Raising You This Small Stuff
Unicode
အခန်း ၂၇: ဒူဒူ့ရဲ့အချိန်ပိုင်းအလုပ်
အခုတော့ တိုက်ခန်းသို့ ရောက်ရှိလာခဲ့ပြီး ယွမ်းစွော်က စက္ကန့်အနည်းငယ်လောက် တုံ့ဆိုင်းနေခဲ့သည်။
သို့သော်... သူ ဝမ်းနည်းနေပေမယ့် မိုရိချန်ကို တွေ့ချင်သေးတာကြောင့် ခြေတိုတိုလေးတွေဖြင့် တံခါးဆီကို ပြေးဝင်ပြီး e-magazineကို လှန်ကြည့်ရင်း သူ့ကိုစောင့်နေတဲ့ မိုရိချန်ကို မြင်တော့ သူက အားစိုက်ထုတ်ရင်း ပါးစပ်ကျယ်ကျယ်ဖွင့်ကာ အပြုံးအကြီးကြီးကို ထုတ်ပြလိုက်သည်။
"မိုရိချန် ကျွန်တော်ပြန်လာပြီ"
"အင်း"
မိုရိချန်က ဒီနေ့ တစ်နေ့တာကို ဘယ်လိုကုန်ဆုံးခဲ့လဲလို့ မေးဖို့ သူ့ခေါင်းကို လှည့်လိုက်တော့ ယွမ်းစွော်ရဲ့မျက်နှာလေးကို မြင်လိုက်ရသည်။ သူ့မျက်နှာပေါ်အမူအရာက ချက်ချင်း လေးနက်သွားကာ ခန္ဓာကိုယ်ကလည်း မတ်သွားခဲ့သည်။
ယွမ်းစွော်က သူ့ကျောင်းလွယ်အိတ်ကြိုးလေးကို လက်နှစ်ဖက်ဖြင့် ဆုပ်ကိုင်ထားပြီး ဘာဖြစ်သွားမှန်းမသိ ဖြစ်နေကာ အနည်းငယ် ရှုပ်ထွေးနေခဲ့သည်။
မိုရိချန်က လေးနက်တဲ့အသံဖြင့် မေးလိုက်သည်။
"မင်းမျက်လုံးတွေ ဘာလို့နီရဲနေတာလဲ"
ယွမ်းစွော်က ဒီလိုမေးခံလိုက်ရတဲ့အခါ သူ့မျက်လုံးတွေက ပူလာပြီး ပိုနီရဲလာပေမယ့် ပထမအကြိမ်အဖြစ် မိုရိချန်ရဲ့ရှေ့မှာ သူ့ပါးစပ်ကို တင်းတင်းပိတ်ထားခဲ့သည်။
"မဟုတ်ဘူး…. ဘာမှမဟုတ်ပါဘူး"
"မင်းရဲ့မျက်လုံးတွေက ယုန်ရဲ့မျက်လုံးလိုတောင် နီရဲနေပေမယ့် မင်းက ဘာမှမဖြစ်ဘူး ပြောနေသေးတယ်။ တကယ်ပဲ ဘာတွေဖြစ်လာတာလဲ" မိုရိချန်က သူ့မျက်နှာမှာ မကောင်းတဲ့အမူအရာဖြင့် ထပ်မေးလိုက်သည်။
နှလုံးသားထဲတွင် လျှို့ဝှက်ချက်အနည်းငယ်ကို ဖုံးကွယ်ထားတဲ့ ယွမ်းစွော်က အနည်းငယ် တုန်လှုပ်သွားခဲ့ပေမယ့် မိုရိချန်မှာ ချစ်သူရှိနေတာကို မြင်လိုက်ရလို့ စိတ်မကောင်းဖြစ်မိတာကြောင့် ငိုမိသွားပါတယ်လို့တော့ မပြောရဲပေ.....
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...