Raising You This Small Stuff
Unicode
အခန်း ၅၉: ဒူဒူက မိဘတွေနှင့် တွေ့နေပြီ
"မိုရိယန် လွှတ်လိုက်စမ်း!"
မေမေမိုက တခါမှ ဒီလောက် အရှက်ရတာမျိုး မခံစားခဲ့ဖူးပေ။ ဆယ်မိနစ်ခန့်ကြာပြီးနောက် သူမက ရေသောက်လိုက်ပြီး ဆရာဝန်က စစ်ဆေးဖို့ လာခဲ့ပေမယ့် မိုရိယန်က ချန်ကျောင်ကို သူ့အပိုင်လို ဆုပ်ကိုင်ထားဆဲဖြစ်သည်။
သူအနိုင်ကျင့်ခံနေရတာပါလို့ ထုတ်ပြနေတဲ့အမူအရာဖြင့် ချန်ကျောင်က ကြောက်ရွံ့နေတဲ့ တိရစ္ဆာန်လေးတစ်ကောင်ကဲ့သို့ ကုတင်အစွန်းတွင် ရပ်နေကာ လှုပ်တောင် မလှုပ်ရဲပေ။
မိုရိယန်က အစတုန်းက အနေအထားအတိုင်း ဇွတ်အတင်း ထိန်းထားပေမယ့် သူ့ရဲ့ ဆုပ်ကိုင်ထားတဲ့ခွန်အားက အနည်းငယ် လျော့ပါးသွားခဲ့သည်။
"ချန်ကျောင်လား"
မိုရိယန်က သူ့ရှေ့ရှိလူရဲ့ အထောက်အထားကို ဆုံးဖြတ်ရန် ဘယ်နှစ်ကြိမ်တောင် မေးနေခဲ့မိမှန်း မသိတော့ပေမယ့် ချန်ကျောင်က စိတ်ရှည်စွာ တုံ့ပြန်ဆဲဖြစ်သည်။
"ဟုတ်ပါတယ်"
"မင်းက...ရိချန်ရဲ့နောက်လိုက်လား"
မိုရိယန်က သူကအရင်က လက်ထောက်ဝတုတ်ဖြစ်တယ် ဆိုတာကို မယုံသေးကြောင်း သိလိုက်ရသဖြင့် ချန်ကျောင်က အနည်းငယ် ရှက်ကိုးရှက်ကန်းဖြင့် ခေါင်းညိတ်ကာ သူ့လက်ကောက်ဝတ်ကို ထပ်မံဆွဲထုတ်ဖို့ ကြိုးစားလိုက်သည်။
"bossမို ဘာလို့ ရေတစ်ခွက်လောက်မသောက်ရတာလဲ"
ဒါက မိုရိယန် အိပ်မက်မှ နိုးလာခဲ့ပြီဆိုတာ သိသွားပြီဖြစ်သည်။ သူ ထွက်သွားမှာ မဟုတ်ကြောင်း သေချာမှ ရေတစ်ခွက် ယူပေးဖို့ လွှတ်ပေးလိုက်သည်။
မေမေမိုက မိုရိရှုကို လူနာခန်းထဲမှ ဆွဲထုတ်လာခဲ့ပြီး သူမ၏မျက်နှာပေါ်တွင် တင်းမာသောအမူအရာဖြင့်
"အခု ဘာတွေဖြစ်နေတာလဲ"
မိုရိရှုက ဇာတ်လမ်းတစ်ခုလုံးကို ရှင်းပြလိုက်သည်။
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
