Raising You This Small Stuff
Unicode
အခန်း ၅၄: ကျွန်တော်သာ မင်းနဲ့မတွေ့ခဲ့ရင်
မိုရိချန်က အင်တာဗျူးပြီးသွားတဲ့အခါ အသေးလေးက သူ့ကို ကြိုနေတာကို မတွေ့ခဲ့ရဘဲ ခုံတန်းရှည်ပေါ်တွင် ရှုံ့တွကာခေါင်းငုံ့ရင်း ထိုင်နေတာကို တွေ့ခဲ့ရသည်။
"ဘာဖြစ်လို့လဲ။ စောင့်ရတာ ပင်ပန်းနေပြီလား"
သူက လမ်းလျှောက်လာရင်း အသံတိုးတိုးလေးဖြင့် မေးလိုက်သည်။
ယွမ်းစွော်က ခေါင်းမော့ကာ မျက်တောင်ခတ်လိုက်ပြီး မိုရိချန်ကို ကြည့်လိုက်ရင်း ဘယ်သူမှမမြင်နိုင်အောင် အင်္ကျီထောင့်စွန်းကို အသာလေး ကိုင်ဖို့ သူ့လက်ကိုဆန့်ထုတ်လိုက်သည်။
အပြန်လမ်းတွင် သူက မိုရိချန်ရဲ့အင်္ကျီထောင့်ကို လွှတ်ပေးဖို့ ငြင်းဆန်နေခဲ့သည်။ ချန်ကျောင်က ကားကို အဝေးပြေးလမ်းမပေါ် မမောင်းမချင်း ယွမ်းစွော်က အိပ်မက်ကနေ နိုးလာသလိုမျိုး မိုရိချန်ကို ကြည့်လိုက်သည်။
"မိုရိချန် တကယ်လို့ ကျွန်တော်သာ မင်းကို မတွေ့ခဲ့ရင် ကျွန်တော် အခုချိန်ဘာတွေ ဖြစ်နေမလဲ"
ဒါက မိုရိချန်ကို သူ့အသက်ရှုသံ ရပ်သွားစေသလိုပင်။ ဒီလို သေးငယ်ပြီး တုံးအတဲ့ ကောင်လေးက မကောင်းတဲ့သူနဲ့ ကြုံလာရရင် သူ အသက်တောင်ရှင်နိုင်မှာ မဟုတ်ပေ။ သူနဲ့ ပထမဆုံးတွေ့ခဲ့တာဖြစ်ပေမယ့် ပထမရက်တွေမှာလည်း အများကြီး ခံစားခဲ့ရသေးသည်။
သူက ယွမ်းစွော်ကို စိတ်မကောင်းစွာဖြင့် သူ့ရင်ခွင်ထဲကို သွင်းလိုက်ပြီး သူ့လည်ပင်းနောက်ဘက်ရှိ ပျော့ပျောင်းတဲ့ဆံပင်တွေကို ပွတ်သပ်ပေးလိုက်သည်။ တကယ်လို့ဆိုတာ မရှိဘူး။ သူ့ဘေးက အသေးလေးကို ပွေ့ဖက်လိုက်တဲ့အခါမှပင် အနည်းငယ် စိတ်သက်သာရာ ရသွားခဲ့သည်။
"တကယ်လို့ဆိုတာ မရှိပါဘူး။ ကိုယ်တို့ တွေ့ဆုံပြီးပြီလေ။ အနာဂတ်မှာလည်း ကိုယ်က မင်းရဲ့ဘေးမှာ ရှိနေမှာပါ"
သူက တိုးတိုးလေးပြောလိုက်သည်။
ယွမ်းစွော်က အချိန်အတော်ကြာအောင် တိတ်သွားပြီး သူ့ပါးစပ်ကို ဖွင့်လိုက်သည်။ "ဒီနေ့ ကျွန်တော် ဖိုဖေးနဲ့ တွေ့ခဲ့တယ်"
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
