Raising You This Small Stuff
Unicode
အခန်း ၃၂: 'ယုန်ကလေး' နှင့် 'လွှမ်းမိုးကြီးစိုးတဲ့boss'
ကောင်ကလေးရဲ့အနောက်မှ လရောင်က နို့ဖြူရောင် အလင်းတန်းဝိုင်းဖြင့် ဖုံးလွှမ်းထားသကဲ့သို့ သူ့ရဲ့နူးညံ့သိမ်မွေ့ပြီး တောက်ပနေတဲ့မျက်နှာလေးက တစ်ချက်ထိရုံဖြင့် လေနှင့်အတူ ပျံ့လွင့်သွားတော့မလို ဖြစ်နေသည်။
မိုရိချန်က စကားမပြောနိုင်လောက်အောင် အံ့သြသွားခဲ့သည်။ သူ့နောက်ကလူက တကယ်ရှိနေတာ ဟုတ်မဟုတ်ကို ထိကြည့်ခံစားချင်သလို လက်တစ်ဖက်ကို အနည်းငယ် မြှောက်လိုက်သည်။
"မိုရိချန်"
ယွမ်းစွော်က ဝမ်းနည်းစိတ်ထိခိုက်ပြီး ထပ်ငိုပြန်သည်။
ဒါတကယ့်ကို ဒူဒူပဲ! ဆယ်ကျော်သက်အရွယ်ပုံက Qအဆင့်ပုံနဲ့ လုံးဝကွဲပြားနေပေမယ့် သူ့မျက်လုံးတွေက လုံးဝပြောင်းလဲမသွားပေ။
"ဒူဒူ တကယ်ပဲ မင်းလား"
ဒူဒူက နီရဲနေတဲ့မျက်လုံးတွေဖြင့် ခေါင်းညိတ်လိုက်သည်။
"ကျွန်တော်…. ကျွန်တော်က ဒူဒူပါ။ ကျွန်တော်ပါ"
မိုရိချန်က ရှေ့သို့ ခြေလှမ်းကြီးတွေဖြင့် လျှောက်သွားကာ သူ့ကို ညင်သာစွာ ပွေ့ဖက်လိုက်သည်။ အိပ်မက်လို ဖြစ်နေတာကနေ နိုးလာဖို့ ခဏလောက် ကြာသွားပြီး ဆယ်ကျော်သက်ရဲ့ ပိန်ပါးနေတဲ့နောက်ကျောကို ညင်သာစွာပွတ်သပ်ပေးလိုက်သည်။ "မင်းကြောက်နေခဲ့တာ။ ဟုတ်တယ်မို့လား"
ယွမ်းစွော်က အနည်းငယ် တုန်လှုပ်သွားပေမယ့် သူ့ခေါင်းကို ခါယမ်းပြလိုက်သည်။ "မဟုတ်...မဟုတ်ပါဘူး"
မိုရ်ချန်က သူ့ကို ဆွဲထုတ်ကာ သူ့မျက်လုံးတွေထဲကို ကြည့်ပြီး ပြောလိုက်သည်။
"တကယ်လား"
ယွမ်းစွော်က သူ့ကို မကြည့်ရဲဘဲ ခေါင်းငုံ့ကာ နှာခေါင်းနီနီလေးဖြင့် နှုတ်ခမ်းလေးကို ဖွဖွဖိလိုက်သည်။
"နည်း…. နည်းနည်းလေးပါပဲ"
"ဒါဆို ငါက မင်းကို မလိုချင်တော့ဘူးလို့ ထင်နေတာလား"
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...