညှိပြီး ဖုန်းကို နှိပ်လိုက်သည်။
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...