Raising You This Small Stuff
Unicode
အခန်း ၇၉: လက်ထပ်ခွင့်တောင်းတာ အောင်မြင်ခဲ့ပြီ
မိုရိယန်က လေယာဉ်ပေါ်က ဆင်းတာနှင့် ရှိုးပွဲကို အမြန်သွားခဲ့သည်။
မိုရိချန်ရဲ့သူ့ချစ်သူရှိကြောင်း ဝန်ခံချက်နှင့် ပတ်သက်ပြီး အင်တာနက်တွင် လူပြောများနေပေမယ့် သူ့ဒုတိယညီက ငယ်ငယ်လေးကတည်းက ဘယ်သူ့ကိုမှ ဒီလောက်တွယ်တာတာ မတွေ့ဖူးတာကြောင့် ဒါက မိုရိယန် မျှော်လင့်ထားသလိုပင် လူသိရှင်ကြားထုတ်မပြခင် အချိန်အနည်းငယ်အတွင်းသာ ဖြစ်သည်။
အကယ်၍ ချန်ကျောင်ရဲ့ အသက်မွေးဝမ်းကျောင်း ဖွံ့ဖြိုးတိုးတက်ရေးအတွက်သာ မဟုတ်ပါက မိုရိယန်က အများသူငှာ ထင်မြင်ယူဆချက်လှိုင်းကို ဖန်တီးရန် လူကို သူ့အတွက် အရင်ယူပြီးနောက် 'အရင်ပိုင်းဖြတ်ပြီး နောက်မှ ပြန်လည်ကစားခြင်း' နည်းလမ်းကို အသုံးပြုကာ ပျော်ရွှင်နေမည်ဖြစ်သည်။
ပြိုင်ပွဲက နောက်ဆုံးအကျော့တွင် မဲအရေအတွက်အပြင် လူကြိုက်များမှုတွေပါ ပေါင်းစပ်ကာ ပြီးဆုံးသွားပြီး နောက်ဆုံးတွင် ချန်ကျောင်က လွှမ်းမိုးမှုအသာစီးဖြင့် ချန်ပီယံဆုကို ရရှိခဲ့သည်။
ချန်ကျောင်က လက်ထဲတွင် ဆုဖလားကို ကိုင်ထားရင်း ဆုလက်ခံစကားကို ပြောနေစဉ် သူ့အသံက တုန်ယင်နေခဲ့သည်။
ဒီလောက်နှစ်တွေ အများကြီးကြာပြီးမှ ဒီလိုစင်ပေါ်မှာ ရပ်ခွင့်ရလိမ့်မယ်လို့ တစ်ခါမှ မတွေးခဲ့မိပေ။
ပရိတ်သတ်ရဲ့အားပေးသံများက ဆူညံနေကာ ရောင်စုံမီးချောင်းများက နဂါးငွေ့တန်းတစ်ခုလို ထင်ရပြီး အကြောင်းတစ်ခုခုကြောင့် နွေရာသီမြက်ခင်းရဲ့ရနံ့က သူ့နှာခေါင်းအောက်သို့ ရုတ်တရက် ပျံ့လာခဲ့သည်။ မိုးရွာတဲ့ညနေခင်းတွင် အိမ်ခေါင်မိုးပေါ်က သစ်သားသေတ္တာတစ်ခုပေါ်၌ လူနှစ်ယောက်ထိုင်နေသလိုပင်...
ထိုခဏတွင် သူ့နှလုံးသားထဲက တစ်ခုခု လွဲသွားသလိုပင်။
ဘယ်အချိန်ကစခဲ့မှန်းမသိပေမယ့် သူ့နှလုံးသားထဲတွင် ဖာထေးလို့မရနိုင်တဲ့ ကွက်လပ်တစ်ခု ရှိနေသလို ခံစားခဲ့ရပြီး မိုရိယန်ကို ပထမဆုံးတွေ့တဲ့အချိန်ထိ သန်းခေါင်ယံတွင် အိပ်မက်မက်တဲ့အချိန်တိုင်း သူ့နှလုံးသားက မောပန်းနေခဲ့သည်။ ထိုလူက အလင်းတန်းတစ်ခုလို၊ စမ်းရေတွင်းတစ်ခုလို၊ နေရာလွတ်တွေကို ပြည့်သွားစေသည့် ကောင်းကင်ရဲ့အလိုတော် တစ်ခုလိုဖြစ်သည်။
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
