Raising You This Small Stuff
Unicode
အခန်း ၂၃: ပန်းခြံထဲက အေဘယ်လ်နှင့် အယ်လ်နီ!
မိုရိချန်က ဂိမ်းအပြင်ဘက်က ချီးကျူးဖွယ်ရလဒ်ကို ဂိမ်းထဲမှ အမှတ်အဖြစ် ပြောင်းလဲနိုင်ပြီး အဆင့်မြှင့်ခြင်းကလည်း အရင်ဂိမ်းထဲက ရတာထက် ပိုမြန်ကြောင်း နိဂုံးချုပ်သိလိုက်သည်။ ဒီရက်ပိုင်းအတွင်း ဖြစ်ပျက်ခဲ့တာတွေပြီးနောက် မိုရိချန်က အပြိုင်စကြာဝဠာကာလနဲ့ ပတ်သက်တဲ့ အချက်အလက်တွေအများကြီးကို သိရှိဖို့ ကြိုးစားရင်း မြင့်မားတဲ့နည်းပညာစွမ်းရည် အတွက် လူအချို့ကို ကြည့်ရှူဖို့ တိတ်တဆိတ်စေလွှတ်မိသည်အထိ ဖြစ်စေခဲ့သည်။
အနည်းငယ်ပင်ပန်းလာသဖြင့် laptopကို ပိတ်လိုက်ပြီး ဒူဒူ့အတွက် ညစာပြင်ဆင်ရန် စကူညီလိုက်သည်။ လက်ရှိအချိန်အများစုတွင် နှစ်ယောက်အတူတူထမင်းစားကြသည်။ မိုရိချန်က ဖုန်းထဲတွင် ယွမ်းစွော်အတွက် အစားအသောက် လုပ်ဆောင်ပေးကာ ရွှေဒင်္ဂါးအနည်းငယ် အကုန်အကျခံပြီး ထုတ်ယူတာဖြစ်ဖြစ်၊ တစ်ယောက်ယောက်ကို ကောင်းကောင်း ချက်ပြုတ်ပေးဖို့ ပြောကာ ယွမ်းစွော်နဲ့အတူတူ အပြင်ထွက်စားတာမျိုးဖြစ်ဖြစ် လုပ်တတ်သည်။
ဒီနေ့တော့ သူတို့နှစ်ယောက် ညစာ အတူတူစားပြီးနောက် ယွမ်းစွော်က မိုရိချန်နှင့်အတူ ပန်းကန်တွေကို နာခံစွာ ဆေးကြောပြီး သူ့ရဲ့ရှေ့ခါးစည်းပုဝါလေးကို ချွတ်ကာ လက်ကိုဆေးပြီး ဧည့်ခန်းထဲမှာ ရပ်ကာ တစ်စုံတစ်ခုကို ပြောချင်ပေမယ့် တုံ့ဆိုင်းရင်း လက်နှစ်ဖက်ကို ပွတ်နေခဲ့သည်။
"ဘာဖြစ်လို့လဲ" မိုရိချန်က မေးလိုက်သည်။
ယွမ်းစွော်ရဲ့အကြည့်က ပြတင်းပေါက်ဘက်သို့ လှည့်လိုက်ပြီး ပြောလိုက်သည်။
"အဆင့်မြှင့်ပြီးသွားတော့ ကျွန်တော်အခု ပန်းခြံကို သွားလို့ရနေပြီ"
"ဟမ် "
မိုရိချန်က ထိုအကြောင်းကို သဘာဝကျကျ သိထားပြီးပြီ ဖြစ်ပြီး ထို့အပြင် ဒီကိစ္စကို သူတွေးနေခဲ့တာ ကြာပြီဖြစ်သည်။
ယွမ်းစွော်ရဲ့ အဆင့်မြှင့်တက်မှုများဖြင့် စနစ်က သွားလာစရာနေရာတွေကို တစ်ခုပြီးတစ်ခု ဖွင့်ပေးမှာဖြစ်ပေမယ့် အဲဒီ့နေရာတွေက ပြည်သူပိုင်နေရာတွေဖြစ်ပြီး ကစားသမားက ပါဝင်ကြည့်နိုင်မည်မဟုတ်တာကြောင့် ဆိုလိုတာက ယွမ်းစွော်က ထိုနေရာတွေမှာ အခက်အခဲတွေ၊ အန္တရာယ်တွေ ကြုံတွေ့ရပါက သူက ဘာမှလုပ်နိုင်မှာမဟုတ်ပေ။ အရင်က ကျောင်းမှာဖြစ်ခဲ့တဲ့ ဖြစ်ရပ်ကြောင့်သာ မဟုတ်ရင် သူ သိပ်စိတ်ပူမိမှာမဟုတ်ပေ။ သို့သော် တကယ်လို့ ယွမ်းစွော်သာ လဲကျပြီး ဒဏ်ရာရသွားခဲ့လျှင် သူလုပ်နိုင်တာက တိုင်ကြားဖို့ ဖုန်းခေါ်တဲ့ ကန့်သတ်ချက်သာ ရှိသည်။ ပန်းခြံထဲမှာ အလားတူဖြစ်ရပ်မျိုး တစ်ခုခုဖြစ်ခဲ့ရင် ဒီဧရိယာက ပိုပွင့်လင်းတာကြောင့် သူစဉ်းစားလိုက်တိုင်း စိတ်မသက်မသာဖြစ်သွားသည်။
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
